JUDAS 1 : 3~163 Mga hinigugma, sa nagasulat ako kaninyo sa dakung kaikag mahitungod sa kaluwasan nga atong tanan, naaghat ako sa pagsulat sa pagtambag kaninyo nga makigbisug kamo sa pagpanalipod sa tinoohan nga sa makausa ra ug sa dayon gitugyan ngadto sa mga balaan. 4Kay kaninyo nanagpakasulod sa hilum ang pipila ka mga tawo nga dugay nang gikatagana alang niining maong pagkahinukman sa silot, mga tawong dili diosnon nga nanaghimo sa hiniwi nga pagpadapat sa grasya sa atong Dios alang sa ilang pagpatuyang ug nanagpanghimakak sa atong Bugtong Agalon ug Ginoo, si Jesu-Cristo.
5Karon buot kong ipahinumdom kaninyo, bisan tuod sa makausa ug sa dayon nasayran na ninyo ang tanan, nga ang Ginoo nga nagluwas sa usa ka katawhan gikan sa yuta sa Egipto, siya sa kapulihay milaglag diha kanila niadtong wala managpanoo. 6Ug ang mga manolunda nga wala managpabilin diha sa ilang nahimutangan hinonoa nanagpamiya sa ilang angay nga puloy-anan, kini sila iyang gikapahimutang diha sa mga talikala nga dayon ilalum sa kangitngit alang sa panudya unya sa dakung adlaw. 7Sa ingon usab ang Sodoma ug ang Gomorra ug ang silingang kalungsuran, nga sa samang paagi nanagpatuyang sa pagpakighilawas ug sa dili kinaiya nga kaulag, nahimo silang mga panig-ingnan pinaagi sa paghiagum sa silot sa kalayong dayon.
8 Ngani, bisan pa niini, sa ingon nga paagi kining mga tawhana sa ilang mga pagdamgo nanaghugawhugaw sa lawas, nanagsalikway sa kagamhanan, ug nagapasipala sa mga halangdon. 9Apan si Miguel, ang manolunda nga punoan, sa iyang pakiglantugi batok sa yawa sa ilang panag-ilog sa lawas ni Moises, wala gani siya mangahas sa paglitok ug mapasipalahong hukom batok kaniya, kondili miingon lamang, "Ang Ginoo magabadlong unta kanimo." 10Apan kining mga tawhana nagapasipala sa bisan unsang butang nga dili nila masabut, ug sa mga butang nga ilang masabut pinaagi sa balatian nga dala sa kinaiya ingon sa mga mananap nga walay kabuot, pinaagi niining mga butanga sila nangalaglag.
11Alaut sila! Kay sila nanaglakaw subay sa agi ni Cain, ug tungod sa pagpanapi nagapataka silag panalagan ngadto sa kasaypanan ni Balaam, ug nangawagtang sila diha sa pagsupil ni Core. 12Kini sila maoy mga buling diha sa inyong mga kombira sa gugma, nga sa walay pagkaikog managhudyaka sa pag-inom-kaon sa walay pagtagad sa uban gawas sa ilang kaugalingon lamang; kini sila mga panganud nga walay dalang ulan, nga ginataral sa hangin; kini sila larag nga mga kahoy nga walay mga bunga, makaduha pil-a ang pagkapatay, nangaibot; 13kini sila mabangis nga mga balud sa dagat nga nagapabola sa ilang kaugalingong pagkamakauulaw; kini sila laag nga mga bitoon kang kinsa ang kangi-ob sa kangitngit gitagana hangtud sa kahangturan.
14Mahitungod usab kanila si Enoc, usa sa ikapitong kaliwatan sukad kang Adan, naghimog profesiya nga nag-ingon, "Tan-awa, ang Ginoo nahiabut uban sa iyang balaang mga panon, 15 aron iyang igapatuman ang paghukom sa tanan, ug sa pagpadayag sa pagkamasad-anon sa tanang mga tawong dili diosnon, diha sa ilang tanang dili diosnong binuhatan nga ilang nahimo sa dili diosnong paagi, ug sa tanang mapait nga mga butang nga batok kaniya gikapamulong sa mga makasasala nga dili diosnon." 16Kini sila mga bagolbolan, tigmulo, nanaggawi pahiuyon sa ilang kaugalingong mga pangibog, ug ang ilang mga baba nagasultig mga pasiatab, nga nagaulog-ulog sa mga tawo aron sa pagpamintaha kanila.
