1 PEDRO 1: 3 ~ 123 Dalaygon ang Dios ug Amahan sa atong Ginoong Jesu-Cristo! Tungod sa iyang dakung kalooy kita iyang gianak pag-usab ngadto sa usa ka buhing paglaum pinaagi sa pagkabanhaw ni Jesu-Cristo gikan sa mga patay, 4ug ngadto sa usa ka panulondon nga dili madunot, dili mabuling, dili malawos, ginatipigan didto sa langit alang kaninyo 5nga mga ginabantayan sa gahum sa Dios pinaagi sa pagtoo alang sa kaluwasan nga andam na aron igapadayag unya sa kinaulahiang panahon.
6 Kini igakalipay ninyog daku, bisan tuod nga karon inyong pagaantuson sa makadiyot ang nagkalainlaing mga pagsulay, 7aron ang pagkatinuod sa inyong pagtoo, nga labi pang bililhon kay sa bulawan nga ginasulayan pinaagig kalayo bisan tuod kini madugta ra, mosangpot ngadto sa pagdalayeg ug paghimaya ug pagpasidungog kaninyo inigpadayag na unya kang Jesu-Cristo.
8Bisan tuod wala kamo makakita kaniya, kamo nagahigugma kaniya; ug busan pa nga karon dili kamo makakita kaniya, kamo nagasalig kaniya ug nagakalipay sa labihan gayud nianang dili ikaasoyng kalipay ug puno sa himaya. 9Ingon nga sangputanan sa inyong pagsalig kamo manag-pakabaton sa kaluwasan sa inyong mga kalag.
10 Ang mga profeta nga nagtagna mahitungod sa grasya nga igahatag kaninyo,-- kini sila nangita ug nagpakisusi mahitungod niining maong kaluwasan; 11ilang gisusi kinsang tawhana o unsang panahona ang gipasabut sa Espiritu ni Cristo nga diha kanila sa ilang pagtagna sa mga pag-antus ni Cristo ug sa himaya nga modason niini.
12Ug kanila gipadayag nga dili sa ilang kaugalingon kondili kaninyo nanag-alagad sila diha sa mga butang nga karon gikapahibalo na kaninyo pinaagi sa mga tawo nga nagawali sa Maayong Balita pinaagi sa Espritu Santo nga pinadala gikan sa langit, mga butang nga niini ang mga manulonda nangandoy sa pagsud-ong.
PAGPAAMBIT SA MENSAHE:
Ang maong ebanghelyo nagpsabot sa mga milagro nga gibilin ni Jesu Cristo dinhi sa yuta, diin iyang gisangyaw ang kamatuoran kabahin niining iglisea nga iyang gibarugan, ug diin ang iyang mga piniling katawhan ug mga apostoles nga mabuot nakaamgo sa kabubut-on sa Dios diin nag-awhag kini sa pagpahiusa kanato pinaagi sa iyang anak nga si Jesu Cristo.
Dili matukib sa pulong ni matugkad sa mga manggialamon ang mensahe nga gibilin sa Dios diin pinaagi sa kalinaw, pagpaubos, pagpasakit ug pag-antos, diha kuhaon ang simpatiya sa matag-usa dinhi niining espirituhanon nga pagtulon-an. Dayag gayud nga dili tawo ang makabuhat niini, ug atong makita ang giya sa espiritu santo diha sa maong ebanghelyo.
Nagpasabot mga igsoon nga bisan mibalik na si Jesu Crsristo didto sa gingharian sa iyang amahan apan nagpabilin ug nagpadayun sa pagsangyaw sa maayong balita ang mga binilin niyang katawhan, ug sa gihapon nakasinati sila sa mga paglutos, ug pagbiay-biay diin mao kini ang sumbanan sa pagtulun-an nga iya sa Dios diin makasinati ka ug mga paglutos, kay mao man kini mopalig-on pagsamot sa imong pagtoo, ug pasukod usab sa kahugot sa imong pagsalig ngadto kaniya.
Wala na ang kabalaka sa iyang mga katawhan sa mahitabo unya sa ilang kalag sa higayon nga tawgon na sila sa kahitas-an, diin bulahan ka nga nagasunod sa kabubut-on sa Dios ug nagatugyan sa hingpit sa iyang kinabuhi kay mahatagan ug hataas nga kinabuhi apan ang mga katawhan nga nagduha-duha sa pagtugyan sa ilang kinabuhi ngadto sa Dios basin kawad-an niini.
