Ang Pag-alagad Sa Diyos

ROMA 12: 1~21

12 • 1 Busa, nangamuyo ko ninyo, mga igsoon, sa kaluoy sa Diyos, sa pagtugyan sa kaugalingon isip buhi ug balaang sakripisyo nga makapahimuot sa Diyos: ingan ani ang pagsimba gikan sa usa ka binuhat nga may rason. 2 Ayawg sunod sa kalibotan diin nagpuyo mo. Hinunoa, usba ang inyong kaugalingon sa pagbag-o sa inyong hunahuna. Kinahanglang masayod mo sa kabubut-on sa Diyos, unsay maayo, unsay makapahimuot, unsay hingpit.

3 Ang grasya nga gihatag kanako sa Diyos nagtugot nako sa pag-sulti ninyong tanan: Pagdasig mo apan ayawg itago. Ang matag usa kinahanglang magmaalamon sa pagbuhat pinasubay sa mga gasa sa pagtoo nga gituga kaniya sa Diyos. • 4 Tan-awa, ang atong lawas. Usa ra ni, apan daghag bahin. Dili ang tanan managsamag buluhaton. 5 Mao sab ta, daghan, apan usa ra ka lawas diha ni Cristo nga nagsalig sa usag usa. 6 Busa, ang matag usa nato moalagad sumala sa nagkalainlaing gasa. Propeta ka ba? Ihatag ang lamdag sa pagtoo. 7 Ang dyakono magtuman sa katungdanan; Ang magtutudlo, magtudlo 8 ang magdadasig, magdani. Kinahanglan pod nga mohatag mo nga inablihan ang kamot; mangulo sa kalihokan nga mainiton; ug magmaya sa mga buhat sa kaluoy.

• 9 Himoang matinud-anon ang gugma. Dumti ang daotan. Hupti ang maayo. 10 Higugmaa ang usag usa ug pagmabination. 11 Bahin sa inyong mga katungdanan, ayawg tinapolan. Pagmainiton diha sa Espiritu ug alagari ang Diyos. 12 Paghupot og paglaom ug pagsaya. Pailob sa mga pagsulay ug pag-ampo kanunay. 13 Paambita ang ubang kristyano nga nagkinahanglan. Sa mga dumuduong, pangandam sa pagdawat nila.

14 Panalangini ang naggukod ninyo. Panalangin ug ayaw pagtinguhag daotan ni bisag kinsa. 15 Paglipay uban sa naglipay – hilak uban sa naghilak. 16 Pagpuyo mong malinawon uban sa usag usa. Ayawg damgo og mga dagkong butang pagpaubos ug, ayawg isipa ang inyong kaugalingon nga maalamon. 17 Ang daotan ayaw baslig daotan, apan pakit-a sila sa imong kamaayo. 18 Himoa ang kutob sa inyong mahimo aron magpuyo mo sa kalinaw uban sa tanan. 19 Mga minahal, ayawg panimalos; pasagdi ang Diyos nga mosilot kay matud pa sa Kasulatan: Akoa ang panimalos, akoy mobalos, nag-ingon ang Ginoo. 20 Midugang pag-ingon: Kon ang imong kaaway gigutom; pakan-a siya; kon giuhaw, paimna; sa pagbuhat sa ingon, magpatong ka og nagbagang mga oling sa ulo. 21 Ayawg pabuntog sa daotan. Buntoga hinuon, sa kaayo ang daotan.

PAGPAAMBIT SA MENSAHE:

Ang maong ebanghelyo maoy pagpasabot lamang nag ang atong pag-alagad sa Diyos nagapende usab sa kadako sa atong pagtuo ngadto kanila. Ang balaang kasulatan nagaingon nga gikahimut-an sa Diyos ang atong pag-alagad kun mismo ang atong lawas maoy himoon nato nga buhing halad, pinaagi diha sa atong pagbalaan ug pagsunod sa mag kasugo-an sa Diyos kanato.

Diha sa ubang sinulat nagaingon si Jesu Cristo-nga Diha unya sa iyang pagbalik ngadto sa gingharian sa Amahan ayha na ang mga katawhan magapu-asa, diin kita magapuasa diha sa paglikay sa pagpakasala diin atong himoong ehemplo ang atong Ginoong Jesus diin sa kanunay naga-ampo diha sa pag-hangyo ug pagpasidungog sa iyang Amahang Diyos.

Dili kita moundang diha sa pagpu-asa hangtod sa pagbalik sa atong Ginoong Jesus o hangtod diha sa kataposang paghukom. Atong mapalandungan ang atong mga unang apostoles diin diha sa ilang pagsangyaw walay dala nga unsa mang materyal diin matod pa ni San Pablo nga sa matag lugar nga iyang maadtu-an niadtong panahuna nagahulat kaniya ang bilanggu-an.

Apan wala nila kini kahadluki, kay para kanila walay bili ang ilang kinabuhi diin maoy importanta kanila ang ilang kalag diin nasayod man sila kun asa kini mopaingon, kay nakaila ug nasayod sila kun kinsa ang ilang gi-alagaran. Gipakita lang sa maong mga apostoles ang kamatuoran diha sa ubang sinulat sa balaang kasulatan nga nagaingon ‘ Ayaw kahadluki ang tawo nga makapatay sa imong lawas apan walay mahimo sa imong kalag maoy kahadloki ang Diyos nga dako ug mahimo diha sa kalaglagan sa imong lawas ug kalag didto sa impyerno.

Ang atong pagpangalagad sa Diyos dinhi sa yuta maoy atong pagtuon sa pagsimba didto sa iyang gingharian sa lanagit kay madtod didto sa iyang ginghatraian lunlon pag-ampo ug pag-awit sa mga alawiton sa pagdayeg sa Diyos nan bulahan kun dinhi pa daan sa kalibutan inyo na kining gipraktisan aron sai-ngon magkinabuhi kamo nga langyaw niining kalibutan apan ha-om didto sa iyang gingharian sa langit.

Busa sa kanunay maga-ampo ug magahalad sa Diyos nga makagagahum, kay matod pa tulo ka matang sa kinabuhi ang gihatag kanato sa Diyos diin una ang atong material nga lawas diin anaa pa kanato ang espiritu ug kalag nga nahiusa, apan diha sa atong kamatayon, mobiya nag atong espiritu ug mobalik sa Diyos ug didto isumbong na niya ang tanan ninyong binuhatan dinhi sa ibabaw sa yuta, ug ang ikatulo ang imong kalag diin maoy magpadayon sa pagkinabuhi ug magahulat sa kataposang paghukom, ug magahulat diha sa pagkabanhaw kanato pinaagi sa pagsul-ob sa espirituhanong lawas.

Apan igsoon ayaw pagpalabi ug kumpyansa, ayaw pagsalig nga ania kana niining maong kamatuoran siguro na ang imong kaluwasan, kay matod pa diha sa ubang sinulat bisan kadtong sa kanunay naga-ampo sa Ginoo walay siguro ang kaluwasan sa ilang kalag nan unsa pa kaha kadtong walay mga pag-ampo.

Kay ang kaluwasn nga gisaad sa Diyos pinaagi kang Jesu Cristo dili kini siya premyo o ganti tungod sa maayong buhat, kundili grasya kini nga hinatag sa Diyos aron sa ingon walay magpasigarbo diha sa atubangan sa Diyos nga siya naluwas tungod sa maayong buhat kundili ang kaluwasan nagsumikad sa gugma ug grasya sa Diyos.

Si Jesus Gilimod Ni Pedro

MARCOS 14: 66~72

• 66 Samtang didto si Pedro sa hawanan miabot ang usa sa mga babayeng sulugoon sa Labawng Pari. 67 Namatikdan niya sa may kalayo si Pedro nga iyang gitutokan ug giingnan: “Kauban ka ni Jesus nga Nasareno.” 68 Nangulipas si Pedro: “Wala ko masayod ni makasabot sa imong gisulti.” Ug migawas siya.
69 Didto nakita na pod siya sa laing sulugoon nga babaye nga miingon sa nagbarog sa duol: “Usa siya nila.” 70 Apan nangulipas gihapon si Pedro. Human sa pipila ka gutlo, giingnan si Pedro sa mga nagbarog didto: “Sa walay duhaduha, usa ka nila. Taga Galilea ka man, dili ba?” 71 Nangatarongan si Pedro, nanunglo ug nanumpa. “Wala koy kasayoran anang inyong gihisgotan.”
72 Unya, mituktugaok ang sunoy sa makaduha. Nahinumdom dayon si Pedro sa giingon ni Jesus: “Sa dili pa motuktugaok ang sunoy sa makaduha imo na kong ilimod sa makatulo.” Sa paghinumdom ini mihilak siya.

