Gitawag Ni Jesus Si Levi

LUCAS 5: 27~31

• 27 Human ini, migawas si Jesus, ug nakita niya ang kobrador sa buhis, si Levi, nga naglingkod sa opisina sa bayranan sa buhis. Miingon niya si Jesus: “Sunod nako.” 28 Mitindog siya, mibiya sa tanan, ug misunod ni Jesus. 29 Unya, naghimo si Levi alang ni Jesus og dakong hikay sa iyang balay. May daghang kobrador sa buhis ug uban pang tawo nga nakigsalo nila.

30 Tungod ini nangreklamo ang mga Pariseo ug ang kauban nilang magtutudlo sa balaod ngadto sa mga tinun-an ni Jesus: “Nganong miinom ug mikaon man mo uban sa mga kobrador sa buhis ug makasasala?” 31 Mitubag si Jesus ug miingon: “Dili ang mga himsog ang nagkinahanglag doktor kondili, ang masakiton. 32 Wala ko moanhi aron tawgon ang mga maayo kondili, ang makasasala aron mobalik sila sa katarong.”

PAGPAAMBIT SA MENSAHE:

Ang maong ebanghelyo naghisgot diha sa bulohaton sa espirtu santo nga gisangyaw ni Jesus Cristo diin iyang gipaambit ang himaya sa kaluwasan sa walay pagpihig kanatong tanan . Ang tanan adunay parehas nga chance diha sa pag-angkon sa kinabuhing dayun. Iyang gipakita ang literal nga pagtulun-an diha sa ubang sinulat nga nagaingon : Ang Dios maoy nangita kanato aron kita luwason ug dili kay kita maoy nangita sa Dios aron maluwas.

Iyang gipakita ang maong kamatuoran diha sa usa ka kubrador nga ginganlan ug Levi diin, gidawat usab kini sa maong binuhat sa tumang pagpasigarbo diin iyang gihikayan ug nagkumbira siya didto sa iyang panimalay ug diin iyang gihimaya ang kamatuoran nga gipaambit ni Jesus kaniya. Usa kini ka kamatuoran nga wala masabti usab sa mga pariseo ug sa mga maalamon niadtong panahuna kay para niadtong mga maalamon nga mga Judeo wala nay katungod ang mga makasasala sa pagpakig-uban sa mga dungganan nga tawo ug mas labaw nga walay katungod sila sa pagpaduol sa anak sa Dios.

Apan gipadayag ni Jesus kanila ang kamatuoran nga ang anak sa Dios wala moanhi alang niadtong mga balaan ug walay mga sala kun dili mianhi si Jesus aron sa pagluwas niadtong mga makasasala. Usa ka tanghaga diin Dios lamang usab ang makatubag , Diin gipdad-an gayud sa Dios Amahan ang kalibutan sa iyang bugtong anak aron tagaan sa kaluwasan sa kinabuhing dayun, Usa lamang kana sa pagpamatuod nga ang atong Dios masinabuton nga Dios diin naghatag sa kagawasan niadtong iyang mga katawhanm apan matod pa dili ang tanan niyang katawhan iyang gipili, ug gitawag, kay matod pa ang wala niya tawga ug pilia nan dinhi lang sila sa kalibutan, apan kadtong iyang giduolan, sama niining kubrador sa buhis ug sama kanato nga iyang gitawag dinhi niining maong pagtulon-an gitagaan niya ug kahigayunan nga maluwas ngadto sa kinabuhing dayun.

Apan lagi maoy gayud ang pamaagi sa Dios nga ang iyang mga pinili pagapilian pa nan, Nagpasabot ang Dios nga kitang iyang mga pinili ug tinawag dili lang kay magalingkod-lingkod ug maghulat sa pagbalik sa iyang bugtong anak, kundili iya gayung ipaagi sa mga pagsulay, kay mao man kini ang lagda ug sumbanan paingon sa iyang gingharian sa langit, diin tunukon, bakilid ug batuhon ang dalan paingon ngadto sa iyang gingharian, diin gamay ra ang magakaplag niini ug mas gamay ang molahutay diha sa pagbaklay paingon ngadto sa iyang gingharian. Nagpasabot lamang mga igsoon nga wala ipamugos sa Dios ang iyang gingharian, ug mas labaw nga wala ipamugos sa Dios ang iyang kaluwasn ngadto sa kinabuhing dayun. Diha sa ubang pulong sa Dios nagaingon “ Kung nasayod pa lamang kamo kun unsay ato-a didto sa iyang gingharian sa langit nan, dili na unta kamo mangaplag pa ug dugang bahandi, dinhi sa yuta, maoy atong siguroon kun unsaon nato ang paghiabot didto sa iyang gingharian.