6 Kini igakalipay ninyog daku, bisan tuod nga karon inyong pagaantuson sa makadiyot ang nagkalainlaing mga pagsulay, 7aron ang pagkatinuod sa inyong pagtoo, nga labi pang bililhon kay sa bulawan nga ginasulayan pinaagig kalayo bisan tuod kini madugta ra, mosangpot ngadto sa pagdalayeg ug paghimaya ug pagpasidungog kaninyo inigpadayag na unya kang Jesu-Cristo.
8Bisan tuod wala kamo makakita kaniya, kamo nagahigugma kaniya; ug busan pa nga karon dili kamo makakita kaniya, kamo nagasalig kaniya ug nagakalipay sa labihan gayud nianang dili ikaasoyng kalipay ug puno sa himaya. 9Ingon nga sangputanan sa inyong pagsalig kamo manag-pakabaton sa kaluwasan sa inyong mga kalag.
10 Ang mga profeta nga nagtagna mahitungod sa grasya nga igahatag kaninyo,-- kini sila nangita ug nagpakisusi mahitungod niining maong kaluwasan; 11ilang gisusi kinsang tawhana o unsang panahona ang gipasabut sa Espiritu ni Cristo nga diha kanila sa ilang pagtagna sa mga pag-antus ni Cristo ug sa himaya nga modason niini.
12Ug kanila gipadayag nga dili sa ilang kaugalingon kondili kaninyo nanag-alagad sila diha sa mga butang nga karon gikapahibalo na kaninyo pinaagi sa mga tawo nga nagawali sa Maayong Balita pinaagi sa Espritu Santo nga pinadala gikan sa langit, mga butang nga niini ang mga manulonda nangandoy sa pagsud-ong.
PAGPAAMBIT SA MENSAHE:
Ang maong ebanghelyo nagpsabot sa mga milagro nga gibilin ni Jesu Cristo dinhi sa yuta, diin iyang gisangyaw ang kamatuoran kabahin niining iglisea nga iyang gibarugan, ug diin ang iyang mga piniling katawhan ug mga apostoles nga mabuot nakaamgo sa kabubut-on sa Dios diin nag-awhag kini sa pagpahiusa kanato pinaagi sa iyang anak nga si Jesu Cristo.
Dili matukib sa pulong ni matugkad sa mga manggialamon ang mensahe nga gibilin sa Dios diin pinaagi sa kalinaw, pagpaubos, pagpasakit ug pag-antos, diha kuhaon ang simpatiya sa matag-usa dinhi niining espirituhanon nga pagtulon-an. Dayag gayud nga dili tawo ang makabuhat niini, ug atong makita ang giya sa espiritu santo diha sa maong ebanghelyo.
Nagpasabot mga igsoon nga bisan mibalik na si Jesu Crsristo didto sa gingharian sa iyang amahan apan nagpabilin ug nagpadayun sa pagsangyaw sa maayong balita ang mga binilin niyang katawhan, ug sa gihapon nakasinati sila sa mga paglutos, ug pagbiay-biay diin mao kini ang sumbanan sa pagtulun-an nga iya sa Dios diin makasinati ka ug mga paglutos, kay mao man kini mopalig-on pagsamot sa imong pagtoo, ug pasukod usab sa kahugot sa imong pagsalig ngadto kaniya.
Wala na ang kabalaka sa iyang mga katawhan sa mahitabo unya sa ilang kalag sa higayon nga tawgon na sila sa kahitas-an, diin bulahan ka nga nagasunod sa kabubut-on sa Dios ug nagatugyan sa hingpit sa iyang kinabuhi kay mahatagan ug hataas nga kinabuhi apan ang mga katawhan nga nagduha-duha sa pagtugyan sa ilang kinabuhi ngadto sa Dios basin kawad-an niini.
:
Ginaingon diha sa balaang kasulatan , nga ang dalang paingon sa ginharian sa Dios, sigpit, tunokon, batoon , ug bakilid diin malisod ang paglahos niini, ug kining mga dalana anaa na kini dinhi ning kalibuta nga atong gibarugan, ug mao na kini nga pagtulon-an nga atong nakaplagan diin anaa ang mga pagpanglutos, pagbiay-biay, ug mga kasakitan, ug nagaingon ang balaang kasulatan bulahan ka nga nakasinati sa mga kasakit ni Jesu Cristo dinhi sa yuta kay makasinati ka usab sa himaya ni Jesu Cristo didto sa iyang gingharian didto sa langit.
No comments:
Post a Comment