PAGPAAMBIT SA MENSAHE:
Ang maong mensahe nagpasabot sa pagsangyaw sa kamatuoran pinaagi diha sa balaang kasulatan o bibliya diin ang bibliya usa ka Greyego nga pinulongan diin nagpasabot kini ug mga kasulatan bahin sa tinagong kamatuoran sa unang kasulatan bahin kini sa mga kaagi sa karaang mga propeta ug ni Moises ug ang ikaduhang kasulatan naghisgot kini sa mga kinabuhi ug milagro ni Jesu Cristo. Setentay dos (72) ka libro ang naglangkob sa bibliya diin ang uban nga pagtulon-an gihimo lang nilang saysentay dos (62) diin ang napulo (10) wala apila sa mao nilang libro aron sa paglipat-lipat sa kamatuoran diin ila lang gipili ang mga pagtulon-an nga ha-om sa ilang huna-huna ug pagto-o. Mao kini sila ang usa sa mga grupo sa mga mini nga magtutudlo nga gihisgutan sa ebanghelyo diin hilabihan ra ka tawhanon ang ilang pamaagi sa pagdayeg ug pagsangyaw sa ilang pagtulon-an.
Usa ra ang Dios, Usa ra ang balaang kasulatan apan daghan ang mga pagtulon-an nga nanggawas diin sa pagkakaron mokabat na kini ug mga dos mil (2,000) ka pagtulon-an sa tibook kalibutan ug nagpadayun pa sa pagsaka. Halos tanan niini nga pagtulon-an nagpasibantog sa kaluwasan diha relihiyon nga gibarugan, ug ang kadaghanan nagpasibantog nga sila ra nga pagtulon-an ang maluwas ug mahabilin diha sa kataposan paghukom.
Matod pa niadton mga ekonomista niining bag-ong panahun, tulo (3) ra gayud kuno ka negosyo nga nagmalamboon dinhi sa kalibutan, una gubat, ikaduha politika ug ikatulo ang simbahan o pagtulon-an. Kadaghanan sa mga pagtulon-an nga nagsangyaw sa mga pulong sa Dios niining panahuna pulos na nagmaskara, diin maoy ilang gipasulabi ang tawhanon o mga materyal nga kinahanglanon. Gihimoo nilang negosyo ang ilang pagtulon-an, gihimo nilang negosyo ang bibliya, diin sama ra nga ilang gibaligya ang mga buhing opulong sa Dios, diin ila lang isulti ang anaa sa ilang huna-huna ug ang mahitabo didto sila mobasa sa mga pagtulon-an sa bibliya nga ha-om sa ilang personal nga tinguha.
Nagaingon ang balaang kasulatan, dili ang tanan nga nagsangpit kanako , Dios ko, Dios ko, makasulod sa gingharian sa Dios kundili kadto lamang nagasunod sa kabubut-on sa Dios. Matod pa usab sa mensahe sa Dios Amahan: " Walay pag-ampo o pangadye sa mga katawhan dinhi sa ibabaw sa kalibutan nga wala niya madunggi" , ang tanan iyang nadungog apan dili ang tanan nakadawat sa iyang panalangin tungod kay kadaghanan kanila nga nanag-ampo anaa lang sa tumoy sa ilang dila wala magagikan sa ilang kasing-kasing. Unsa na kaha kining mga mini nga mga magtutudlo ug mga pastor, nakadawat ba kaha kini sa mga panalalangin sa Langitnong Amahan, mga igsoon , Ang Dios ray nasayud diin matod pa sa mensahe sa Dios Amahan, " Ayaw tan-awa ang gibuhat sa imong isigkatawo siguro-a ang imong kaluwasan."
Dili diay kita angay magpatunto nianang mga magtutudlo nga nagtu-is sa mga kasulatan sa Dios, angay lang natong hinumdoman nga ang Ginoong Jesu Cristo mianhi dinhi sa yuta dili sa pagsilot kanato apan aron sa pagluwas kanatong tanan gikan sa atong mga kasal-anan. Dos Mil (2,000) na ka-tuig ang milabay sukad sa maong kamatayon ni Jesu Cristo diin niining panahuna ania na kita sa ikatulo nga siglo diin gapaingon na usab kita sa pagbalik sa bugtong anak sa Dios diin bulahan ang mga katawhan kay hataas pa ang pasensya sa Dios Amahan ug naa pay kapasaylo-an sa atong mga sala apan sa pag-abot sa kataposan paghukom wala nay pasaylo nga mahitabo diin hukman kita sumala sa atong binuhatan.