PAGPAAMBIT SA MENSAHE:

Ang maong ebanghelyo maoy pagpasabot nga kitang nagasunod ug nagatuo sa pagtulon-an nga atong gibarugan o sa atong hugot nga pagtuo ngadto sa Diyos, dili kita makapasigarbo o makabuhi ug pulong nga kita bisan unsaon pa sa kanunay magpabilin ang atong pagtuo, bisan sa unsa nga pagsulay sa atong kinabuhi.

Sama niining maong ebanghelyo diin si Pedro gipasidan-an na daan sa Diyos nga sa dili pa motuktugaok ang manok ug kaduha ilimod na ni Pedro si Jesus sa makatulo. Usa kini ka pagtulon-an nga angay sa pagpamalandong nga ang atong pagtuo ug ang pagpangalagad sa Diyos sa kanunay gihulga usab sa mga pagsulay ug paglutos kay kun moingon ka karon nga lig-on ka nan basin ug inigkuso-kuso sa balod sa pagsulay nan hapnig ang tanan.

Ang Diyos miingon pinaagi diha sa iyang holy spirit ang tawo nga nagabalaan nan pagahasulon gayud kini sa dautang espiritu. Ug kun ang holy spirit anaa sa imong tuo nan ang dautan anaa usAb sa imong wala sa kanunay nagahulat kun kanus-a makahigayun sa pag lingla kanimo. Niining panahuna matod pa diha sa ubang pulong sa holy spirit, pareha na kakusog ang dautan ug ang holy spirit dinhi sa ibabaw sa yuta, magbantay gayud kita mga igsoon nga dili mahulog sa laang sa pagsulay.

Ang pagkinabuhi nga naga-alagad sa Diyos maoy pagkinabuhi nga minando-an sa Diyos espiritu, diin mao gayuy atong tagaan ug dakong pagtagad ang atong gimbuhaton nga espirituhanon, ang mga kasal-aan ug mga kasaypanan anaa gayud kana isip tawo kay matod pa samtang pagkinabuhi pa kita dinhi sa ibabaw sa kalibutan, makasasala gayud kita sa huna-huna, sa pulong ug sa buhat.

Ang atong kaluwasan walay kasiguro-an kay matod pa bisan kadtong nangalagad sa Diyos ug sa kanunay naga-ampo kaniya apan diha sa ilang kamatayon, dili na nila masiguro kung asa makapaingon ang ilang kalag, nan unsa na kaha kadtong mga katawhan nga walay mga pag-ampo asa kaha paingon ang ilang kalag, kay ang kaluwasan nga gisaad sa Diyos pinaagi kang Cristo Jesus dili kini premyo o ganti tungod sa maayong buhat aron sa ingon walay magapasigarbo sa atubangan sa Diyos nga siya maluwas tungod sa iyang maayong buhat kundili ang kaluwasan naga-agad tungod sa gugma ug kaluoy sa Diyos.

Si Jesus Ang Hinungdan Sa Pagkabahin-bahin

LUCAS 12: 49~53

• 49 Mianhi ko aron pagdalag kayo sa kalibotan ug naninguha nga maduslitan na ni. 50 Gikinahanglang magpabunyag ko, ug pagkadako sa akong kahingawa hangtod sa pagkahuman ini!
51 Nagtoo ba mo nga mianhi ko aron pagdalag kalinaw sa kalibotan? Dili. Ingnon tamo, inay kalinaw, panagsungi. 52 Gikan karon, sa usa ka panimalay lima ang magkabangi: tulo batok sa duha, duha batok sa tulo. 53 Mabahinbahin sila: ang amahan batok sa anak nga lalaki ug ang anak nga lalaki batok sa amahan; ang inahan batok sa anak nga babaye ug ang anak nga babaye batok sa inahan; ang ugangan batok sa binalaye ug ang binalaye batok sa ugangan.”

PAGPAAMBIT SA MENSAHE:

Ang maong ebanghelyo maoy pagpasabot lamang nga lahi-lahi ang pagtawag sa Diyos kanato, sumala dihA sa ubang pulong sa Diyos nga nagaingon, lahi-lahi ang pagtawag ko kaninyo apan dili ang tanan nag nagasangpit kanako ug diyos makasulod sa gingharian sa langit kundili kadto lamang nagasunod ug nagatuman sa iyang kasugo-an.

Dili lamang kini nga pagtulon-an nga atong gibarugan nga ang Diyos adunay pinili matagpagtulon-an anaa usab silay gipili Apan mga igsoon mao na kini ang kataposang pagtulon-an nga gitukod sa Diyos Jesu Cristo pinaagi sa giya sa espiritu santo. Juan 14: 15 nagaingon “Tumana ninyo ang akong mga sugo ug mangayo ako sa Amahan ug tagaan kamo niya ug lain nga manlalaban, ang espiritu santo sa kamatuoran nga maga-uban kaninyo hangtud sa kahangturan. Ang kalibutan dili makadawat kaniya kay dili man sila makakita ni makaila kaniya apan makaila kamo kaniya kay nagapuyo ug nagauban man siya diha kaninyo.

Daghan ang mga pagtulon-an nag midagsang dinhi sa upat ka suok sa kalibutan, diin miabot na kini ug 46,000 ka pagtulon-an dinhi silang tanan nagpasibantog sa kamatuoran, diin maoy hinungdan sa panag-away ug pagbahin-bahin diha sa matag komunidad ug mga pamilya, kay ngano man tungod kay para kanila sila ang kamatuoran ang nagadala sa kaluwasan.

Apan ang Diyos Amahan nagaingon mahibaw-an ninyo kun ako kanang pagtulon-an kun kamo makaambit sa mga paglutos , busa mga igsoon pagtuki ug pamalandungi, nga kining kamatuoran nga karon inyong nakaplagan mao na kini ang kataposang pagtulon-an nga gitukod ni Jesu-Cristo mao na kini ang gipasabot ni Jesu-Cristo ngadto sa usa ka babaeng taga Samaria nga naga-ingon. Juan 4: 21~23 miingon si Jesus Tuho-i ako babaye, taliabot ang panahun ug karon miabot na nga wala nay magasimba sa Amahan niining bukira ni sa Jerusalem, kay ang matuod nga magsisimba sa Amahan, magasimba sa espiritu santo ug sa kamatuoran kay sila ang magsisimba nga maoy gusto sa Amahan ngag magasimba ngadto kaniya.

Busa mga igsoon dili kita ngay nga magsilo ngadto sa atong isigkaingon, kay usara ang diyos nag atong gisunod ug parehas kitang tanan inig-abot sa adlay sa paghukom, apan matod ma pdiha sa sinulat ni Pedro 1 Pedro 2, haduol an ang iyang pagpabalik ingon gihuna-huna sa uban nga halayo pa, kay hinumdumi, ang 1000 ka tuig sa yuta, usa lang kana ka adlaw sa Ginoo .

Pagpakig-uli Sa Imong Kaaway

LUCAS 12: 57~59

57 Nganong dili mo mohukom unsay angay sa inyong kaugalingon? 58 Kon moadto mo sa hukmanan uban sa nagsumbong ninyo, husaya ang inyong panagbangi diha sa dalan basig taralon mo niya sa maghuhukom nga mobalhog ninyo sa prisohan. 59 Sultihan tamo, dili mo makagawas sa prisohan hangtod nga makabayad sa kataposang utang.”

PAGPAAMBIT SA MENSAHE:

Ang maong ebanghelyo maoy pagpasabot lamang diha sa sugo sa Diyos nga nagaingon nga higugma-a ang imong isigkatawo sama sa paghigugma nimo sa imong kaugalingon, diin diha niining maong ebanghelyo nagpasabot ang Diyos nga usa lamang sa iyang mga kasugo-an nag imong masupak nan sama ra nga nasupak nimo ang tanan nga mga kasugo-an. Diha sa ubang sinulat nagaingon ang Diyos pasayloa ang imong isigkatawo ayha ka mangayo ug pasaylo ngadto sa Diyos sa imong mga kasal-anan.

