Ang Paghari Sa Dios

LUCAS 17:20~27

20 Ug sa gipangutana siya sa mga Fariseo kon kanus-a ang iabut sa gingharian sa Dios, siya mitubag kanila, "Ang gingharian sa Dios moabut nga dili pagaubanan sa mga tilimad-on nga mapaniid; 21ug dili usab sila magaingon, `Dia ra?` o `Tua ra!` Kay tan-awa, ang gingharian sa Dios anaa ra sa taliwala ninyo."

22Ug siya miingon sa iyang mga tinun-an, "Ang mga adlaw magaabut ra nga kamo mangandoy sa pagtan-aw sa usa sa mga adlaw sa Anak sa Tawo, apan dili kamo makakita niini. 23Ug sila manag-ingon unya kaninyo, `Tua ra!` o `Dia ra!` Ayaw gayud kamo pag-adto, ayaw gayud kamo pagnunot kanila. 24Kay maingon nga ang kilat magakilab ug pagadan-agan niini ang langit gikan sa usa ka bahin ngadto sa laing bahin, maingon man usab unya ang Anak sa Tawo sa iyang adlaw.

25Apan kinahanglan una nga siya magaantus sa daghang mga butang ug igasalikway niining kaliwatana. 26Maingon sa nahitabo kaniadto sa mga adlaw ni Noe, maingon man usab unya sa mga adlaw sa Anak sa Tawo. 27Sila nanagpangaon, sila nanag-inom, sila nanagpangasawa ug nanagpamana, hangtud sa adlaw sa pagsulod ni Noe sa arka, ug ang lunop miabut ug niini gilaglag silang tanan

PAGPAAMBIT SA MENSAHE:

Ang maong mensahe nagpasabot sa pag-abot sa katapusang paghukom diin mao na kini ang adlaw sa panudya sa atong tanan nga nia sa kalibutan. Ang maong adlaw sa paghukom ug ang pagbalik sa Dios anak haduol na, ug kinahanglan gayud ang kanunay nga pagpuasa sa mga sala ug ang pagsantos nga rosario sa kada-adlaw aron mahalikay sa dakong paghukom diin niana unyang panahuna wala nay pabor-pabor pa ug wala nay pagpasaylo pa nga mahitabo.

Diin niining panahuna ihalad nato ang atong kaigsoonan nga nagmatig-a sa pagsunod sa Dios, diin ginaingon nga walay sala dinhi sa ibabaw sa kalibutan nga dili mapasaylo, ang tanan mapasaylo gayud basta hugot lamang ang imong pagbasol ug hugot usab ang imong pagtoo nga mapasaylo ka kay kun walay pagtoo ang tagtungod nga mapasaylo siya sa Dios nan sama ra nga wala usab siya motoo kang Jesu Cristo nga maoy manluluwas sa atong kasal-anan.

Mapasaylo ka sa imong mga sala sa Dios apan magpabilin ang tukmang silot pero dili na sa kalayo kundili didto ka na sa purgatoryo ug dili ka gayud makakita sa Ginoo hangtud nga dili ka hingpit nga mapasaylo sa Dios, pinaagi mga pag-ampo sa imong mga kaigsoonan dinhi sa yuta.
Dugay na nga naghari ang Dios dinhi sa yuta apan tungod sa pagpakasala sa atong mga kaigsoonan niadtong unang mga panahun diin sila gipalayas sa paraiso ug gipahamtangan sa tugbang silot.

:

Gitagaan sa Dios ug katungod ang mga dautan sa pagsakit bisan diha mismo sa iyang mga pinili nga katawhan aron ilang masinati ang kalisod sa pagpangita sa ganghaan sa gingharian sa Dios, diin matod pa sa balaang kasulatan higpit, tunokon ug bakilid ang maong dalan paingon sa iyang gingharian, diin dyutay ra ang nakakaplag ug nagaagi niini, ug kanang mga dalana anaa ra kana diha sa atong pagtulon-an nga gibarugan diin nagkalain-lain lang ang mga paglutos.