Walay Tawo Nga Matarong

Roma 3: 9~20

9 Nakabintaha ba diay ta? Wala! Kay napadayag na nato nga ang tanan, Judio o dili Judio, gigamham sa sala. 10 Sumala sa giingon sa Kasulatan: Walay tawo nga maayo, bisag usa, 11 walay nakasabot walay nangita sa Diyos. 12 Ang tanan nasaag ug nadaotan. Walay nagbuhat og maayo.

13 Ang ilang tutonlan abli nga lubnganan, ang pulong limbong. 14 Ang ngabil nagtagog hilo sa bitin. Gikan sa baba nagpungasi ang bangis nga balikas. 15 Modagan sila ngadto diin makapabuhagay silag dugo ug 16 magbiyag kaparotan ug kaalaot. 17 Wala sila makaila sa dalan sa kalinaw, 18 wala silay kahadlok sa Diyos.

19 Karon nahibawo ta nga ang gisulti sa Kasulatan, gisulti ni alang sa mga tawo sa Balaod, sa mga Judio. Magpakahilom unta sila ug moila nga ang tibuok kalibotan sad-an atubangan sa Diyos. 20 Dugang pa, walay tawo nga maangayan atubangan sa Diyos kon magpabilin lang ta sa pagtuman sa Balaod. Kay ang Balaod kutob ra sa pagpadayag sa
sala.

PAGPAAMBIT SA MENSAHE:

Ang maong mensahe nagpasabot sa pagkamakasasala sa tawo, diin matod pa sa balaang kasulatan mentras naglinabuhi pa ang tawo pirmi gayod kining makasala ug gikinahangalang gayud ang kanunay nga paghinulsol pag-ampo ug pakig-estorya sa Dios aron malimpyuhan pirmi ang imong mga kasal-anan.

Lisod gayud ang pagsulod sa gingharian sa Dios sa kanatong mga katawhan, kay ginaingon sa balaang kasulatan nga gawas kun ang tawo i-anak pag-utro ug nga mahimo siyang bata nan maglisod siya sa pagsulod sa gingharian sa Dios. Kay ang mga bata nga inosente ang ilang anghel nga magbalantay anaa gayud nagalingkod sa atubangan sa Dios Amahan.

Kun mahihimo nimong kalawaton o dawaton Ang Dios Jesu Cristo nga sama ka sa usa ka bata nan masayun kanimo ang pagsulod sa gingharian sa Dios. Nga sa ato pa sama ka ka inosente sa usa ka bata diha sa mga tawhanon nga kailbgon o mga tawhanon nga bisyo, diin maoy isentro kanunay a imong hunahuna ug kasingkasing ang mga pagtulon-an sa Dios espirito santo nan aduna kay luna diha sa gingharian sa Dios.