Diha sa ubang sinulat naga-ingon, 1 Corinto 3 : 16 , Ang lawas sa tawo maoy templo sa Diyos espiritu santo, ug ang molaglag o mapasipala sa templo sa Diyos nga mao kita nan iya usab nga pagalaglagon. Mga igsoon kita maoy templo sa Diyos espiritu santo diin kun imong gilutos o gahi ka mohatag ug pasaylo ngadto sa imong isigkatawo nan sama lang usab unya kana nga nga wala usab nimo hatagi ug bili ug respeto ang espiritu sanato sa Diyos nga anaa nagapuyo sa matag tawo.

Ang Diyos nagsimbolo ug kahayag, nagsimbolo ug panagdait, ug labaw sa tanan nagsimbolo ug kalinaw, ingon usab niana ang iyang gitudlo sa iyang unang mga tinawag, diin gibansay sila sa espiritohanong pagtulon-an diin nagahari ang kalinaw ug panagdait sa matag-usa kanato. Nan kun nagpuyo ka nga adunay pagdumot sa imong isigkatawo nagpasabot lamang kana nga wala nimo pasidunggi ang Diyos ug ang espiritu santo nga nagapuyo diha sa imong kasingkasing-kasing.

Unsaon mo man paghigugma ang Diyos nag wala nimo makita ni mahikap nga ang imong isigkatawo nga adunay gamay nga panagbingkil kanimo dili ka man gani makama-o mopasaylo, Kun moingon ka nga nagasunod ka sa pagtulon-an ni Cristo apan nagadumot ka sa imong isigkatawo nan wala ka pa magpuyo sa kahayag anaa ka pa sa kangitngit. Labaw sa tanan wala ka mahigugma sa Diyos , wala ka mahigugma sa imong manluluwas kay maoy imong gipalabi ang imong garbo ang imong pagkatawhanon, diin ikaw mismo maoy giilang hari sa imong kaugalingon.

Matod pa diha sa mga “Japanese” diha sa ilang doktrina nga gibarugan, diha ilang espirutuhanon nga pagpalambo sa ilang kaugalingon, sa pinulongan nga hinapon nagaingon nga” Masakatsu Agatsu”, sa inengles pa “ Your greatest Victory is your Victory over yourself” sa atong pinulongan nagpasabot kini nga ang mong dakong kadaugan mao ang kadaugan nimo batok sa imong kaugalingon, Ug modaug ka lamang sa imong kaugalingon kun kuhaon nimo ang imong garbo ug ipahari nimo si Jesu Cristo diha sa imong kasing-kasing ug panumduman. Anaa ang pagpaubos, pagkamangindawaton ug ang tiunay nga pagtuo ug pag-ampo ngadto sa Diyos.

Lisod ang magpakatawo nga aunay kaalam ngakalibutanon apan mas lisod ang pagsunod sa kinabuhi ni Cristo diin lunlon paglutos ug mga kasakitan sa kinabuhi ang imong maagi-an. Matod pa sa ubang pulong sa Dios espiritu santo, Bulahan kun nagpuyo ka nga langyaw niining kalibutana apan ha-om didto sa gingharian sa Amahan, diin maoy imong gipasidunggan ang pagsimba didto sa langit, pinaagi diha sa pagbala-an, sa mga pag-ampo ug sa pagsakripisyo, ug labaw sa tanan ang paghatag ug mga kapasaylo-an diha sa nakasala kanimo.

Lami puy-an kining kalibutan mga igsoon kun anaa kanimo ang tanan, matod pa ang tulo ka G, Guns, Gold, Girls, nga saato pa anaa kanimo ang tanang bahandi, body guards ug hupong sa kahilayan , apan unsaon mo man kanang tanan kun ang imong kalag inig-abot sa takdang panahun malaglag usab didto sa impyerno, Ang balaang bata, Sr Santo Niño nagaingon, Kun nasayod pa lang unta kamo kun unsay atu-a didto sa gingharian sa langit nan biyaan unta ninyo ang tanan, ug dili na kamo mangandoy pa ug dugang bahandi niining kalibutan ug maoy inyong siguroon kun unsaon ang paghi-abot didto sa gingharian sa Diyos.

Biya-i Ang Sala Aron Dili Kamo Mamatay

LUCAS 13:1~5

13 • 1 Usa ana ka adlaw gisuginlan si Jesus sa pipila ka tawo sa nahitabo sa Templo: Gipapatay ni Pilato ang taga Galilea ug gisagol ang dugo sa sakripisyo. 2 Mitubag si Jesus: “Nagtoo ba mo nga ang taga Galilea mas dagkong makasasala kay sa uban tungod sa ilang pag-antos sa maong butang? 3 Sultihan tamo, dili. Apan kon dili mo mag-usab sa inyong binuhatan, mangamatay mong tanan sama nila.”
4 Ang 18 ka tawo sa Siloe nga naapil sa pagkahugno sa tore, nagtoo ba mo nga mas sad-an sila kay sa uban sa Jerusalem? 5 Ingnon tamo, dili. Apan kon dili mo mag-usab sa inyong mga gawi, mapukan mo sama sa gidangatan nila.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang kamatayon iya niining kalibutan diin ang Diyos nagaingon nga ang silot sa atong mga kasal-anan mao gayud ang kamatayon apan adunay mga kasal -anan nga dili mosangpot sa kamatayon. Apan ang tanan nga iya niining kalibutan nagaagi sa kabubut-on sa Diyos apan gitugotan usab sa Diyos ang dautan aron sa pagsulay sa iyang mga katawhan.

Dako ug ikatabang ang mga pag-ampo nag gitudlo kanato sa Diyos pinaagi diha sa pagsantos nga rosaryo kay ang importante sa tawo dili man iya niining kalibutana kay temporaryo man lamang kita dinhi niining maong kalibutan kay ang matuod natong kalibutan mao kadtong tua sa laing kalibutan , mao kadtong gingharaian sa Diyos. Nan Ang kamatayon nga gihisgutan dinhi sa maong ebanghelyo mao lamang ang kamatayon sa materyal nga lawas ug dili ang kamatayon sa imong kalag.

Ang atong materyal nga lawas mobalik sa abog, kay matod pa diha sa mga tinago nga pulong sa Diyos spiritu santo tulo ka kinabuhi ang iyang gihatag sa matag tawo una ang pakinabuhi diha sa imong materyal nga lawas, ug ika-duha ang kinabuhi diha sa imong espiritu diin mao kini ang nagahatag sa imong lawas ug kinabuhi nan diha sa imong kamatayon mobalik kini sa Diyos diin, sa buhi pa ang tawo gikan sa iyang pagkabata hangtod sa iyang pagkamatay sa matag katulog sa atong lawas , mogawas ang atong espiritu ug maoy mosumbong sa Diyos sa imong mga kasal-anan.

Nan ang atong kalag maoy labing importante diin maoy malawig didto sa laing kalibutan ug maoy magapa-abot sa kataposang paghukom ug mapoy pagasul-oban sa langitnong lawas puhon inig-abot sa kataposang paghukom.

Kristuhanong Paghatag

2 CORINTO 8:1~15

8 • 1 Buot ko nga masayod mo ka ron sa gasa sa diyosnong grasya sa mga Simbahan sa Macedonia. 2 Samtang gisamok sila ug gigukod pag-ayo, naghingapin ang kalipay. Ang tumang kakabos nabahandi sa kamanggihatagon. 3 Sumala sa ilang maabot, gani labaw, nagtinguha sila pagtabang sa mga santos. 4 Nangayo sila ining pabora; namugos pa gani; 5 ug labaw sa akong gipaabot, mitugyan sila sa kaugalingon sa pagbuot sa Ginoo ug sa atoa, pinasubay sa kabubut-on sa Diyos. 6 Sa ingon, akong giaghat si Tito sa paghuman diha ninyo ining buhata sa grasya nga iya nang nasugdan. 7 Nanghawod mo sa tanan: Sa mga gasa sa pagtoo, sa pagsulti ug sa kahibalo. Nagpakabana mo sa tanang kawsa. Labot pa, primero mo sa akong kasingkasing. Panghawod pod mo sa maalagarong panghatag.

