1 PEDRO 3: 8~228 Sa katapusan, kamong tanan kinahanglan managkaduyog, magbinatiay, maghigugmaay ingon nga mga magsoon, maloloy-on sa kasingkasing, ug mapaubsanon sa hunahuna, 9nga dili kamo magbalus ug panghimaraut sa panghimaraut, ni magbalus ug sulting pasipala sa sulting pasipala; kondili nga panghinautan hinoon ninyog maayo ang mga magpanghimaraut kaninyo, kay alang niini kamo gipanagtawag aron makapanunod kamog panalangin. 10Kay Siya nga buot mahigugmag kinabuhi ug motan-awg maayong mga adlaw, papugngi kaniya ang iyang dila gikan sa pagkamadauton ug ang iyang mga ngabil gikan sa pagsultig limbong;
11pabiyai kaniya ang dautan ug ipabuhat kaniya ang maayo; ipapangita kaniya ang kadaitan ug ipakab-ot kini. 12Kay ang mga mata sa Ginoo magasudong nga uyon sa mga matarung, ug ang iyang mga dalunggan gipa-abong sa ilang mga pangamuyo. Apan ang nawong sa Ginoo batok sa mga nagabuhat ug dautan." 13Ug kinsa may makahimog pagdaut kaninyo kon lamang magamainiton kamo sa pagbuhat ug maayo? 14Ngani, kon ugaling paantuson man kamo tungod sa inyong pagbuhat ug matarung, bisan pa niini kamo magamalipayon. Ayaw kamo kakuyaw sa ilang pagpanghadlok, ni magkalisang, 15hinonoa, sa sulod sa inyong mga kasingkasing katahai ninyo si Cristo ingon nga Ginoo. Kinahanglan andam kamo kanunay sa pagtubag kang bisan kinsa nga mangutana sa hinungdan sa paglaum nga anaa kaninyo, hinoon buhata ninyo kini uban sa kaaghop ug kataha;
16 ug kinahanglan magbaton kamog maayong kaisipan aron nga sa dihang pagalibakon kamo, maulawan hinoon sila nga managsultig pagdaut sa inyong maayong kagawian diha kang Cristo. 17Kay labi pang maayo ang pag-antus tungod sa pagbuhat ug matarung, kon kini pagbuot man sa Dios, kay sa pag-antus tungod sa pagbuhat ug dautan.
18 Kay si Cristo usab namatay sa makausa alang sa tanan tungod sa mga sala, ang matarung alang sa mga dili matarung, aron kita iyang madala ngadto sa Dios. Sa lawasnong bahin sa iyang kinaiya, siya gipatay apan nabuhi diha sa espiritu; 19nga niini siya miadto ug miwali sa mga espiritu nga didto sa sulod sa bilanggoan, 20nga kaniadto wala manag-ano-o, sa diha nga sa mga adlaw ni Noe ang pailub sa Dios nagpa-abut, samtang gibuhat pa ang arka nga niini pila lamang kabuok, sa ato pa, walo ka tawo ang naluwas latas sa tubig.
21 Agig hulad niini, ang bautismo usab nagaluwas kaninyo karon dili ingon nga paglugod sa buling gikan sa lawas kondili ingon nga pangamuyo diha sa atubangan sa Dios alang sa maayong kaisipan, pinaagi sa pagkabanhaw ni Jesu-Cristo, 22nga miadto sa langit ug anaa karon sa too sa Dios, ug nga kaniya nailalum ang mga manolunda ug mga langitnong kamandoan ug kagahuman.
PAGPAAMBIT SA MENSAHE:
Ang maong ebanghelyo naghisgot diha sa kanunay nag pagbalaan ug sa mga pag-ampo ug pagdayeg ngadto sa langitnong Amahan. Kay matod pa sa ebanghelyo bulahan ang tawo nga nasinati sa mga paglutos ug pagpasakit diha sa ilang pagsunod kanako diin matod pa Pasagdi ang nagabuhat sa ingon kay dili ikaw ang ilang gilutos kundili Ako nga inyong Dios maoy ilang gilutos ug gitamay.
Sukwahi ang kinabuhi nga pagalaktan dinhi sa yuta kun gusto nimo nga dayegon ug himayaon didto sa langit, diin puy-an nimo ang ang kinabuhi nga tugob sa mga kasakit, pag-antos ug pagtamay dinhi sa yuta, nga sa ato pa pas-ana ang imong krus sa kinabuhi ug sunod sa mga pagtulon-an ni Jesus.
Bulahan ang mga katawhan nga nagasunod kanako ug nakaambit sa mga kasakitan didto sa krus kay makaambit usab sila sa himaya sa pagkabanhaw didto sa langit. Sa lain bahin nga sinulat nagaingon : Bulahan ang mga katawhan nga nagasunod kanako ug nagatugyan kanako sa hingpit sa ilang kinabuhi kay mahatagan ko ug kinabuhi, apan ang katawhan nga nagasunod kanako apan nagadumili sa pagtugyan sa ilang kaugalingon dinhi kanako basin kawad-an hinuon niini.
Lisod tukibon o tuki-on ang mga pamaagi sa Dios diin matod pa wala pay tawo dinhi sa kalibutan nga iyang gitugotan sa pagtugkad sa iyang mga kabubut-on. Ug sa ingon bulahan ang mga katawhan nga sa kanunay nagasunod kanako taliwala sa mga paglutos nga ilang nasinati, kay matod pa ingon gayud niana kun magaalagad kita sa Dios, ingon gayud niana kun sa kanunay atong sundon ang kasugo-an, Kay malisod ang pagsulod sa gingharian sa Dios diin bakilid kini, tungason ug batohon ug mao na kini nga mga dalan nga atong gisubay diin tugob sa pagpasakit. Apan bulahan kun malatas ang mga pagsulay diha sa kinabuhi kay adunay katumanan ang tanan nga giandam sa Ginoo.
