ROMA 9: 1~ 181 Magasulti akog tinuod diha kang Cristo, dili ako magbakak; ang akong tanlag magasaksi kanako diha sa Espiritu Santo, 2nga sa akong kasingkasing aduna akoy dakung kaguol ug walay paghunong nga kasakit. 3Kay arang ko pa gani matinguha ang akong pagkatinunglo ug pagkasinalikway gikan kang Cristo alang sa kaayohan sa akong mga igsoon nga ako rang mga paryenti sa pagkatawo. 4Sila mga Israelinhon, ug nailaha ang pagkainanak, ang kadungganan, ang mga pakigsaad, ang pagkahinatag sa kasugoan ang pagsimba, ug ang mga saad; 5nailaha ang mga patriarca, ug gikan kanila, sa kaliwatan sumala sa pagkatawo, natawo si Cristo nga mao ang Dios nga anaa sa ibabaw sa tanan, dalaygon hangtud sa kahangturan. Amen.
6 Apan dili hinoon nga daw napakyas ang pulong sa Dios. Kay dili ang tanang misanay gikan kang Israel nasakop sa Israel, 7ug dili ang tanan iyang mga anak ni Abraham bisan tuod mga kaliwat sila niya; apan, "Ang pinaagi kang Isaac maoy pagahinganlan nga imong mga kaliwat." 8Sa ato pa, ang mga anak sa Dios dili mao kadtong mga anak pinaagi sa pagkatawo, kondili ang pagaisipon nga iyang mga kaliwat mao kadtong mga anak sumala sa gisaad.
9Kay mao kini ang pulong sa saad, "Sa maong panahon mobalik ako dinhi ug si Sara makabaton ug usa ka anak nga lalaki." 10Ug dili lamang kini ra, kondili usab sa diha nga si Rebeca nagsamkon pinaagi sa usa ka lalaki nga mao ang atong ginikanan nga si Isaac, 11bisan sa wala pa mahimugso ang mga bata ug wala pa sila makahimog bisan unsa, maayo o dautan, aron magapadayon ang katuyoan sa Dios sa pagpamili nga daan, dili pinaagi sa mga buhat kondili pinaagi sa iyang pagtawag,
12siya si Rebeca daan nang giingnan, "Ang magulang magaalagad sa manghud." 13Sumala sa nahisulat, "Si Jacob akong gihigugma, apan si Esau akong gidumtan." 14 Nan, unsa may atong ikasulti? Nga wala ang hustisya diha sa Dios? Palayo kana! 15Kay siya nagaingon kang Moises, "Magakalooy ako kanila nga akong pagakaloy-an, ug magamapuanguron ako kanila nga akong pagahatagan sa puangod." 16Busa magaagad diay kini dili sa kabubut-on sa tawo o sa iyang paningkamot, kondili sa kalooy sa Dios.
17Kay ang kasulatan nagaingon kang Faraon, "Gipatindog ko ikaw aron nga pinaagi kanimo ikapadayag ang akong gahum, aron ang akong ngalan ikasangyaw diha sa tibuok nga yuta." 18Busa ang Dios may kalooy kang bisan kinsa sumala sa iyang pagbuot, ug siya nagapatig-a sa kasingkasing ni bisan kinsa sumala sa iyang pagbuot.
PAGPAAMBIT SA MENSAHE:
Ang maong mensahe nagpasabot nga ang mga pinili sa Dios gikan pa sa panahun ni Moises hantod sa panahun sa mga apostoles ni Jesu Cristo ug hangtod niining panahuna, daghan gayud kayo ug daw sama sa balas sa baybayun nga dili maihap. Daghan mga pagtulun-an karon nga nagsangpit ug nagawali sa ngalan ni Jesu Cristo apan pipila kanila nagsangyaw isip panginabuhi diin ilang gibaligya ang mga balaang pulong sa Diyos Amahan. Ilang gihimong negosyo ang ilang pagtulon-an nga gibarugan ingon man ang ilang simbahan o templo mismo.
Bulahan ang mga katawhan nga nagpakabana ug nagsunod sa hingpit sa kabubut-on sa Dios kay mahatagan ug hataas nga kinabuhi. Apan kadtong mga katawhan nga nagduhaduha sa pagsunod sa kabubut-on sa Dios , basin ug kawad-an niini.
Ang mga pinili nga katawhan sa Dios wala magpasabot kay sila gipili maglingkod na lamang ug maghulat sa pagbalik sa Dios aron paghukom kanatong tanan. Pagalutoson gayod kamo diin nagkalainlaing pagsuway ang inyong masinati diha sa inyong kaugalingon, sa inyong kumunidad o sa pagtulon-an nga gibarugan. Kini aron sa pagsuta kun asa kutob ang inyong kaligdong ug pagsunod sa kabubut-on sa Dios. Diin daw sama kamo sa bulawan nga mosiga ug mokinlaw sa kanunay nga pag-ganggang sa init.
