LUCAS 14 : 7 ~ 147 Ug sa pagkaalinggat niya nga ang mga dinapit nanagpili sa halangdong mga lingkoranan sa kan-anan, sila gisuginlan niya sa usa ka sambingay, nga nag-ingon kanila, 8"Sa diha nga dapiton ikaw ni bisan kinsa ngadto sa kombira sa kasal, ayaw paglingkod sa dapit nga halangdon, basi adunay iyang dinapit nga labi pang inila kay kanimo;
9ug unya ang nagadapit kaninyong duha moduol ug moingon kanimo, `Pahawa diha ug maoy palingkora kining tawhana,` ug unya mobalhin ka nga naulawan ngadto sa labing ubos nga dapit. 10Apan sa diha nga dapiton ikaw, umadto ug lumingkod ka sa labing ubos nga dapit aron inig-abut sa nagadapit kanimo, basig moingon siya kanimo, `Higala, uswag ra didto sa ibabaw`; sa ingon niana kapasidunggan ikaw sa atubangan sa tanan nga managlingkod tambong sa kan-anan uban kanimo.
11Kay ang matag-usa nga magapahitaas sa iyang kaugalingon, igapahiubos; ug ang magapaubos sa iyang kaugalingon, igapahitaas." 12Ug siya miingon usab sa tawo nga nagdapit kaniya, "Sa magadalit ikawg pagkaon o kombira, ayaw pagdapita ang imong mga higala o ang imong mga igsoon o ang imong mga paryenti o ang imong mga dato nga silingan, basi mobalus sila sa pagdapit kanimo ug unya hibaslan ka sa imong pagkamaabiabihon. 13Apan sa magakombira ikaw, maoy dapita ang mga kabus, ang mga pungkol, ang mga piang, ang mga buta; 14ug mabulahan ikaw tungod kay sila dili man makabalus kanimo. Ikaw pagabalusan ra unya sa pagpamanhaw sa mga matarung."
PAGPAAMBIT SA MENSAHE:
Ang maong ebanghelyo naghisgot sa mga hiyas nga langitnon diin maoy gikahimut-an sa Dios , Ang pagpaubos ug ang pagkamaabi-abihon. Ang Dios espiritu santo nagsimbolo man kini ug kalinaw, sa huna-huna, sa pulong ug sa buhat. Matod pa diha sa ebanghelyo nga kun embitahon ka ug kumbira dili nimo ipasigarbo ang imong kaugalingon ug diin didto ka gayud sa pinakaubos nga dapit molingkod , ug bulahan ka kun pasidunggan ka sa tagbalay atubangan sa iyang mga bisita ug iplastar ngadto sa kinatas-an nga pwesto.
Usa kini ka pagtulon-an nga gipakita o gipa-ambit ni Jesu Cristo ngadto sa iyang mga sumusunod, diin sumala sa kasugo-an sa balaang kasulatan nagaingon nga kinsa kadtong magpaubos ipataas ug kadtong ipataas ipaubos, 1Corintho 1:28, nagaingon nga gipili sa Dios ang mga katawhan nga tinamay ug mga sinalikway dinhi sa yuta aron maoy mosanggyaw sa iyang mga pulong aron sa ingon ang adunay mga tawhanon nga kinaadman ug kaalam dili makapasigarbo diha sa Iyang atubangan. Walay bili ang mga tawhanon nga kaalam ug kinaadman didto sa langit ug walay bili usab ang mga butang materyal didto sa langit.
Ang maong ebanghelyo nagpamatuod lamang nga kun mapaubsanon ka dinhi sa yuta luyo sa mga paglutos ug pagbiay-biay nga imong naagi-an nan bulahan ka igsoon kay gantihan ka sa Dios didto sa langit. Diin mas maayo nga magapaka-on kita diha sa mga katawhan nga ubos pa ug kabutang kay kanato ug sa ingon ang Dios maoy magabalos kanato pinaagi sa kanunay nga paghatag ug grasya nga langitnon. Apan matod pa sa balaang kasulatan, "Ang himaya sa Dios didto sa langit nga mao ang kinabuhi nga dayun usa kini ka gasa nga ihatag sa Dios ngadto sa mga tawo nga nagatuman sa iyang kabubut-on ug dili kini siya premyo o ganti aron sa ingon walay makapasigarbo didto sa atubangan sa Dios nga siya naluwas pinaagi sa maayong buhat.
