Nanalipod Si Pablo Sa Iyang Pagtuo

BUHAT 21:37~40, 22:1~5

37 Dihang dad-on na sa sulod, si Pablo niingon siya sa komandante sa mga sundalo, “Makasulti ba ko nimo?” Mitubag siya, “Makasulti ka diay og Griyego! 38 Dili ba, ang Ehiptohanon ka man nga nakahimog kagubot taudtaod na karon. Imong gipagawas sa disyerto ang pundok sa 4,000 ka terorista.” 39 Si Pablo mitubag, “Judio ko nga taga Tarso, ang bantogang syudad sa Cilicia. Tugti palihog ko sa pagpakigsulti nila.”

Miuyon ang komandante. 40 Busa, si Pablo mitindog sa ang-ang sa hagdanan ug misenyas sa mga tawo pinaagi sa kamot ug dihang hilom na sila namulong siya sa pinulongang Hebreo.

Misulti si Pablo sa mga Judio

22 1 “Mga igsoon ug mga amahan, patalinghog mo sa pagpanalipod ko sa akong kaugalingon. 2 Sa pagkadungog nila nga Hebreo ang iyang sinultihan misamot silag kahilom. Mipadayon siya.

• 3 “Judio ko nga natawo sa Tarso sa Cilicia. Apan nagdako ko dinhi. Nagtungha ko sa eskwelahan ni Gamaliel nga nagsunod sa higpit sa atong Balaod. Nag-alagad ko sa Diyos sama sa inyong pag-alagad karon. 4 Bahin ining sa dalan gigukod ko hangtod sa kamatayon ug gipadakop ang mga sumusunod. Mga lalaki ug babaye gibalhog sa prisohan.

5Ang Labawng Pari, ang tibuok Konseho sa mga magulang makasaksi, kay gipadad-an ko nilag sulat alang sa mga igsoong Judio sa Damasco. Milakaw ko aron pagdakop sa mga Kristyano nga akong makita ug pagdala nila sa Jerusalem aron silotan

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga kaagi ni Pablo diin sa unang panahun Siya man si Saulo nga maalom sa kasugo-an sa Diyos nga gisangyaw ni Moises diin matod pa nahuman gayud niya ang pag-eskwela sa pagka Pariseo ug nahimong bantugan diha sa mga pagtulon-an ni Moises nga gitawag kini ug Mosaic Law diha sa pagtulon-an o relihiyon nga Judaism.

Apan sa gitawag na siya sa Ginoo ug gibunyagan ug Pablo ug nagsangyaw sa pagtuln an ni Cristo gilutos usab siya sa iyang mga kauban kaniadto, diin sa kanunay diha sa iyang pagsangyaw nagahulat ang bilanggoan.

Apan sa kanunay tungod sa iyang dakong pagtuo sa kanunay nagauban ang Diyos kaniya. Diin as mga paglutos nga iyang naagian iya gayung gipatigbabaw ang katarong ang kinaiyahan sa espiritu santo sa Diyos nga mao usab ang kinaiyahan ni Jesu Cristo. Kini nagpasabot lamang nga dili sayon ang pagsunod ni Jesu Cristo kay makaambit ka gayud sa mga paglutos apan pinanagi diah sa imong dakong pagtuo sa Diyos ang imposible mahimong posible.