MARCOS 12:38~40
• 38 Sa pagpanudlo, miingon siya: “Pagbantay mo sa matang sa magtutudlo sa Balaod nga ganahan kaayong magsuroysuroy sa tag-as nga sapot ug timbayahon sa tyanggihan. 39 Ganahan kaayo sila sa mga lingkoranang gitagana kanila sa mga sinagoga ug sa unang dapit sa kombira. 40 Lamyon pa ang mga butang sa byuda ug sa ilo samtang nagpasundayag sila sa tag-as nga mga pag-ampo. Pagkabug-at unya sa hukom nga ilang madawat!”
PAGPAAMBIT SA MENSAHE:
Ang maong ebanghelyo maoy pagapasabot lamang diha sa ubang pulong sa Diyos nga nagaingon ang nagpaubos dinhi sa yuta nan iyang ipataas didto sa iyang gingharian sa langit, apan ang nagpahitaas dinhi sa yuta nan iyang ipaubos didto sa iyang gingharian sa langit.
1 Corinto 1:27 ~30 nagaingon “ Gituyo sa pagpili sa Diyos ang giisip sa mag atwo nga walay kapuslanan aron pagpakaulaw sa mga maalamon ug gipili niya kadtong giisip sa Diyos nag tawaong huyang aron sa pagpakaulaw sa mga tawaong gamhanan, gipli niya ang giisip nga tinamay gipakawalay bili sa mga tawo aron pagpakaila nga walay bili ang giisip nga hinungdanon sa mga tawo aron wala gayoy mapasigarbo diha sa atubangan sa Diyos. Kay ang buot mapasigarbo diha sa atubanagan sa Diyos magpasigarbo sa mga milagro nga gihimo sa Diyos.
Busa angayan lamang nga ang atong pagpangalagad sa Diyos himoon natong panag-ingnan si Jesu-Cristo mismo diin bisan siya anak sa Diyos apan wala niya gamita ang iyang pagka-Diyos pinaagi sa kusog ug hinunu-a mitipon siya sa mga kabos ug tinamay ug nagasangyaw diha sa mga milagro ug iglisea sa kamatuoran sa Diyos Amahan.
No comments:
Post a Comment