5Karon buot kong ipahinumdom kaninyo, bisan tuod sa makausa ug sa dayon nasayran na ninyo ang tanan, nga ang Ginoo nga nagluwas sa usa ka katawhan gikan sa yuta sa Egipto, siya sa kapulihay milaglag diha kanila niadtong wala managpanoo. 6Ug ang mga manolunda nga wala managpabilin diha sa ilang nahimutangan hinonoa nanagpamiya sa ilang angay nga puloy-anan, kini sila iyang gikapahimutang diha sa mga talikala nga dayon ilalum sa kangitngit alang sa panudya unya sa dakung adlaw. 7Sa ingon usab ang Sodoma ug ang Gomorra ug ang silingang kalungsuran, nga sa samang paagi nanagpatuyang sa pagpakighilawas ug sa dili kinaiya nga kaulag, nahimo silang mga panig-ingnan pinaagi sa paghiagum sa silot sa kalayong dayon.
8 Ngani, bisan pa niini, sa ingon nga paagi kining mga tawhana sa ilang mga pagdamgo nanaghugawhugaw sa lawas, nanagsalikway sa kagamhanan, ug nagapasipala sa mga halangdon. 9Apan si Miguel, ang manolunda nga punoan, sa iyang pakiglantugi batok sa yawa sa ilang panag-ilog sa lawas ni Moises, wala gani siya mangahas sa paglitok ug mapasipalahong hukom batok kaniya, kondili miingon lamang, "Ang Ginoo magabadlong unta kanimo." 10Apan kining mga tawhana nagapasipala sa bisan unsang butang nga dili nila masabut, ug sa mga butang nga ilang masabut pinaagi sa balatian nga dala sa kinaiya ingon sa mga mananap nga walay kabuot, pinaagi niining mga butanga sila nangalaglag.
11Alaut sila! Kay sila nanaglakaw subay sa agi ni Cain, ug tungod sa pagpanapi nagapataka silag panalagan ngadto sa kasaypanan ni Balaam, ug nangawagtang sila diha sa pagsupil ni Core. 12Kini sila maoy mga buling diha sa inyong mga kombira sa gugma, nga sa walay pagkaikog managhudyaka sa pag-inom-kaon sa walay pagtagad sa uban gawas sa ilang kaugalingon lamang; kini sila mga panganud nga walay dalang ulan, nga ginataral sa hangin; kini sila larag nga mga kahoy nga walay mga bunga, makaduha pil-a ang pagkapatay, nangaibot; 13kini sila mabangis nga mga balud sa dagat nga nagapabola sa ilang kaugalingong pagkamakauulaw; kini sila laag nga mga bitoon kang kinsa ang kangi-ob sa kangitngit gitagana hangtud sa kahangturan.
14Mahitungod usab kanila si Enoc, usa sa ikapitong kaliwatan sukad kang Adan, naghimog profesiya nga nag-ingon, "Tan-awa, ang Ginoo nahiabut uban sa iyang balaang mga panon, 15 aron iyang igapatuman ang paghukom sa tanan, ug sa pagpadayag sa pagkamasad-anon sa tanang mga tawong dili diosnon, diha sa ilang tanang dili diosnong binuhatan nga ilang nahimo sa dili diosnong paagi, ug sa tanang mapait nga mga butang nga batok kaniya gikapamulong sa mga makasasala nga dili diosnon." 16Kini sila mga bagolbolan, tigmulo, nanaggawi pahiuyon sa ilang kaugalingong mga pangibog, ug ang ilang mga baba nagasultig mga pasiatab, nga nagaulog-ulog sa mga tawo aron sa pagpamintaha kanila.
