1 PEDRO 4 : 7 ~ 117 Hapit na ang kataposan sa tanang butang. Pagkinabuhi nga maalamon. Paggahig panahon sa kagabhion alang sa pag-ampo. 8 Labaw sa tanan, higugmaa sa kinasingkasing ang usag usa, kay ang gugma motabon sa daghang sala. 9 Pasak-a ang matag usa sa inyong balay nga walay bagulbol 10 ug paghatagay sa usag usa sa mga gasa nga nadawat. Ining paagiha mamaayo mong tigdumala sa nagkalainlaing grasya sa Diyos. 11 Kon mosulti, isulti ang Pulong sa Diyos. Kon dunay espesyal nga ministeryo, ipakita ni isip gahom sa Diyos, aron himayaon siya pinaagi ni Cristo Jesus sa tanang butang.
PAGPAAMBIT SA MENSAHE:
Ang maong ebanghelyo naghisgot sa pagpuyo nga balaan diha sa kristuhanon nga pagtulon-an. Kay mas bale pa nga magapuyo kita nga langyaw dinhi niinng kalibutan apan ha-om sa kabubut-on sa Dios diin sukwahi kun magpaha-om kita sa mga kailibgon ug mga kahilayan dinhi sa yuta apan ayran kita sa gingharian sa Dios.
Kitang tanan lahi-lahi ang pagtawag sa Dios kanato ug sa ingon lahi usab ang gasa nga iyang gipakuptan kanato diha sa pagkahimugso nato dinhi sa kalibutan. Apan bulahan diay kun ang mao natong gasa atong ihalad ngadto sa Dios nga maoy tag-iya niini, kay siya ray mopuno diha sa mga kakulangon nga materyal diha sa imong kinabuhi, kay matod pa ayaw na pagpangaplag ug dugang materyal diha sa imong pagkinabuhi, insakto na ang anaa kanimo, kay Ako nga inyong Dios dili gayud mahitabo nga motalikod kaninyo.
Mas dako diay nga grasya nga espirituhanon kun kita magaalagad sa Dios pinaagi diha sa atong paggamit sa iyang hinatag nga gasa. Kay matod pa siya ra gayud ang mahi-balo sa tanan. Angay gayud natong hinuktukan nga walay ato ani bisan gamay, ang tanan iya sa Dios diin bulahan nga diha sa mao mong nahuptan nga gasa ikapaambit mo kini ngadt sa uban sa walay kapin nga kabubut-on aron sa ingon ang Dios maga-uban kanimo sa kanunay.
No comments:
Post a Comment