Siya Ba Ang Mesiyas?

JUAN 7 : 25 ~ 31

25Busa may mga tawo sa Jerusalem nga nanag-ingon, "Dili ba kining tawhana mao man ang buot unta nilang patyon? 26Ug karon ania na siya ug nagsulti sa dayag, apan wala man lagi silay gikasulti batok kaniya! Sarang ba kaha nga ang mga punoan sa pagkatinuod nahibalo na nga kini siya mao ang Cristo? 27Hinoon nasayud kita diin gikan kining tawhana; ug kon mahitungha na ang Cristo, walay bisan kinsa nga masayud diin siya gikan."

28Tungod niini, sa iyang pagpanudlo sulod sa templo, si Jesus mipahayag nga nag-ingon, "Nakaila ba diay kamo kanako, ug nasayud ba diay kamog diin ako gikan? Apan wala baya ako moanhi sa akong kinaugalingong pagbulot-an. Siya tinuod, siya nga mao ang nagpadala kanako, ug kamo wala makaila kaniya. 29Ako nakaila kaniya, kay ako gikan man kaniya ug siya mao man ang nagpadala kanako."

0Tungod niini naninguha sila sa pagdakop kaniya, apan walay midakop kaniya kay wala pa man moabut ang iyang panahon. 31Apan daghan sa mga tawo ang misalig kaniya; ug sila nanag-ingon, "Kon mahitungha na ang Cristo, himoon ba kaha niya ang labaw pa ka daghang milagro kay sa nahimo niining tawhana?" 32

PAGPAAMBIT SA MENSAHE:

Ang maong mensahe nagpasabot sa pagkamaduha-duhaon sa tawo diin mao gayuy makita ang unsay anaa sa tawhanon nga lawas, sa inato nga pagkaistorya maot ang tawo kay kun unsay nakita mao na gayud na siya. Diha sa ebanghelyo nakapangutana pa sila kuna siya ba gayud ang mesiyas, diin matod pa kadaghanan kanila nasayod sila kun diin gikan si Jesu Cristo, nga matod pa taga-nazareth siya ug anak sa usa ka panday, sa ato pa imposible para kanila nga mahimo siya anak sa Dios.

Ginaingon sa balaang kasulatan nga walay tawo dinhi sa ibabaw sa kalibutan nga gitugotan sa Dios sa pagtugkad sa iyang kabubut-on. Dili nato matugkad kun ngano ang ang anak sa Dios magpakaubos man sa iyang kaugalingon dinhi sa yuta diin nahimo siyang sentro sa pagyubit ug pagtamay. Apan mao diay gayud kini ang kabubut-on sa Dios diin matod pa sa balaang kasulatan kun gusto nimong magpakataas ug kahimut-an sa Dios didto sa langit nan puy-an nimo ang pinakaubos nga binuhat dinhi sa yuta diin masentro ka sa mga pagtamay ug pagyubit.

Mao diay kini ang gipasinati sa Dios Amahan diha mismo sa iyang bugtong anak diin mahimo siyang sumbanan sa iyang mga sumusunod ug magtoto-o. Usa lang diay kini ka pagsulay niadtong mga tag-as nga mga pariseo ug ingon man sa mga Judio diin gisukod sila mismo sa Dios kun makaila ba gayud ang mga katawhan kaniya nga Dios Amahan kun ang iyang anak maoy iyang ipaatubang. Apan lagi serado na an mga utok sa maong mga Judio ug mga parisyuhanon diin dili nila madawat nga ang anak sa ilang Dios pobre kaayo ni walay dayan-dayan sa iyang mga sinina.

Laktod nga pagka-istorya wala gayod sila motoo kang Jesu Cristo nga maoy anak sa Dios diin mao kini ang ilang gipaabot nga mesiyas sulod sa dugay na nga mga katuigan. Giduha-duha-an nila ang anak sa Dios bisan mga milagro ug mga pagtulon-an nga gisangyaw ni Jesu Cristo. Bisan niining panahuna diin ania na kita sa ikatulo nga siglo diin nagpadayun ang mga milagro ug ang maong mga pagtulon-an, diin sa kanunay anaa ang paglutos ug ang pagduha-duha . Apan bulahan ang nagato-o bisan wala makakita kay panalanginan sila sa espiritu santo.