11pabiyai kaniya ang dautan ug ipabuhat kaniya ang maayo; ipapangita kaniya ang kadaitan ug ipakab-ot kini. 12Kay ang mga mata sa Ginoo magasudong nga uyon sa mga matarung, ug ang iyang mga dalunggan gipa-abong sa ilang mga pangamuyo. Apan ang nawong sa Ginoo batok sa mga nagabuhat ug dautan." 13Ug kinsa may makahimog pagdaut kaninyo kon lamang magamainiton kamo sa pagbuhat ug maayo? 14Ngani, kon ugaling paantuson man kamo tungod sa inyong pagbuhat ug matarung, bisan pa niini kamo magamalipayon. Ayaw kamo kakuyaw sa ilang pagpanghadlok, ni magkalisang, 15hinonoa, sa sulod sa inyong mga kasingkasing katahai ninyo si Cristo ingon nga Ginoo. Kinahanglan andam kamo kanunay sa pagtubag kang bisan kinsa nga mangutana sa hinungdan sa paglaum nga anaa kaninyo, hinoon buhata ninyo kini uban sa kaaghop ug kataha;
16 ug kinahanglan magbaton kamog maayong kaisipan aron nga sa dihang pagalibakon kamo, maulawan hinoon sila nga managsultig pagdaut sa inyong maayong kagawian diha kang Cristo. 17Kay labi pang maayo ang pag-antus tungod sa pagbuhat ug matarung, kon kini pagbuot man sa Dios, kay sa pag-antus tungod sa pagbuhat ug dautan.
18 Kay si Cristo usab namatay sa makausa alang sa tanan tungod sa mga sala, ang matarung alang sa mga dili matarung, aron kita iyang madala ngadto sa Dios. Sa lawasnong bahin sa iyang kinaiya, siya gipatay apan nabuhi diha sa espiritu; 19nga niini siya miadto ug miwali sa mga espiritu nga didto sa sulod sa bilanggoan, 20nga kaniadto wala manag-ano-o, sa diha nga sa mga adlaw ni Noe ang pailub sa Dios nagpa-abut, samtang gibuhat pa ang arka nga niini pila lamang kabuok, sa ato pa, walo ka tawo ang naluwas latas sa tubig.
21 Agig hulad niini, ang bautismo usab nagaluwas kaninyo karon dili ingon nga paglugod sa buling gikan sa lawas kondili ingon nga pangamuyo diha sa atubangan sa Dios alang sa maayong kaisipan, pinaagi sa pagkabanhaw ni Jesu-Cristo, 22nga miadto sa langit ug anaa karon sa too sa Dios, ug nga kaniya nailalum ang mga manolunda ug mga langitnong kamandoan ug kagahuman.
PAGPAAMBIT SA MENSAHE:
Ang maong ebanghelyo naghisgot diha sa kanunay nag pagbalaan ug sa mga pag-ampo ug pagdayeg ngadto sa langitnong Amahan. Kay matod pa sa ebanghelyo bulahan ang tawo nga nasinati sa mga paglutos ug pagpasakit diha sa ilang pagsunod kanako diin matod pa Pasagdi ang nagabuhat sa ingon kay dili ikaw ang ilang gilutos kundili Ako nga inyong Dios maoy ilang gilutos ug gitamay.
Sukwahi ang kinabuhi nga pagalaktan dinhi sa yuta kun gusto nimo nga dayegon ug himayaon didto sa langit, diin puy-an nimo ang ang kinabuhi nga tugob sa mga kasakit, pag-antos ug pagtamay dinhi sa yuta, nga sa ato pa pas-ana ang imong krus sa kinabuhi ug sunod sa mga pagtulon-an ni Jesus.
Bulahan ang mga katawhan nga nagasunod kanako ug nakaambit sa mga kasakitan didto sa krus kay makaambit usab sila sa himaya sa pagkabanhaw didto sa langit. Sa lain bahin nga sinulat nagaingon : Bulahan ang mga katawhan nga nagasunod kanako ug nagatugyan kanako sa hingpit sa ilang kinabuhi kay mahatagan ko ug kinabuhi, apan ang katawhan nga nagasunod kanako apan nagadumili sa pagtugyan sa ilang kaugalingon dinhi kanako basin kawad-an hinuon niini.
Lisod tukibon o tuki-on ang mga pamaagi sa Dios diin matod pa wala pay tawo dinhi sa kalibutan nga iyang gitugotan sa pagtugkad sa iyang mga kabubut-on. Ug sa ingon bulahan ang mga katawhan nga sa kanunay nagasunod kanako taliwala sa mga paglutos nga ilang nasinati, kay matod pa ingon gayud niana kun magaalagad kita sa Dios, ingon gayud niana kun sa kanunay atong sundon ang kasugo-an, Kay malisod ang pagsulod sa gingharian sa Dios diin bakilid kini, tungason ug batohon ug mao na kini nga mga dalan nga atong gisubay diin tugob sa pagpasakit. Apan bulahan kun malatas ang mga pagsulay diha sa kinabuhi kay adunay katumanan ang tanan nga giandam sa Ginoo.
No comments:
Post a Comment