8 Dili ni sugo. Ibutyag ko ang pagbuot sa uban sa pagmatuod sa inyong kahingawa alang sa mga igsoon. 9 Nasayod mo sa kamanggihatagon ni Cristo Jesus, atong Ginoo. Bisag adunahan, nagpakakabos siya aron maadunahan mo pinaagi sa iyang kakabos. 10 Ingsugyot ko ini sanglit kamoy unang mibulig, ug misugod sa maayong proyekto sa miaging tuig. 11 Busa, taposa ni, sumala sa inyong gimbut-an sa dakong kasibot. 12 Kon dunay maayong kabubut-on, dawaton ang inyong ihatag. Walay naninguha sa wala ninyo.

13 Wala ko magpasabot nga ang uban magpahayahay ug kamoy mabug-atan. Paningkamoti ang pagkab-ot sa kaangayan. 14 Sa pagkakaron, hatag sa inyong kabuhong alang sa ilang kakulangan. Sila sab, sa ilang paagi, mobalos ninyo sa ilang kabuhong alang sa inyong kakulangan. 15 Unya, magkaangay ra mo ug matuman ang giingon sa kasulatan: Alang sa dunay daghan, walay kapin; alang sa dunay dyotay, walay kakulangan.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa ubang sinulat nga nagaingon nga ang nagahatag ug gamay pagabalosan usab ug gamay apan ang nagahatag ug daghan nan pagabolasan usab sa makadaghan. 2 Corinto 9: 7 nagaingon nga ang Diyos nahimuot sa nagahatag nga malipayon sa walay pagbagutbot ni pagkwenta sa iyang nahatag.

Diha sa ubang sinulat sa Malaquias 3: 10 naga-ingon usab nga dad-a ang ikapulo didto sa templo aron adunay makaon didto. Nagpasabot lamang mga igsoon nga ang tanang grasya nga moabot sa atong kinabuhi kabubut-aon sa Diyos, Apan diha sa ubang sinulat nagaingon usab nag kun asa ang imong bahandi nan atua usab ang imong kasing-kasing.

Kun ang imong bahandi ania lamang sa yuta nan daghan kawatan nga magasaka ug taya ngs magakutkot apan kun ang imong bahandi, iya sa espiritu santo sa Diyos nan bulahan ka kay mao kini ang mga bahandi nga walay pagkawala ug walay taya nga magakutkot ug kawatan nga magasaka, ug mao kini ang bahandi nga imong mabitbit ngadto sa laing kalibutan, diin anaa kini mahimutang sa imong kasingkasing.

Kay matod pa diha sa uabang sinulat nga “Unsay maarang sa tawo nga sa iyang paghiabot dinhi sa kalibutan hubo ka man sa tanan nan diha sa pagtalikod nimo niining kalibutan talikdan mo man usab ang tanang bahandi, Diha sa ubang sinulat nagaingon usab nga bahandianon man ang tawo kun kuntento na siya kun unsay anaa kinaiya. Hinumdumi ang mga bulak sa kabukiran nga walay nag-atiman kanila apan nganong milipang man sila.

Sa ato pa mga igsoon ang atong pagtabang ngadto sa atong isigkatawo mao lamay pagpasabot nga atong gikalawat ang pagtulun-an nga gisangyaw ni Jesu Cristo kay matod pa atong gipakita ang atong pagka kristuhanon diha sa atong pagtabang sa atong mga igsoon, Diin diha sa ubang sinulat nagaingon nga ang imong gibuhat diha sa pinakaubos nga binuhat dinhi sa ibabaw sa kalibutan nan mao usab ang imong gibuhat sa Diyos, busa diha sa atong pagtabang uga sa atong pagbuhat ug mga kristuhanong pagpakabana mas mayo gayud nga walay napihig aron sa ingon ang Diyos magapasidungog kanimo.

Ayaw Padaldal sa Dili Motuo Sa Dios

2 CORINTO 6: 14~18, 7:1

• 14 Ayaw paghimog dili angayng kasabotan uban sa wala motoo. Magkakuyog ba ang tarong ug ang daotan? Magkatipon ba ang kahayag ug ang kangitngit? 15 Magkauyon ba si Cristo ug si Satanas? Unsang matanga sa panag-ipon ang maangkon sa nanoo ug sa wala manoo? 16 Sa templo sa Diyos, walay lawak alang sa mga diosdios. Templo ta sa Diyos nga buhi. Matud pa sa kasulatan: Moipon o mopuyo ko sa ilang taliwala; maila kong Diyos, ug sila maakong katawhan.


17 Busa, gawas sa ilang taliwala. Palayo nila, nag-ingon ang Ginoo. Ayawg hikap sa bisag unsa nga hugaw. 18 Ug magmaluluy-on ko ninyo. Mainyo kong amahan. Sa ingon, maako mong mga anak, nag-ingon ang makagagahom nga Diyos. 7 1 Kahigalaan, sanglit duna tay mga saad, limpyohan ta ang kaugalingon sa tanang hugaw sa lawas ug kalag. Hingpiton ta ang buhat sa pagkabalaan sa kahadlok sa Diyos.

PAGPAAMBIT SA MENSAHE:

Ang pagtulun-an nga gisangyaw ni Jesus Cristo maoy pagtulun-an nga niadtong panahuna bag-o sa mata ug panumduman sa matag-usa. Nasangyaw ang maong pagtulun-an sa upat ka suok sa kalibutan sa tuig 600 A.D. o 600 ka tuig gikan sa pagkatawo ni Jesu Cristo. Apan daghan pa ang mag pagsulay ug mag paglutos niadtong unang mga magsasangyaw ug mga apostoles ni Cristo diin matod pa didto gayud sa Roma din maoy bantugang siyudad sa kalibutan niadtong panahuna, daghan sa mga apostoles nga sumosunod sa pagtulun-an ni Cristo ang hingpit nga nawad-an sa ilang kinabuhi, Diin ang Roma niadtong panahuna mao usa sa nahitala nga manlulutos niining maong pagtulun-an nga kristuhanon ug sila ang nabantog nga Roman Empire.

Didto sa Roma si Pedro ug uban pang mga apostoles hingpit nga nawad-an ug kinabuhi diin sila giputlan ug ulo sa mga berdugo, apan matod pa diha sa ubang sinulat, Si Pedro mismo ang mihangyo niadtong maong mga berdugo nga balihon sila sa pagapos sa krus diin ang iyang tiil atua sa ataas aron sa ingon mas bug-at ang iyang mga pag-antos, kay matod pa nga wala niya kahadloki ang iyang kamatayon ug wala nay bili ang iyang kinabuhi kay nasayod man siya kun kinsa ang iyang gi-alagaran ug labaw sa tanan nasayod siya kun asa paingon ang iyang kalag.

Mismo diha sa akto sa pagputol sa iyang liog diha sa ubang sinulat si Pedro miphiyom nga naga-awit sa himaya sa Diyos ug iya lamang gipamatuod ang ubang pulong sa balaang kasulatan nga nagaingon “ Ayaw kahadluki ang tawo nga mopatay sa imong lawas apan walay mahimo sa imong kalag. maoy kahadluki ang Diyos nga dako ug mahimo diha sa kalaglagan sa imong lawas ug kalag.

Busa mga igsoon sip usa ka kristuhanon, ug tumotuo sa pagtulon-an ni Cristo ayaw pagpalipat diha sa ubang pagtulun-an nga gisangyaw sa Diyos diin sila mismo wala makaila sa ilang gi-ampo-an, Anag pulong sa balaang espiritu santo nagaingon mahibaw-an ninyo kun ako kanang maong pagtulon-an kay makaambit gayud kamo sa mga paglutos, nan ang mga paglutos ug pagsulay mga igsoon , maoy paglig-on lamang usab diha sa atong pagtuo ngadto sa Diyos.

Nan unsaon nato pagsiguro nga kamatuoran ba ang atong gibarugan nga pagtulun-an, mga igsoon walay lain natong kasandigan mao ra gayud ang balalang kasulatan kay matod pa ang balaang kasulataan matuod nga pulong sa Diyos ug ang pulong sa Diyos dili gayud maglimod. Dili lang kini nga pagtulon-an nga adunay pinili ang Diyos matag pagtulon-an adunay pinili ang Diyos apan mga igsoon kini lamang usab nga pagtulu-an nga gitukod sa Diyos pinaagi sa iyang espiritu santo didto sa Balulang 20 kapin ka tuig na ang milabay, pinakaubos nga pagtulon-an dinhi sa ibabaw sa yuta walay ikapasigarbo gawas sa bug-os nag pagtuo apan maoy gikahimut-an sa Amahan kay tinukod sa espiritu santo sa kamaturan nga nagauban kanato hangtod sa kahangturan.