PAGPAAMBIT SA MENSAHE:
Ang maong mensahe nagpasabot sa pagsangyaw sa kamatuoran pinaagi diha sa balaang kasulatan o bibliya diin ang bibliya usa ka Greyego nga pinulongan diin nagpasabot kini ug mga kasulatan bahin sa tinagong kamatuoran sa unang kasulatan bahin kini sa mga kaagi sa karaang mga propeta ug ni Moises ug ang ikaduhang kasulatan naghisgot kini sa mga kinabuhi ug milagro ni Jesu Cristo. Setentay dos (72) ka libro ang naglangkob sa bibliya diin ang uban nga pagtulon-an gihimo lang nilang saysentay dos (62) diin ang napulo (10) wala apila sa mao nilang libro aron sa paglipat-lipat sa kamatuoran diin ila lang gipili ang mga pagtulon-an nga ha-om sa ilang huna-huna ug pagto-o. Mao kini sila ang usa sa mga grupo sa mga mini nga magtutudlo nga gihisgutan sa ebanghelyo diin hilabihan ra ka tawhanon ang ilang pamaagi sa pagdayeg ug pagsangyaw sa ilang pagtulon-an.
Usa ra ang Dios, Usa ra ang balaang kasulatan apan daghan ang mga pagtulon-an nga nanggawas diin sa pagkakaron mokabat na kini ug mga dos mil (2,000) ka pagtulon-an sa tibook kalibutan ug nagpadayun pa sa pagsaka. Halos tanan niini nga pagtulon-an nagpasibantog sa kaluwasan diha relihiyon nga gibarugan, ug ang kadaghanan nagpasibantog nga sila ra nga pagtulon-an ang maluwas ug mahabilin diha sa kataposan paghukom.
Matod pa niadton mga ekonomista niining bag-ong panahun, tulo (3) ra gayud kuno ka negosyo nga nagmalamboon dinhi sa kalibutan, una gubat, ikaduha politika ug ikatulo ang simbahan o pagtulon-an. Kadaghanan sa mga pagtulon-an nga nagsangyaw sa mga pulong sa Dios niining panahuna pulos na nagmaskara, diin maoy ilang gipasulabi ang tawhanon o mga materyal nga kinahanglanon. Gihimoo nilang negosyo ang ilang pagtulon-an, gihimo nilang negosyo ang bibliya, diin sama ra nga ilang gibaligya ang mga buhing opulong sa Dios, diin ila lang isulti ang anaa sa ilang huna-huna ug ang mahitabo didto sila mobasa sa mga pagtulon-an sa bibliya nga ha-om sa ilang personal nga tinguha.
Nagaingon ang balaang kasulatan, dili ang tanan nga nagsangpit kanako , Dios ko, Dios ko, makasulod sa gingharian sa Dios kundili kadto lamang nagasunod sa kabubut-on sa Dios. Matod pa usab sa mensahe sa Dios Amahan: " Walay pag-ampo o pangadye sa mga katawhan dinhi sa ibabaw sa kalibutan nga wala niya madunggi" , ang tanan iyang nadungog apan dili ang tanan nakadawat sa iyang panalangin tungod kay kadaghanan kanila nga nanag-ampo anaa lang sa tumoy sa ilang dila wala magagikan sa ilang kasing-kasing. Unsa na kaha kining mga mini nga mga magtutudlo ug mga pastor, nakadawat ba kaha kini sa mga panalalangin sa Langitnong Amahan, mga igsoon , Ang Dios ray nasayud diin matod pa sa mensahe sa Dios Amahan, " Ayaw tan-awa ang gibuhat sa imong isigkatawo siguro-a ang imong kaluwasan."
Dili diay kita angay magpatunto nianang mga magtutudlo nga nagtu-is sa mga kasulatan sa Dios, angay lang natong hinumdoman nga ang Ginoong Jesu Cristo mianhi dinhi sa yuta dili sa pagsilot kanato apan aron sa pagluwas kanatong tanan gikan sa atong mga kasal-anan. Dos Mil (2,000) na ka-tuig ang milabay sukad sa maong kamatayon ni Jesu Cristo diin niining panahuna ania na kita sa ikatulo nga siglo diin gapaingon na usab kita sa pagbalik sa bugtong anak sa Dios diin bulahan ang mga katawhan kay hataas pa ang pasensya sa Dios Amahan ug naa pay kapasaylo-an sa atong mga sala apan sa pag-abot sa kataposan paghukom wala nay pasaylo nga mahitabo diin hukman kita sumala sa atong binuhatan.
No comments:
Post a Comment