Nagpadayag ang Dios nga ang mga pinili nya nga katawhan kanunay gayud makasinati sa mga paglutos ug mga kasakitan, diin mao na kini ang dalan nga tunukon, higpit ug batohon diha sa atong pagpanlimbasog, mao na kini ang dalan sa himaya sa langit diin gamay ra ang nakakita ug nagaagi niini. Ang dalan paingon sa kalaglagan sa inyong mga sala anaa lang kini sa palibot diin magahob, masadya ug daghan ang nagaagi niini, apan swerte pa sila mga igsoon kay inosente pa sila sa kamatuoran ug aduna pay pasensya ang Diyos alang kanila, apan ang mga tawo nga nasayud sa tinagong kamatuoran ug motalikod niini nan wala na gayud silay kapasaylo-an sa ilang mga sala.
6 Apan dili hinoon nga daw napakyas ang pulong sa Dios. Kay dili ang tanang misanay gikan kang Israel nasakop sa Israel, 7ug dili ang tanan iyang mga anak ni Abraham bisan tuod mga kaliwat sila niya; apan, "Ang pinaagi kang Isaac maoy pagahinganlan nga imong mga kaliwat." 8Sa ato pa, ang mga anak sa Dios dili mao kadtong mga anak pinaagi sa pagkatawo, kondili ang pagaisipon nga iyang mga kaliwat mao kadtong mga anak sumala sa gisaad.
9Kay mao kini ang pulong sa saad, "Sa maong panahon mobalik ako dinhi ug si Sara makabaton ug usa ka anak nga lalaki." 10Ug dili lamang kini ra, kondili usab sa diha nga si Rebeca nagsamkon pinaagi sa usa ka lalaki nga mao ang atong ginikanan nga si Isaac, 11bisan sa wala pa mahimugso ang mga bata ug wala pa sila makahimog bisan unsa, maayo o dautan, aron magapadayon ang katuyoan sa Dios sa pagpamili nga daan, dili pinaagi sa mga buhat kondili pinaagi sa iyang pagtawag,
12siya si Rebeca daan nang giingnan, "Ang magulang magaalagad sa manghud." 13Sumala sa nahisulat, "Si Jacob akong gihigugma, apan si Esau akong gidumtan." 14 Nan, unsa may atong ikasulti? Nga wala ang hustisya diha sa Dios? Palayo kana! 15Kay siya nagaingon kang Moises, "Magakalooy ako kanila nga akong pagakaloy-an, ug magamapuanguron ako kanila nga akong pagahatagan sa puangod." 16Busa magaagad diay kini dili sa kabubut-on sa tawo o sa iyang paningkamot, kondili sa kalooy sa Dios.
17Kay ang kasulatan nagaingon kang Faraon, "Gipatindog ko ikaw aron nga pinaagi kanimo ikapadayag ang akong gahum, aron ang akong ngalan ikasangyaw diha sa tibuok nga yuta." 18Busa ang Dios may kalooy kang bisan kinsa sumala sa iyang pagbuot, ug siya nagapatig-a sa kasingkasing ni bisan kinsa sumala sa iyang pagbuot.
PAGPAAMBIT SA MENSAHE:
Ang maong mensahe nagpasabot nga ang mga pinili sa Dios gikan pa sa panahun ni Moises hantod sa panahun sa mga apostoles ni Jesu Cristo ug hangtod niining panahuna, daghan gayud kayo ug daw sama sa balas sa baybayun nga dili maihap. Daghan mga pagtulun-an karon nga nagsangpit ug nagawali sa ngalan ni Jesu Cristo apan pipila kanila nagsangyaw isip panginabuhi diin ilang gibaligya ang mga balaang pulong sa Diyos Amahan. Ilang gihimong negosyo ang ilang pagtulon-an nga gibarugan ingon man ang ilang simbahan o templo mismo.
Bulahan ang mga katawhan nga nagpakabana ug nagsunod sa hingpit sa kabubut-on sa Dios kay mahatagan ug hataas nga kinabuhi. Apan kadtong mga katawhan nga nagduhaduha sa pagsunod sa kabubut-on sa Dios , basin ug kawad-an niini.
Ang mga pinili nga katawhan sa Dios wala magpasabot kay sila gipili maglingkod na lamang ug maghulat sa pagbalik sa Dios aron paghukom kanatong tanan. Pagalutoson gayod kamo diin nagkalainlaing pagsuway ang inyong masinati diha sa inyong kaugalingon, sa inyong kumunidad o sa pagtulon-an nga gibarugan. Kini aron sa pagsuta kun asa kutob ang inyong kaligdong ug pagsunod sa kabubut-on sa Dios. Diin daw sama kamo sa bulawan nga mosiga ug mokinlaw sa kanunay nga pag-ganggang sa init.
Nagpadayag ang Dios nga ang mga pinili nya nga katawhan kanunay gayud makasinati sa mga paglutos ug mga kasakitan, diin mao na kini ang dalan nga tunukon, higpit ug batohon diha sa atong pagpanlimbasog, mao na kini ang dalan sa himaya sa langit diin gamay ra ang nakakita ug nagaagi niini. Ang dalan paingon sa kalaglagan sa inyong mga sala anaa lang kini sa palibot diin magahob, masadya ug daghan ang nagaagi niini, apan swerte pa sila mga igsoon kay inosente pa sila sa kamatuoran ug aduna pay pasensya ang Diyos alang kanila, apan ang mga tawo nga nasayud sa tinagong kamatuoran ug motalikod niini nan wala na gayud silay kapasaylo-an sa ilang mga sala.
No comments:
Post a Comment