Ang Pag-antos Gumikan Sa Pagka-Kristuhanon

1 PEDRO 4: 13~19

13 Hinunoa, angay mong malipay nga makaambit sa mga pag-antos ni Cristo. Sa adlaw nga ang iyang Himaya ipadayag, hingpit pod ang inyong pagmaya. 14 Bulahan mo kon giinsulto sa ngalan ni Cristo. Ang Espiritu sa Himaya mikunsad ninyo. 15 Sa akong hunahuna walay kinahanglang mag-antos tungod sa pagkamamumuno, pagkakawatan, pagkakriminal o pagkahilabtanon sa uban. 16 Apan kon may nag-antos tungod sa pagkakristyano, ayaw siyag pakaulawa. Hinunoa, pahimayaa siya sa Diyos.

17 Ang panahon sa paghukom miabot na ug nagsugod sa balay sa Diyos. Kon ang sinugdan ini makahasol pag-ayo, unsay sangpotan sa wala motoo sa Ebanghelyo? 18 Kon ang tarong igo lang maluwas, unsay mahitabo sa makasasala ug sa wala motoo? 19 Busa, kon nag-antos mo sumala sa kabubut-on sa Diyos, isalig ang kaugalingon sa Matinud-anong Magbubuhat, ug padayon pagbuhat sa tarong.

PAGPAAMBIT SA MENSAHE:

Ang mga katawhan ni Jesus Cristo niadton panahun diin si Jesu Cristo nagpakabuhi pa dinhi sa yuta, maoy mga buhing saksi mismo sa anak sa Diyos diin bisan siya Diyos apan wala niya pugsa nga maotupong siya sa Diyos iyang gihubo ang tanan niyang gahum ug mitipon sa iyang mag katawhan ug sa iyang mga sumosunod diha sa pagsangyaw sa pagbuhat ug milagro ug ingon diha sa pagsangyaw sa maayong balita.

Gipakita ni Jesus Cristo ang iyang pag-antos tungod sa kasugo-an sa Amahan ug tungod usab sa iyang gugma kanatong iyang mga katawhan, diin pinaagi niini siya nagpakamatay ug nagpasakit didto sa kalbaryo sa Golgota pinaagi sa iyang kamatayon sa krus.

Mao kini ang tibuok nga mga pag-antos nga gibuhat sa atong Diyos nga diin ang iyang mga sumosunod niadtong panahuna, nag-antos usab sa mga paglutos ug sa silot sa kamatayon kinsang pagtulon-an nga gisangyaw ni Jeus Crito dili madawat usab niadtong mga Judio ug mga pariseo.

Diha niining maong ebanghelyo nagpasabot ang Diyos nga ang pag-antos gumikan sa pagkaCristuhanon maoy tuburan usab diha sa mga paglutos ug kamatayon niadtong nagasunod sa pagsangyaw sa pagtulon-an ni Crsisto, mao kini ang kabilin nga gisunod niadtong unang mga apostoles ug maoy kini nakapalig-on diha niining pagtulun-an nga kristuhanon diin hangtod niining panahuna nagpabilin pa sa pagbarog.

Kamatuoran kini sa ubang pulong sa balaang kasulatan nga nagaingon kun nagasunod ka pagtulon-an ni Kristo nan makaambit ka gayud sa mga paglutos. Mao kin ang kamatuoran usab diha sa ubang sinulat sa balaang kasulatan nga nagaingon : Mateo 16:18 nga nagaingon : Simon ikaw si Pedro ug ibabaw niining bato itungtong ko ang akong iglisea ug bisan ang kamatayon dili makabuntog niini.

2000 na katuig ang milabay diin nagapadayon sa pagbarog kining maong pagtulun-an nga gisangyaw sa Diyos diin bisan sa kamatayon sa tanang apostoles ug sa mga katawhan nga nagasunod niini apan sa kanunay nagapabilin ug nagabarog nga malig-on.

Sa ato pa mga igsoon ang mga paglutos ug mga kalisdanan nga atong na-agian diha niining maong pagtulun-an mao lamay pagsukod niining maong pagtulun-an ug sa pagsukod usab sa mag katawhan kun asa kutob ang ilang pag-ila ug pagsangyaw niining maong pagtulun-an. Ang mga paglutos mga igsoon maoy pagpalig-on sa atong pagtuo ngadto sa Diyos, ug sa pagpakita usab sa atong maayong binuhatan diha sa atong pagtuo sa Diyos sa kamatuoran.

Ang Pagtintal Sa Pagpakasala

MATEO 18: 6~9

6 Ang makaangin sa pagpakasala sa usa ining mga gagmay nga nagtoo nako, maayo pa nga itambog siya sa kinailadman sa dagat, hiniktan og dakong galingan ang liog.
7 Pagkaalaot sa kalibotan tungod sa daghang iskandalo! Moabot ning mga butanga, apan alaot ang makadaldal sa uban sa pagpakasala.
8 Kon ang kamot mo o tiil makaangin nimo sa sala, putla ni ug ilabay. Mas maayo nga mosulod ka sa kina-buhi nga walay kamot o tiil kay sa itambog sa walay kataposang kalayo nga sangkap sa kamot ug tiil. 9 Kon ang mata makaangin nimo sa pagpaka-sala, lugita ni ug ilabay. Mas maayo nga mosulod ka sa kinabuhi nga usa ray mata kay sa itambog sa kalayo sa impyerno nga sangkap sa duha ka mata.

PAGPAAMBIT SA MENSAHE:

Ang maong ebanghelyo maoy pagpasabot lamang nga ang mga inosenteng kabataan, aduna gayuy luna didto sa gingharaian sa langit, kay matod pa ang anghel dela guardiya niining mga bataa sa tanang gutlo atua gayud nagalingkod sa sabakan sa Diyos Amahan nan sa ato pa mga igsoon sa kanunay makadawat gayud ang mga bata ug mga panalangin pinaagi sa ilang anghel nga magbalantay.

Diha sa unang sinulat nagaingon nga kun aduna kay pamuot sa usa ka bata nan masiguro nimo ang imong kaluwasan ngadto sa gingharian sa langit, kay matod pa nga ang gingharaian sa langit alang gayud sa mga bata nan magpakabata kita diha sa atong pagtuo ug pagsalig ngadto sa Diyos.

Kay matod pa kun maoy nakaangin diha saa imong pagpangalagad sa Diyos ang imong kamot ug tiil nan mas maayo pa nga putlon mo kini ug ilabay kaysa ang imong tibuok lawas maoy malabay ngadto sa impyerno. Sa ato pa mga igsoon ang mga kasakitan ug mga paglutos nga imong naambitan dinhi sa ibabaw sa kalibutan, maoy pagpaila lamang nga gitawag ka sa Diyos pinaagi sa paghatag kanimo ug balatian, Kay ang tawo ayha naman makaila ug Diyos kun adunay sakit, ayha makaila sa Diyos kun adunay problema, nan sa ingon sa kanunay ikaw ug kita nagaluhod ug maga-ampo aron sa pagspasidungog Diyos ug sa kaayohan usab sa atong mga sakit ug balatian.


Ang balaag kasulatan nagaingon nga kun asa ang imong bahandi nan ato-a usab ang imong kasing-kasing, kun ang imong bahandi, alang lamang usab dinhi sa kalibutan nan dinhi ka lang usab kutob apan kun ang imong bahandi, bahandi nga spirituhanon diin walay taya nga magakutkot ug walay kawatan nga magapanaka nan bulahan ka kay mao man kini ang imong mabit-bit hangtod didto sa laing kalibutan.

