Ang Panag-ingnan Sa Mga Pag-antos Ni Jesu Cristo

1 PEDRO 2 : 18 ~ 25

18Mga binatonan, magpasakop kamo nga masinugtanon sa inyong mga agalon uban sa bug-os nga pagkamatinahuron, dili lamang sa mga agalon ra nga mga mapuanguron ug maayog batasan kondili bisan pa usab kanila nga mga masuk-anon. 19Kay takus gayud sa pagpasalamat kon ang usa ka tawo, tungod sa iyang kahibalo sa Dios, moantus sa mga kasakit nga igapahamtang kaniya bisan siya dili sad-an.

20Kay kon kamo makapailub sa mga pagbokbok kaninyo inigpakasala ninyo, unsa may dalaygon niini? Apan kon makapailub man kamo sa diha nga magabuhat kamog matarung ug paantuson tungod niini, nan, kamo kahimut-an sa Dios. 21Kay sa maong paggawi gipanagtawag kamo, maingon nga alang kaninyo miantus man usab si Cristo, nga nagbilin kaninyog usa ka panig-ingnan aron kamo managsunod sa iyang mga tunob.

22Siya walay nahimo nga pagpakasala; walay hingkaplagang limbong diha sa iyang baba. 23Sa gisultihan siyag pasipala, wala siya mobalus pagsultig pasipala; sa nag-antus siya, wala siya manghulga; hinonoa gisalig lamang niya ang tanan ngadto kaniya nga nagapanghukom uban sa katarungan. 24Siya gayud mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarung. Pinaagi sa iyang mga samad kamo nangaayo. 25Kay samag mga karnero kamo kaniadto nanghisalaag, apan karon kamo nahibalik na sa Magbalantay ug Magdudumala sa inyong mga kalag.

PAGPAAMBIT SA MENSAHE:

Ang maong ebanhelyo nagpasabot diha sa pagkinabuhi nga duol as Dios, diin nahimong panag-ingnan ang kinabuhi ni Jesu Crsito diin kini tugob sa pagpasakit ug pag-antos diha sa mga Judio nga mipasipala kaniya. Matod pa sa maong ebanghelyo nga wala grasya ang mga pag-anto ug nga oagpasakit ug pagkulata kanimo kun ikaw makasasala, apan ang imong pag-antos diha sa mga kasakit ug pagpasipala bisan tuod ug wala na kamoy sala, nan gikahimut-an kamo sa Dios.

Ingon niana ang kabubut-on ug gahum sa Dios diin sa kanunay ang iyang mga katawhan nagaantos sa mga paglutos ug mga pagbiay-biay, diin matod pa nga kinahanglan gayud sa mga tumotuo sa Dios nga pagasulayan ug pagasakiton aron makita gayud sa Dios ang imong pagkamatinud-anon diha sa imong pagtulon-an nga nakaplagan.

Kay matod pa pagasulayan man gain ang bulawan sa kapuro niini pnaagi sa kainit sa kalayo nan ang tawo usab sulayan sa Dios pinaagi sa pagtugot sa dautan sa paghimo niini. Apan anaa ang Dios nalantaw ug nagaihap kun kapila ka mahagba diha sa imong pagsulay ug kapila ka usab motindog diha sa mao mong pagkahagba. Kay matod pa masuta unya sa Amahan ang katim-os g kaputli sa imong kasing-kasing kun diha sa pagsulay molahutay ka ug mobarug nga puno sa mga pag-ampo ug pangaliya sa Dios nan, igsoon bulahan ka sa tanang bulahan.

:

: