JUAN 21 : 20 ~ 2420 Milingi si Pedro. Nakita niya nga misunod sab ang tinun-an nga gihigugma ni Jesus, ang misandig sa iyang dughan adtong panihapon ug nangutana: “Ginoo, kinsay mobudhi nimo?” 21 Sa pagkakita kaniya ni Pedro, miingon siya ni Jesus: “Ginoo, unsay iyang dangatan? 22 Mitubag si Jesus: “Kon buot kong magpabilin siya hangtod sa akong pagbalik, unsay kalabotan nimo?”
23 Tungod ini mikaylap ang huhungihong sa kaigsoonan nga dili mamatay ang maong tinun-an. Apan wala moingon si Jesus kang Pedro: “Dili siya mamatay” kondili, “pananglit lang gusto ko nga magpabilin siya hangtod sa akong pagbalik.”
24 Kini ang tinun-an nga nagmatuod sa mga butang nga nasulat dinhi. Nasayod ta nga tinuod ang iyang pagsaksi. 25 Daghan pa kaayo ang mga butang nga gibuhat ni Jesus. Kon gisulat pa ang tanan, dili paigo ang kalibotan nga sudlan sa tanang libro nga nag-asoy ini.
PAGPAAMBIT SA MENSAHE:
Ang maong ebanghelyo naghisgot sa mga tinun-an ni Jesu Cristo nidtong panahun sa mga apostoles diin ubay-ubay usab ang iyang mga haduol sa iyang kasing-kasing, apan wala magpasabot nga adunay pinili ang atong Ginoo kay matod pa diha sa iyang pagbalik sa takna sa kataposang paghukom parehas na kitang tanan nga maga-atubang kaniya, diin wala nay pinalabi ug ang tanan magapa-abot sa iyang silot o gasa nga ha-om kaniya.
Diha sa ebanghelyo namulong si Jesus nga anaa pa ang mao niyang tinun-an diha sa iyang pagbalik, nga sa ato pa atua na sa ganghaan sa gingharian sa amahan ang maong binuhat atol unya sa kataposang paghukom, diin bulahan kay makit-an sa maong binuhat ang pagkayab pag-usab sa anak sa Dios nga magagikan sa kalangitan ug inubanan sa mga anghel.
Kitang tanan nga mgasunod sa pagtulon-an ni Jesus matawag nga iyang mga tinun-an kay kita nasunod ug nagatuki man diha sa iyang pamaagi, diin dili malalis o mabali ang iyang kabubut-on diin nakatala nang daan ang atong pagkinabuhi dinhi sa kalibutan, kay matod pa Ang Dios dili gayud motalikod niadtong mga tawo nga sa kanunay nagasunod ug nagapasidungog kaniya.
23 Tungod ini mikaylap ang huhungihong sa kaigsoonan nga dili mamatay ang maong tinun-an. Apan wala moingon si Jesus kang Pedro: “Dili siya mamatay” kondili, “pananglit lang gusto ko nga magpabilin siya hangtod sa akong pagbalik.”
24 Kini ang tinun-an nga nagmatuod sa mga butang nga nasulat dinhi. Nasayod ta nga tinuod ang iyang pagsaksi. 25 Daghan pa kaayo ang mga butang nga gibuhat ni Jesus. Kon gisulat pa ang tanan, dili paigo ang kalibotan nga sudlan sa tanang libro nga nag-asoy ini.
PAGPAAMBIT SA MENSAHE:
Ang maong ebanghelyo naghisgot sa mga tinun-an ni Jesu Cristo nidtong panahun sa mga apostoles diin ubay-ubay usab ang iyang mga haduol sa iyang kasing-kasing, apan wala magpasabot nga adunay pinili ang atong Ginoo kay matod pa diha sa iyang pagbalik sa takna sa kataposang paghukom parehas na kitang tanan nga maga-atubang kaniya, diin wala nay pinalabi ug ang tanan magapa-abot sa iyang silot o gasa nga ha-om kaniya.
Diha sa ebanghelyo namulong si Jesus nga anaa pa ang mao niyang tinun-an diha sa iyang pagbalik, nga sa ato pa atua na sa ganghaan sa gingharian sa amahan ang maong binuhat atol unya sa kataposang paghukom, diin bulahan kay makit-an sa maong binuhat ang pagkayab pag-usab sa anak sa Dios nga magagikan sa kalangitan ug inubanan sa mga anghel.
Kitang tanan nga mgasunod sa pagtulon-an ni Jesus matawag nga iyang mga tinun-an kay kita nasunod ug nagatuki man diha sa iyang pamaagi, diin dili malalis o mabali ang iyang kabubut-on diin nakatala nang daan ang atong pagkinabuhi dinhi sa kalibutan, kay matod pa Ang Dios dili gayud motalikod niadtong mga tawo nga sa kanunay nagasunod ug nagapasidungog kaniya.
No comments:
Post a Comment