Ayaw Angina Pagpakasala Ang Imong Igsoon

JUAN 3: 31 ~ 36

13 Tungod ini, hunongon na nato ang panaway sa usag usa. Maningkamot hinuon ta sa dili pagbutang og bisag unsa sa agianan sa igsoon nga makapandol o makapatumba niya. 14 Nasayod ko, sigurado ko sa Ginoong Jesus, nga walay hugaw sa iyang kaugalingon. Hugaw lang na alang sa nag-isip anang hugaw. 15 Apan, kon nakasilo ka sa imong igsoon tungod sa pagkaon, wala ka na maglakaw sa gugma. 16 Ayawg himoa ang inyong pangaon nga hinungdan sa pagkawala sa gipakamatyan ni Cristo. Ayawg ibutang ang imong kaugalingon sa sayop uban sa maayo.

17 Ang gingharian sa Diyos dili bahig kalan-on o ilimnon. Hustisya ni, kalinaw ug kalipay diha sa Espiritu Santo. 18 Kon nag-alagad mo ni Cristo ining paagiha, makapahimuot mo sa Diyos ug daygon sa mga tawo. 19 Busa, atong pangitaon ang makapalig-on sa kalinaw ug makahimo natong labi pang maayo.

20 Ayawg gub-a ang gibuhat sa Diyos tungod sa pagkaon. Ang tanang pagkaon limpyo, apan mahimo kining dili limpyo para ngadto sa mokaon supak sa iyang gitoohan. 21 Mas maayo tingali nga dili mo mokaog karne, o moinom og alak, o bisag unsang makapahisukamod sa inyong igsoon.
22 Hupti ang inyong pagtoo atubangan sa Diyos. Bulahan mo kon dili mo mobuhat sa supak sa kaugalingong pagtoo. 23 Hinunoa, ang mokaog usa ka butang nga may pagduda, nasayop, kay wala siya magbuhat sumala sa gitoohan; ug ang buhaton nato nga supak sa konsensya, sala.

PAGPAAMBIT SA MENSAHE:

Ang maong mensahe gipahinungod diha sa tanan katawhan sa Dios kay kitang tanan anak man sa Dios ug kitang tanan igsoon diha sa atubangan sa Dios. Diin ang maong mensahe susama diha sa panultihon ug mensahe sa Amahn nga nagaingong ayaw lantawa ang imong isigkaingon, siguroa ang imong kaluwasan. Diin diha sa maong ebanghelyo nagaingon ang pulong sa Dios ayaw i-ngin ang imong igsoon sa pagpakasala. Nga sa ato pa mga igsoon ipakita diha sa atong mga kaigsoonan ang hiyas nga kristuhanon aron maoy mahimo nilang sumbanan diha sa pagpakabuhi nga matarong ug mahadlukon a Dios .

Ang pagkadautan o pagkasalaag sa mga anak ug atong mga igsoon ang kadaghanan nga hinungdan ang pagkawalay kahadlok sa Dios, kay unsaon man nila pagkahadlok nga wala man sila makaila sa Dios, ni sa mga milagro nga anaa nagalangkob diha sa mga pag-ampo. Ug wala usay kahibalo diha sa mga pag-ampo o proseso sa mga pag-ampo nga pagadunggon sa Amahan.

Nagaingong ang Amahan nga ang tanan nga katawhan dinhi sa kalibutan iya gayud nga nadunggan ang mga pag-ampo, walay tawo dinhi sa kalibutan nga wala niya madungog ang mga pag-ampo, apan dili ang tanan nakadawat sa iyang panalangin kay ang kadaghanan kanila nagaampo anaa alamng sa tumoy sa ilang dila ug wala gayud magagikan sa kasingkasing.

Ang ebanghelyo nagaingon ayaw angina sa pagpakasala ang imong igsoon, sa samang panultihon kun ang imong igsoon makasasala, nan sa kanunay i-ampo ug ihalad siya ngadto sa Amahan kay sa dili pa moabot ang katapusang gutlo sa kinabuhi sa imong igsoon, kun kabubut-on sa Dios Amahan, tawgon gayud ang mao mong igsoon aron ipasilong sa Dios Espiritu Santo, kay Ang Dios Amahan lamang ang adunay gahum sa pagpatig-a ug pagpahumok sa kasingkasing sa matag tawo.