Ang Magbalantay Sa Karnero Ug Mga Anghel

LUCAS 2: 8~20

• 8 Ang mga magbalantay sa karnero nga nagbantay sa toril adtong gabhiona didto sa uma. 9 Sa kalit lang ang anghel sa Ginoo mitungha, ug gilibotan sila sa kasanag sa iyang himaya. Sa ilang katingala, 10 ang anghel misulti: “Ayawg kahadlok! Nagdala kog maayong balita sa dakong kalipay alang sa tanang katawhan. 11 Karon natawo kaninyo, sa lungsod ni David, ang Manluluwas nga si Cristo, ang Ginoo. 12 Kini ang inyong timailhan: makita ninyo ang bata nga giputos sa hagmon ug naghigda sa pasongan.”

13 Unya, mipakita gilayon uban sa anghel ang panon sa kasundalohan sa langit nga nagdayeg sa Diyos sa pag-ingon: 14 “Dayegon ang Diyos sa kahitas-an ug sa yuta kalinaw ug maayong kabubut-on sa tanang katawhan.” 15 Sa pagtalikod sa mga anghel paingon sa langit, nagsultihanay ang mga magbalantay sa karnero: “Tana, mangadto ta sa Betlehem ug tan-awon ta ang hitabo nga gipahibawo kanato sa Ginoo.”

16 Nagdali sila pag-adto, ug nakaplagan nila si Maria, si Jose ug ang bata nga naghigda sa pasongan. 17 Sa pagkakita nila, ilang gisulti ang nadungog nila mahitungod sa bata. 18 Nahibulong sab ang nakabati sa gisulti sa mga magbalantay sa karnero. • 19 Giampingan kining tanan ni Maria ug gitagoan sa kasingkasing. 20 Namauli ang mga magbalantay nga naghimaya ug nagdayeg sa Diyos, kay nakita nila ang tanan sumala sa ilang nadungog

PAGPAAMBIT SA MENSAHE:

Ang maong mensahe nagpasabot diha sa mga pag-abot sa Ginoong Jesus diin atong Makita ang pag-abot sa batang Jesu diin gilutos ang iyang mga ginikanan diha sa mga Judio nga pang-gobyerno niadtong panahuna,nag-agi sa bangag sa dagom ang kinabuhi sa iyang inahan nga si birhen Maria. Diin diha sa iyang pagkahimugso kabubut-on sa Amahan nga Makita nag iyang anak nga ihimugso diha sa pasongan sa baka o sa usa ka kamalig diin usa kini ka dakong pagtulon-an diha kanatong mga katawhan sa Dios bisan niadtong wala motuo kaniya diin nagaingon ang balaang kasulatan, ug sa pulong sa Amahang Dios,” Unsa may arang sa tawo diin diha sa iyang pagkahimugso hubo man siyang daan, ug sa atong pagtaliwan niining kalibutana, biyaan ta man ang tanan.

Kini nagpasabot lang daan mga kaigsoonan nga si Jesus sa iyang pagkatawo nagpasinati sa kinabuhing Diosnon diin puno sa pag-antos diha sa iyang pagka-anak sa Dios, diin siya ug ang iyang mga tawhanon nga ginikanan nag-antos diha sa mga pagpanlutos ug pagpanyam-id diha sa ilang isigkatawo. Iya gipakita ang sumbanan diha sa matuod nga sumosunod sa pagtulon-an sa Dios diin nagaingon ang balaang kasulatan kun gusto nimong himayaon didto sa gingharian sa langit nan puy-i ang kinabuhi nga puno sa mga pag-antos ug pagdaug-daug ug mga pagpanlutos dinhi sa yuta, pas-ana ang imong krus sa kinabuhi ug sunod sa mga pagtulon-an ni Jesus …