Kinabuhi Nga Makapahimuot Sa Dios

1 TESALONICA 4: 1 ~ 12

1 Sa katapusan, mga igsoon, kami nagahangyo ug nagapangamuyo kaninyo diha sa Ginoong Jesus, maingon nga kamo nagpakakat-on man gikan kanamo unsaon sa pagkinabuhi ug sa pagpahimuot sa Dios, sumala sa inyo nang ginabuhat karon, nga unta magalabi pa gayud ang inyong pagbuhat niini. 2Kay kamo nahibalo na unsa ang mga tugon nga among gihatag kaninyo pinaagi sa Ginoong Jesus. 3Kay ang pagbuot sa Dios mao kini, ang inyong pagkabinalaan: nga kamo managlikay sa pakighilawas;

4nga ang matag-usa kaninyo mahibalo unta unsaon niya sa pagpangasawa diha sa kabalaan ug kadungganan, 5dili sa balatian sa kaulag ingon sa mga Gentil nga wala makaila sa Dios; 6aron walay bisan kinsa nga maglapas ug mamintaha sa iyang igsoon labut niining butanga, kay kining tanang mga butanga panimaslan ra sa Ginoo, sumala sa among maligdong pagpasidaan kaninyo. 7Kay ang Dios wala magtawag kanato alang sa kahugawan, kondili sa kabalaanon. 8Busa, bisan kinsa nga magasalikway niini, wala magasalikway sa tawo kondili sa Dios nga nagahatag sa iyang Espirito Santo kaninyo.

9 Apan mahitungod sa gugma alang sa mga kaigsoonan, kamo wala nay kinahanglan nga pagasulatan pa ni bisan kinsa, kay kamo gikatudloan na man sa Dios sa paghigugma ang usa sa usa; 10ug sa pagkatinuod, kamo nagahigugma man sa tanang kaigsoonan sa tibuok Macedonia. Apan magatambag kami kaninyo, mga igsoon, sa paghimo niini sa labi pa gayud, 11sa pagtinguha sa pagpuyo nga malinawon, sa pag-atiman sa inyong kaugalingong mga bulohaton ug sa pagbudlay ginamit ang inyong mga kamot, sumala sa among gitugon kaninyo; 12aron kamo mangintakus sa pagtahud gikan sa mga tagagawas, ug dili magpasiro kang bisan kinsa.

PAGPAAMBIT SA MENSAHE:

Ang maong ebanghelyo naghisgot sa mga hiyas nga tawhanon nga mao gayud ang binuhatan sa Tawo. Ginaingon sa siyensa nga ang tawo usa ka klase sa mananap diin hetsas sa kabuot ug intelehente. Diin ang nakalahi kanato sa maong mga mananap sa lasang mao ang atong kahadlok ug pagtoo sa Dios ug ang atong tinawhanon nga kaalam.

Ang bibliya sumala sa kasugo-an sa Dios Amahan naghisgot kini ug gugma , kalinaw ug panagdait. Diin nagtudlo usab kini sa pagpaubos diin atong mapalandungan nga ang matuod nga lider sa usa ka iglisea sa kamatuoran ang pinaka importante niyang katungdanan mao gayud ang pagsilbi ug pagsangyaw sa kamatuoran, diin sulogoon siya sa iyang katawhan. Mao kini ang pagkalider nga gipasinati ni Jesu Cristo ngadto sa iyang mga tinun-an ug sumosunod dinhi sa kalibutan.

Ang maong ebanghelyo naghisgot sa mga hiyas nga makapahimuot sa Dios diin walay lain natong sumbanan ang bibliya ra gayud kay mao man kini ang mga pulong sa Ginoo. Ang panggobyerno sa yuta nagyukbo ug nagpahinungod sa mga pagtulon-an sa balaang kasulatan diin ang mga balaod nga gisunod ug gituman nahasubay sa doktrina sa maayong pagtulon-an sa Dios . Sa ato pa mga igsoon ang paginabuhi nga matarong gawas nga kasugo-an kini sa Dios mao usab kini ang sumbanan diha sa atong pag-apil sa katilingbanon nga mga kalihukan. Kung sundon nato ang mga kasugo-an sa bibliya diin naghisgot kini ug pagpaubos, kalinaw, kabugnaw, diin kanunay ipahari ang kasugo-an sa Dios nan usa ka ka maayo ug sulondon nga pagkatawo ug gikahimut-an ka sa Dios diin imong gituman ug gipasidunggan ang iyang kabubut-on.