Ang Pagkunsad Sa Espiritu Santo

BUHAT 2: 2~13

1 Ug sa pag-abut na sa adlaw sa Pentecostes, silang tanan nagkatigum sa usa ka dapit. 2Ug sa kalit may miabut nga dahunog gikan sa langit ingon sa huros sa makusog nga hangin, ug kini mipuno sa tibuok balay diin didto sila nanaglingkod. 3Ug dihay mipakita kanila nga mga dila nga daw kalayo, nga nagtinagsaay sa pagpatong sa ibabaw sa matag-usa kanila. 4Ug silang tanan napuno sa Espiritu Santo ug misugod sila sa pagsulti sa nagkalainlaing mga pinulongan, sumala sa ipalitok kanila sa Espiritu.

5 Ug didto sa Jerusalem may nanagpuyo nga mga Judio, mga tawong masimbahon gikan sa tanang kanasuran ubos sa langit. 6Ug sa nabanha na, ang kadaghanan nanagpanugok ug sila nangalibog kay ang matag-usa nakadungog man sa mga apostoles nga naglitok sa pinulongan sa matag-usa nga nakadungog. 7Ug sila nahingangha ug nahibulong, nga nanag-ingon, "Tan-awa ra, dili ba mga Galileanhon man kini silang tanan nga nanagpanulti? 8Ug naunsa ba nga ang tagsatagsa kanato nakadungog man kanila nga nagasulti sa atong matag-kaugalingong pinulongan nga natawhan?

9Kitang mga taga-Partia, ug mga taga-Media, ug mga taga-Elam, mga molupyo sa Mesopotamia, Judea ug Capadocia, Ponto ug Asia, 10Frigia ug Panfilia, Egipto ug sa kayutaan sa Libya nga sakop sa Cirene, ug mga domoluong gikan sa Roma, mga Judio ug mga kinabig, 11mga taga-Creta ug mga taga-Arabia--kitang tanan pinaagi sa atong matag-kaugalingong mga sinultihan nakadungog kanila nga nagasugilon mahitungod sa kahibulongang mga buhat sa Dios." 12Ug ang tanan nahingangha ug nangalibog nga nanag-ingon sa usa ug usa, "Unsa man kahay buot ipasabut niini?" 13Apan dihay nanag-ingon agig bogalbugal, "Kana sila nangabasdak sa tam-is nga bino."

PAGPAAMBIT SA MENSAHE:

Ang maong mensahe nagpasabot sa mga milagro sa Dios Espiritu Santo diin kini nagpasabot nga walay gipili nga lugar o oras diin ipakita sa Dios ang iyang katuyo-an pinaaggi sa pasulti sa mga buhing pulong diin bisag unsa nga pinulongan makaistorya ang maong espiritu kay ang tanan dinhi sa ibabaw sa kalibutan iya man sa Dios.

Giya sa mga katawhan sa Dios nga nagatoo ug nagasimba sa hugot . Diha sa mga ordinaryo nga tawo mahimong mokunsad ang espiritu santo kun nakabalaan sila . Ang mga propeta sa panahun gikan ni Moises , ug ni Jesu Cristo, maoy usa ka ehemplo sa pagkunsad sa espiritu santo sa Dios diin ang maong mga propeta nagsangyaw sa mga buhing pulong sa kamatuoran.

Niining bag-ong panahun nagpadayun ang maong mga milagro bahin sa pagkunsad sa espiritu santo diin daghan na usab ang mga mini nga pagtulon-an nga naglibot diha sa kristuhanon nga pagtoo. Daghan ang nalingla diin kadaghana sa maong mga espiritu iya na sa mga Dios-dios diin lain na ang gisimba ang kaaway na sa Dios. Apan bulahan ang nakaplag sa matuod nga pagtulon-an diin iya gayud sa Dios ug sa espiritu santo kay makikita niya ang kahimayaan sa Dios sa langit.