Gipasidaan Ni Jesus Ang Pagkalaglag Sa Jerusalem

LUCAS 21 : 20 ~ 24

20 "Apan sa diha nga makita na ninyo ang Jerusalem nga pagalikusan sa mga kasundalohan, nan, inyong masabut nga nagakahiduol na ang pagkalaglag niini. 21Ug unya sila nga anha sa Judea, pakalagiwa ninyo ngadto sa kabukiran; ug sila nga anha sa sulod sa siyudad, papahawaa sila; ug sila nga adto sa banika, ayaw na sila pagpasudla sa siyudad.

22Kay kini mao ang mga adlaw sa panimalus aron matuman ang tanang nahisulat. 23Ug alaut gayud ang mga mabdos ug ang mga may masuso niadtong mga adlawa! Kay ang dakung kagul-anan moabut man sa ibabaw sa yuta ug ang kapungot mahiaguman niining katawhan; 24sila mangamatay sa sulab sa espada, ug pagabihagon sila ngadto sa tanang kanasuran; ug ang Jerusalem pagayatakan sa mga Gentil, hangtud matuman na ang mga panahon sa mga Gentil.

PAGPAAMBIT SA MENSAHE:

Ang maong ebanghelyo nagpasabot nga kun unsa kakusog sa maayo nga espiritu o pagtulon-an mao usab kakusog sa dautang espiritu nga buot mobabag niini. Ang Jerusalem isip sentro a pagtulon-an kristiyanismo maoy rumbo sa mga dautang elemento gikan pa kaniadto hangtod karon. Diha sa maong lugar natawo ang hari sa mga hari diin siya maoy manunubos sa kalibutan ug diha usab nianang lugara nagsugod ang kristyanismo nga pagtulon-an.

Daan nang nahatala sa kasulatan nga ang Jerusalem pagayatakan ug pagalutoson sa mga Gentil nga mga kasilinganan o kasikbit nga nasod, diin ilogon gayud kini sa mga katawhan diin wala sila moila ug Dios. Atong makita sa statistika nga ang Jerusalem niining panahuna aduna lamay dos porsiyento nga mga katawhan nga kristyanismo niining panahuna. Diin ang nag pasulabi mao ang mga Judaism ug Muslim nga relihiyon ug hapit na gayud malukop sa Muslim ang maong lugar.

Ug diin ginaingon sa balaan kasulatan nga tukoron ang bag-ong Jerusalem dinhi sa Asia nga bahin sa kalibutan, ug diin maoy adunay pinakadaghan nga magtotoo nga kristyanismo. Daghan ang mga maalam sa bibliya nga nagatoo nga dinhi sa Pilipinas matukod ang bag-on Jerusalem diin masinati nato ang mga paglutos, kalisod, ug ang ginaingon nga sentomas sa Armagedon.

Mao na kining panahuna ang Ikatulo nga hugna sa balaang kasulatan diin nagpasabot lamang nga haduol na ang katapusang paghukom ug haduol na mobalik ang anak as tawo diin maoy mosilot kanatong tanan sumala sa iyang kasugo-an. Apan bulahan ang atong mag igsoon nga nagpadayun sa pagtuki ug pagtuman sa kabubut-on sa Dios diin halu-ag na unya ang ilang luna pag-abot sa adlaw sa panudya.