9ug unya ang nagadapit kaninyong duha moduol ug moingon kanimo, `Pahawa diha ug maoy palingkora kining tawhana,` ug unya mobalhin ka nga naulawan ngadto sa labing ubos nga dapit. 10Apan sa diha nga dapiton ikaw, umadto ug lumingkod ka sa labing ubos nga dapit aron inig-abut sa nagadapit kanimo, basig moingon siya kanimo, `Higala, uswag ra didto sa ibabaw`; sa ingon niana kapasidunggan ikaw sa atubangan sa tanan nga managlingkod tambong sa kan-anan uban kanimo.
11Kay ang matag-usa nga magapahitaas sa iyang kaugalingon, igapahiubos; ug ang magapaubos sa iyang kaugalingon, igapahitaas." 12Ug siya miingon usab sa tawo nga nagdapit kaniya, "Sa magadalit ikawg pagkaon o kombira, ayaw pagdapita ang imong mga higala o ang imong mga igsoon o ang imong mga paryenti o ang imong mga dato nga silingan, basi mobalus sila sa pagdapit kanimo ug unya hibaslan ka sa imong pagkamaabiabihon. 13Apan sa magakombira ikaw, maoy dapita ang mga kabus, ang mga pungkol, ang mga piang, ang mga buta; 14ug mabulahan ikaw tungod kay sila dili man makabalus kanimo. Ikaw pagabalusan ra unya sa pagpamanhaw sa mga matarung."
PAGPAAMBIT SA MENSAHE:
Ang maong ebanghelyo naghisgot sa mga hiyas nga langitnon diin maoy gikahimut-an sa Dios , Ang pagpaubos ug ang pagkamaabi-abihon. Ang Dios espiritu santo nagsimbolo man kini ug kalinaw, sa huna-huna, sa pulong ug sa buhat. Matod pa diha sa ebanghelyo nga kun embitahon ka ug kumbira dili nimo ipasigarbo ang imong kaugalingon ug diin didto ka gayud sa pinakaubos nga dapit molingkod , ug bulahan ka kun pasidunggan ka sa tagbalay atubangan sa iyang mga bisita ug iplastar ngadto sa kinatas-an nga pwesto.
Usa kini ka pagtulon-an nga gipakita o gipa-ambit ni Jesu Cristo ngadto sa iyang mga sumusunod, diin sumala sa kasugo-an sa balaang kasulatan nagaingon nga kinsa kadtong magpaubos ipataas ug kadtong ipataas ipaubos, 1Corintho 1:28, nagaingon nga gipili sa Dios ang mga katawhan nga tinamay ug mga sinalikway dinhi sa yuta aron maoy mosanggyaw sa iyang mga pulong aron sa ingon ang adunay mga tawhanon nga kinaadman ug kaalam dili makapasigarbo diha sa Iyang atubangan. Walay bili ang mga tawhanon nga kaalam ug kinaadman didto sa langit ug walay bili usab ang mga butang materyal didto sa langit.
Ang maong ebanghelyo nagpamatuod lamang nga kun mapaubsanon ka dinhi sa yuta luyo sa mga paglutos ug pagbiay-biay nga imong naagi-an nan bulahan ka igsoon kay gantihan ka sa Dios didto sa langit. Diin mas maayo nga magapaka-on kita diha sa mga katawhan nga ubos pa ug kabutang kay kanato ug sa ingon ang Dios maoy magabalos kanato pinaagi sa kanunay nga paghatag ug grasya nga langitnon. Apan matod pa sa balaang kasulatan, "Ang himaya sa Dios didto sa langit nga mao ang kinabuhi nga dayun usa kini ka gasa nga ihatag sa Dios ngadto sa mga tawo nga nagatuman sa iyang kabubut-on ug dili kini siya premyo o ganti aron sa ingon walay makapasigarbo didto sa atubangan sa Dios nga siya naluwas pinaagi sa maayong buhat.
No comments:
Post a Comment