Apan ang tawo matod pa makasasala gayud , sa pulong, sa huna-huna ug sa buhat, mao nga sa tanang adlaw giaghat kita sa Diyos sa pag-ampo labi na sa santos nga rosaryo, kay bisan tuod ang atong lawas templo sa Diyos espiritu santo apan kun wala ka magasimba sa matuod nga Diyos ug wala kay mga pag-ampo nan, wala magauban kanimo ang grasya ug panalangin sa Diyos ug basin gigamhan ka sa dautan, kay niining panahuna, kun unsa kakusog ang espiritu santo sa Diyos nan mao usab kakusog ang dautang espiritu, Kun ang balaang espiritu anaa sa imong tuo nan ang dautang espiritu anaa usab sa imong wala, nagahulat lamang kun kanus-a ka malipat, kay matod pa ang tawo nga sa kanunay nagabalaan nan pagasamokon gayud kini sa dautang espiritu apan ang tawo nga sa kanunay gigamhan sa mga butang nga iya niining kalibutana ug walay mga pag-ampo nan gamhan usab sa dautang espiritu

Ang Sambingay Mahitungod Sa Karnero Nga Nawala

MATEO 18: 10~14

10 Pagmatngon sa dili pagtamay sa bisag usa ining mga gagmay. Sultihan tamo, ang ilang mga anghel sa Langit nagtan-aw kanunay sa nawong sa langitnong Amahan.
11 (Ang Anak sa Tawo mianhi aron pagluwas sa nawala).
• 12 Unsay inyong hunahuna bahin ini? Kon ang tawo may 100 ka karnero ug ang usa nahisalaag, dili ba niya biyaan ang 99 sa kabukiran aron pag-pangita sa nasalaag? 13 Sultihan tamo; kon makaplagan na ni, mas malipay siya tungod ini kay sa 99 nga wala masalaag. 14 Ang langitnong Amahan dili buot nga dunay mawala bisag usa sa mga gagmay.


PAG-AMBIT SA MENSAHE:

Ang maong ebanghelyo maoy pagpasabot lamang nga kitang tanan nga mga katawhan sa kalibutan gimahal sa Diyos diin iyang gipanag-ingnan sa 100 ka bo-ok karnero kun dunay usa nga mawala nan pangitaon gayud kini sa magbalantay, ingon niana usab kitang mga katawhan sa Diyos diin kun adunay usa nga mawala o mahisala-ag nan pangita-on gayud kini sa Diyos.

Nakalatid nang daan ang kinabuhi sa tawo dinhi sa kalibutan diin kita magapuyo sebo gayud sa kabubut-on sa Amahan, Apan lagi samtang kita nagpakabuhi pa dinhi sa ibabaw sa kalibutan nan makasala gayud kita sa pulong,sa huna-huna ug sa buhat, apan sa kanunay ang Diyos espiritu santo nagahatag ug mga giya sa pagtabang kanatong tawo, kay mahal ang paglukat kanato sa Diyos nga Jesu-Cristo diin iyang gibuhis ang iyang lawas ug dugo aron lamang maluwas kita sa mga kasal-anan.

Ang maong ebanghelyo maoy pagpasabot lamang diha sa mga katuyu-an sa Diyos diin ang tanan nga katawhan dinhi sa kalibutan nahimugso sebo sa iyang kabubut-on, diin matod pa diha sa atong pagpakabuhi niining kalibutan gipauban sa Diyos ang iyang espiritu nga maoy nagahatag ug kinabuhi diha sa atong materyal nga lawas.

Diha sa ubang sinulat ginaingon nga mahal ang paglukat kanato sa Diyos busa dili na kita ang tag-iya sa atong kaugalingon, apan lagi matod pa diha sa ubang sinulat nga ang kamatuoran nagahatag kanato ug kagawasan, Ang Diyos mao kamatuoran diin sa kanuanay nagahatag kanato sa tanang pagsabot, sama kita sa karnero diin kun mahisala-ag pangita-an gayud ug medyos nga mahibalik kita diha sa atong naandan nga pagkinabuhi ug mahibalik kita sa sabakan sa Diyos.

Matod pa diha sa ubang sinulat, Bisan ang mga anghel sa kalangitan magasaulog ug magahudyaka kun adunay binuhat nga nahisalaag ug mibalik sa sabakan sa Diyos, panag-ingnan ang usa ka karnero nga nawala diin sa higayon nga hikit-an mo na kini ipmalita mo kini sa imong mga silingan ug magsaulog ka sa pagpasalamat, ingon nianan kita ka importante sa Diyos kay mao gayuy gusto sa Diyos nga mahiusa kita diah kaniya sa adlaw sa iyang pagbalik.

Si Jesus Didto Sa Puloy-anan Ni Simon Nga Pariseo

LUCAS 7:36~50

• 36 Gidapit si Jesus sa usa ka Pariseo aron pagpakigsalo niya. Misulod siya sa balay ug milingkod sa sopa aron mokaon. 37 May babaye adtong dapita nga giilang makasasala. Sa pagkabati niya nga naa si Jesus sa balay sa Pariseo, miadto siya nga nagdalag pahumot sa tibod nga alabastro. 38 Mibarog siya sa likod, sa may tiilan ni Jesus ug mihilak. Sa luha gihugasan niya ang tiil ni Jesus, ug gipahiran sa buhok unya, gihagkan ug gidihogan sa pahumot.
39 Sa pagkakita ini sa Pariseo, nanaway siya, nga naghunahuna sa kaugalingon: “Kon propeta pa siya masayran unta niyag kinsa ni, ug unsang klaseha sa pagkababaye ang mihikap niya – makasasala!”

40 Apan misulti si Jesus: “Simon, may isulti ko nimo.” Mitubag siya: “Magtutudlo, sulti.” 41 Miingon siya: “May duha nga nangutang sa tigpautang. 5,000 nga salapi ang utang sa primero ug 50 ang sa ikaduha. 42 Apan wala silay ikabayad. Busa, gipasaylo silang duha. Karon, sultihi ko, kinsa nila ang mas magmahal niya?

43 Mitubag si Simon: “Alang nako, ang gipasaylog mas dako.” Giingnan siya ni Jesus: “Husto ka.” 44 Milingi siya sa babaye ug miingon kang Simon: “Nakakita ka ba ining babayehana? Misulod ko sa inyong balay ug wala ka mohatag og tubig alang sa akong tiil, apan gihugasan niya sa luha ang akong tiil, ug gipahiran sa buhok. 45 Wala ko nimo hagki, apan sukad sa iyang pagsulod wala siya mohunong paghalok sa akong tiil. 46 Wala mo dihogig lana ang akong ulo, apan gibuboan niyag agwa ang akong tiil. 47 Busa, ingnon tikaw, gipasaylo na ang daghan niyang sala, kay dako ang iyang pagmahal. Ang nagmahal og gamay, gamay ra pod og gipasaylo.
48 Miingon si Jesus sa babaye: “Gipasaylo na ang imong mga sala.” 49 Naghunahuna ang diha uban niya sa lamesa: “Nanamastamas siya sa pagpasaylo sa mga sala!” 50 Apan miingon si Jesus sa babaye: “Giluwas ka sa imong pagtoo! Lakaw nga malinawon.”

PAGPAAMBIT SA MENSAHE:

Ang maong ebanghelyo maoy pagpasabot lamang nga ang kaluwasan nga gisaad ni Jesus ngadto sa mga katawhan dili kini ganti o premyo tungod sa maayong buhat kundili grasya kini nga gihatag sa Diyos aron sa ingon walay magpasigarbo diha sa atubangan sa Diyos nga siya maluwas tungod sa maayong buhat, kundili ang kaluwasan nagaagad kini sa gugma ug kalooy sa Diyos kanato.

Diha niining maong ebanghelyo gipakita ni Jesus ang usa ka makasasala nga babaye diin dako ang pagtuo ug gugma sa maong babaye ngadto kaniya nga anak sa Diyos. Nagpamatuod lamang kini nga dili nato mahukman ang atong isigkatawo pinaagi lamang sa unsay atong nakita nga sayop ug kasaypanan diha kaniya, kay matod pa nakita nimo ang gamay nga puling diha sa mga mata sa imong isigkatawo, apan wala nimo makita ang troso nga nagababag sa imong mata.

Tanan kita makasasala apan Diyos lamang ang adunay gahum diha sa pagpapas sa atong mga sala pinaagi sa atong paghinulsol ug pagpangayo ug pasaylo sa Diyos, Kay matod pa kun binuhatan lamang sa tawo ang gitan-aw sa Diyos nan tingali niining panahuna wala na kita dinhi sa kalibutan, apan maoy gitan-aw usab sa Diyos ang atong dakong pagtuo ngadto kaniya mao nga milahutay pa kita hangtod niining gutlo-a. Matod pa diha sa ubang sinulat sa balaang kasulatan ang pagtuo maoy atong pagsalig ug paglaom ngadto sa Diyos nga dili makita ug mahikap.

Ang balaang espiritu santo miingon, Ang pagtuo nato ngadto sa Diyos dili masukod pinaagi sa tawhanon nga sukdanan, apan masukod kini sa espirituhanon nga sukdanan kay anaa man kini ipahimutang sa imong kasing-kasing ug panumduman. Sa ato pa mga igsoon Diyos lamang ang makasukod sa atong pagtuo ngadto sa Kaniya busa bisan unsa pa ka makasasala ang atong isigkatawo dili nato siya mahukman nga mahi-adto na sa impyerno kay wala man kanato ang katungod sa paghukom ug labaw sa tanan wala man nato makita ang kadako sa iyang pagtuo ngadto sa Diyos.

Apan matod pa usab diha sa libro o basahon ni Santiago 2: 26 nagaingon “Ang lawas sa tawo patay kun walay espiritu nan ang pagtuo kun walay binuhatan patay usab. Santiago 2: 24 nagaingon nga mas gikahimut-an sa Dios ang mga katawhan nga adunay maayong buhat tungod sa ilang pagtuo sa Diyos kay sa mga tawo nga adunay pagtuo lamang.

Ingon usab niana ang nakita ni Jesus niadtong babaye nga makasasala, nahimuot siya sa gipakita niining maayong buhat ngadto kaniya tungod sa dakong gugma ug pagtuo sa maong babaye ngadto sa Diyos nga si Jesu-Cristo. Busa mga igsoon ang pulong sa Diyos Amahan nagaingon ayaw tan-awa ang inyong isigkatawo maoy siguro-a ang inyong kaluwasan.

Paghukom Sa Uban

LUCAS 6:37~42

37 Ayawg hukom, aron dili mo hukman; ayawg tunglo ni bisag kinsa, aron dili mo tunglohon; pasayloa ang uban, ug pasayloon pod mo. 38 Panghatag ug hatagan pod mo; makadawat mo sa igong takos, dakson pa, paawason gani, nga ibubo nila sa inyong sabakan. Kay ang taksanan sa inyong paghatag mao poy taksan sa inyong madawat.”
39 Unya, misulti siya sa usa ka misteryo: “Makaagak ba diay ang buta sa laing buta? Dili ba, mahulog hinuon, ang duha sa kanal? 40 Dili molabaw sa magtutudlo ang tinun-an. Apan ang nahingpit na, nahisama sa magtutudlo. 41 Nganong makita man nimo ang puling sa mata sa imong igsoon, apan dili ang troso sa imoha? 42 Unsaon mo pag-ingon sa igsoon: ‘Igsoon, tugti ko pagkuha sa puling sa imong mata,’ nga wala ka man makakita sa troso sa imoha? Tigpakaaron-ingnon! Kuhaa una ang troso sa imong mata, ug ayha mo ra makita nga mas maayong kuhaon ang puling sa imong igsoon

PAGPAAMBIT SA MENSAHE:

Ang maong ebanghelyo, maoy pagpasabot lamang nga walay tawo nga gitugotan sa Diyos sa paghukom sa iyang pagkatawo. Ang Diyos miingon kun adunay nakasala kanimo nan isumbong sa Diyos aron siya maoy mahibalo nga mopahimangno niini, Ayaw hukmi ang imong isigkatawo aron usab dili ka hukman sa imong Amahan didto sa langit. Kun mangayo ka ug kapasaylo-an sa Diyos diha sa mga sala nga imong nabuhat nan pasaylo-a usab ang imong isigkatawo kay diha usab magsumikad ang kapasaylo-an sa imong mga sala.

Ang Diyos lamang ang adunay katungod sa paghukom sa tibook kalibutan inig-abot sa hustong panahun, apan ang mga paghukom nga gitigayon dinhi sa ibabaw sa kalibutan, wala magsumikad sa kabubut-on sa Diyos apan iyang gitugutan aron usab sa pagsukod sa iyang mga katawhan ug usab sa paghinay-hinay nga pagsilhig sa mga malapason.

Ang paghukom nga iya niining kalibutana nagsumikad usab kina sa balaod sa tawo diin kun imong masupak nan aduna kay silot nga mapaabot diin bisan kun inosente ka sa salaod apan maambitan mo gayud ang mga silot kay matod pa ” Ignorance of law excuses no one”.

Ang hukom sa Diyos mao man kini ang kadaugan sa Diyos diin magahari na siya dinhi sa yuta ug didto sa langit, apan niining panahuna hataas pa ang pasaylo sa Diyos diin kitang tanan gitagaan pa ug kapasaylo-an sa atong mga sala kun kini atong pangayoon nga kinasingkasing. Diin matod pa tanan nga sala aduanay kapasaylo-an madako ug magamay, diin bisan kadtong adunay mabug-at nga sala aduna pa silay kapasaylo-an kun kini ilang pangayoon sa Amahan apan ang silot magpabilin apan dili na didto sa kalayo sa impyerno kun dili didto na sa purgatoryo.

Mao lamay gipangayo sa diyos ang kanunay nga mga pag-ampo, ilabi na diha sa santos nga rosaryo, diin ang tanan nato nga mga kauban ug mga tawo nga wala motuo sa Ginoo atong i-ampo, bisan kadtong mga katawhan nga gustong moilog niining atong pulo sa Mindanao atong iampo kay kun kabubut-on gayud sa Diyos nan mopasilong gayud sila sa landong sa espiritu santo kay Diyos lamang ang adunay gahum sa pagpahumok sa matig-a nga kasingkasing sa tawo.

Gibanhaw Ni Jesus Ang Anak Nga Lalaki Sa Biyuda

LUCAS 7:11~17

• 11 Unya, miadto si Jesus sa lungsod nga gitawag og Naim uban sa mga tinun-an ug sa daghang tawo. 12 Sa hapit na sila moabot sa ganghaan sa lungsod, mao poy paggawas sa mga tawo nga nagdalag minatay – ang bugtong anak nga lalaki sa usa ka biyuda nga gikuyogan sa daghang tawo sa lungsod.
13 Sa pagkakita ini ni Jesus, naluoy ang Ginoo ug miingon: “Ayawg hilak.” 14 Miduol siya ug mihikap sa lungon; mihunong sab ang nangyayong. Ug miingon siya: “Batan-on, nagmando ko nimo, bangon!” 15 Milingkod ang patay ug misugod pagsulti; ug gitugyan siya ni Jesus sa inahan. 16 Nangalisang ang tanan, ug midayeg sa Diyos sa pag-ingon: “Mitungha kanato ang halangdong propeta, ug miduaw ang Diyos sa iyang katawhan.” 17 Mikaylap ang maong balita mahitungod niya sa tibuok yuta sa mga Judio, ug sa kasikbit nga kayutaan.

PAGPAAMBIT SA MENSAHE:

Ang maong ebanghelyo maoy pagpasabot lamang nga kamatuoran ang pagkaanak sa Diyos ni Jesus Cristo, gipakita lamang sa Diyos ang dugang mga milagro aron makasaksi ang mga katawhan nga ang anak sa Diyos nga nagpakatawo tuburan sa walay kinutubang gahum. Sila ang tag-iya sa atong kinabuhi busa sila usab ang adunay katungod sa pag kuha ug sa pag-uli niini.

Apan angay masayran sa tawo nga ang pagpakabuhi niining kalibutan usa na ka milagro gikan sa Diyos diin iyang gipakita ang walay kataposang gahum. Matod pa ang tawo nagpakabuhi niining kalibutan diin gitagaan sa Diyos ug tulo ka kinabuhi, una ang materyal nga lawas diin ania pa kanato ang tanan, ug kita maoy nagabuot sa unsay may atong gustong buhaton dinhi sa kalibutan.

Ang ikaduha mao ang atong espiritu nga maoy nagahatag kanato ug ginhawa, maoy nagahatag kanato ug kinabuhi gikan sa atong pagkahimugso , diin matod pa dako ang bulohaton sa atong espiritu kay samtang nagkatulog ang tawo mogawas ang atong espiritu ug moadto sa Amahang Diyos aron sa pagsumbong sa imong binuhatan, nan sa kanunay nahitala ang imong binuhatan dinhi sa yuta pinaagi sa iimong espiritu,

Ug ang ikatulo mao ang atong kalag diin mao na kini ang magapadayon ngadto sa ikaduhang kinabuhi human sa kamatayon, kay matod sa kamatayon sa tawo ang iyang lawas mobalik sa abog, ug ang iyang espiritu mobalik sa Diyos ug ang iyang kalag maoy molawig ngadto sa laing kalibutan aron sa paghulat sa kataposang paghukom.

Bulahan ug balaan ang tawo nga buhi pa kay uban pa man kanato ang epiritu sa Diyos, apan kun atua na sa laing kalibutan nan ang imong kalag na lang ang magtikaw-tikaw diin kun wala kini mga pag-ampo niadtong buhi pa ang imong lawas nan wala kini panalipod sa iyang kaugalingon, ug matod pa gaampo man ang mga kalag apan dugay madungog, ug una dunggon ang pag-ampo sa buhing tawo, kay ania pa man kanato ang espiritu nga maoy mensahero nagdto sa Diyos.

Ang Sambingay Mahitungod Sa Magpupugas

LUCAS 8: 4~8

4 Misulti si Jesus og usa ka sambingay alang sa daghang tawo nga nangadto niya gikan sa nagkalainlaing lungsod.
5 “Migawas ang mamumugas aron mamugas. Sa pagpamugas, may binhi nga nahulog sa daplin sa dalan nga gitunobtunoban unya, gipanuhak sa mga langgam. 6 Ang uban nahulog sa kabatohan; dihang migitib na ni nalaya dayon, kay wala may tubig. 7 Ang uban nahulog sa katunokan nga mitubo dungan sa mga sagbot nga tunokon ug gituok ra pod sa mga tunok. 8 Ug ang uban nahulog sa maayong yuta ug mitubo, ug mibungag 100 ka pilo.” Misinggit siya sa pag-ingon: “Kon may dalunggan mo, pamati.”

PAGPAAMBI SA MENSAHE:

Ang maong ebanghelyo maoy usa ka sambingay bahin diha sa pagtulon-an nga gisangyaw ni Jesus ngadto sa mga katawhan dinhi sa upat ka suok sa kalibutan, diin ang kadtong wala magpatalinghug niini ug wala maminaw nan ang maong mga pagtulon-an sama lamang kini sa liso nga nahulog diha sa kabatu-an ug diha sa mga katunukan diin wala gayud kini makasinati ug pagtubo.

Apn ang mga pulong sa Diyos nga didto nakapaingon niadtong iyang mga pinili ug tinawag nga katawahan nan milipang gayud kini ug mitubo sa 100 ka pilo ug diin mikaylap kini sa upat ka suok sa kalibutan. Matod pa diha sa ubang sinulat nga moabot ang Diyos o ang mga pulong as Diyos sa atong inabuhi sa paagi nga dili nato damhon, aPan kitang mga pinili ug tinawag nga mga katawhan sa Diyos aduna nay giandam ang Diyos para kanato.

Ang maong ebanghelyo nagpasabot diha sa pagsangyaw niining maong pagtulon-an diin mismo ang Diyos nahibalo ug maoy nagaandam sa mga katawahan nga pagasangyawan, nga sa ato pa ang pagkuyanap o ang hingpit nga nga kada-ugan diha sa pagsangyaw niini maong kamatuoran dili kabubut-on sa tawo kundili iya sa Diyos, kay ang Diyos maoy nagapili ug maoy nagahikap sa tanang mga binuhatan nga iyang pagatawgon ug ma-oy tagaan sa espirituhanon nga pagsabot.

Bisan diha sa mga misyon diin nagasugo ang Diyos sa paghealing ug sa pagsangyaw sa iyang pulong diha sa lagyong dapit, Ang Diyos miingon isangyaw ang akong pulong makausa, makaduha o makatulo lamang ug kun dili maminaw biya-i sa walay paglingi kay wala ipamugaos sa Diyos ang iyang gingharian sa langit ug mas labaw nga wala niya ipamugos ang kaluwasan nga iyang gisaad pinaagi sa bugtong niyang anak.

Sa ato pa mga igsoon sa sinugdana pa lamang nasayod na ang Diyos kun kinsa ray maluwas , ug nasayod ang Diyos kinsa ray mahiadto sa iyang gingharian, kay matod pa dili tanan tawo tinawag ug pinili sa Diyos, ug kadtong wala niya tawga ug pili-a nan dinhi lang sila sa kalibutan, apan kadtong iyang tinawag ug pinili nan sila pagapili-an pa pinaagi diha sa mga pagsulay ug mga paglutos, kay matod pa pagasulayan man gini ang bulawan pinaagi sa kalayo kun matuod ba kini nga bulawan nan ang tawo pa kaha nga taas pa ug bili sa bulawan pagasulayan gayud usab kini sa Diyos.

Unsaon man nato pagkasayod nga nagapuyo ang Diyos diha sa atong pagkatawo, nga atong nadawat si Jesu-Cristo nga maoy atong manluluwas, Ang balaan kasulatan nagaingo nga kun nagkinabuhi ka nga nga iya ni Cristo ug nagasunod sa pagtulon-an nga gisangyaw ni Jesus nan makaambit ka gayud sa mga paglutos. Ang ubang sinulat nagaingon usa “ Kun gusto nimong daygon ug himayaon didto sa gingharian sa langit nan puy-i ang kinabuhi nga puno sa pagpaubos, pagkamangindawaton, pas-na ang imong krus ug sunod sa pagtulon-an nga gisangyaw ni Cristo kay bulahan ka nga nakaambit diha sa mga kasakitan ni Jesu Cristo didto sa Crus kay makaambit ka usab diha sa himaya sa iyang pagkabanhaw didto sa gingharian sa langit.

Sa ato pa mga igsoon diha sa imong pagdawat sa mga paglutos ug mga kasakitan diha sa tumang pag-ampo ug pagbala-an, nagpasabot lamang usab kana nga imong gidawat ug imong gipapuyo ug gipahari si Jesus diha sa imong kasingkasing kay makita man usab unya sa atong Diyos Jesu Cristo ang iyang panagway diha mismo sa imong kasing-kasing.

Ang Kahoy Maila Sa Iyang Bunga

LUCAS 6: 43~45

• 43 Dili mamungag daotan ang maayong kahoy, ug ang daotan dili makapamungag maayong bunga. 44 Mailhan ang kahoy sa bunga. Dili ka makapupog igos sa katunokan o paras sa sampinitan. 45 Ang maayong tawo nagkuha sa maayo gikan sa bahandi sa iyang kasingkasing; ang daotan pod sa daotan, kay gikan sa kapuno sa kasingkasing ang baba mamulong.

PAGPAAMBIT SA MENSAHE:

Ang maong ebanghelyo maoy pagpasabot lamang diha sa mga katuyu-an sa Diyos diin matod pa ang atwo adunay kaugalingon nga kinaiyahan or “ Human baing is unique in itself” Apan matod pa nga dili natoa maila ang tinuod nag kinaiyahan sa usa ka atwao pinaagi sa iyang pustora lamang tungod ka yang kinaiyahan nag iya sa espiritu santo sama nag ang kinaiyahan nga iya sa dautan madayag usab pinaagi sa iyang binuhatan.

Diha niining maong ebanghelyo gipasumbinagay ang kahoy nga maila pinaagi diha sa iyang bunga, inong usab niana ang mga katawahn sa Gino maila pinaagi sa iyang mga binuhatan nag sa ato pa makita ug amdayag ang kamatuoran dili pananagi diha sa imong mga gipamulong kundili pinaagi diah sa imong mga buhat.

Apan matod p a ang buhat nga iya sa espiritu santo sa Diyos ug ang buhat nag iya sa tawao dili gayud magka-uyon, Ug maila nato ang katawahon nga iya sa Diyos ug
ang mga katawhan nga gigamhan sa dautan. Sama niining atong pagpakabuhi dinhi sa kalibutan diin anaa ang atnang kahilayan ug anaa ang tanan nga mga tentasyon apan kun lig-on ang imong pagtuo ug pagsalig a Diyos ug lig-an ang imong espirito nanmatas nimo kining tanan.

Giingon diha sa ubang sinulat nga waaly pinalabi sa Diyos diin kitang tanan gitagagan sa Diyos sa kahigayunan nag maluwas ngadto sa kinabuhing dayun, Kay matod pa ang importante sa Diyos nga maluwas ang imong kalag ngadto sa kinabuhing dayun, nan kun makita sa Diyos nga nagpasulabi na ang imong tawahanongng lawas sa mag kahilayan nan kuhaon na lang niya ang imong kalag.