MARCOS 12: 13 ~ 2728 Ug miduol ang usa sa mga escriba ug nakadungog kanila nga naglantugi, ug sa iyang pagkakita nga maayo ang pagkatubag niya kanila, siya nangutana kaniya, "Unsa man ang sugo nga una sa tanan?" 29Si Jesus mitubag nga nag-ingon, "Ang sugo nga una sa tanan mao kini: `Patalinghugi, O Israel: Ang Ginoo nga atong Dios, ang Ginoo usa ra;
30ug higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan, ug sa tibuok mong kusog. 31Ang ikaduha mao kini: `Higugmaa ang imong silingan sama sa imong kaugalingon.` Wala nay laing sugo nga labi pang daku niini kanila." 32Ug ang escriba miingon kaniya, "Husto kana, Magtutudlo; tinuod ang imong giingon nga ang Dios usa ra, ug nga wala nay lain gawas kaniya;
33ug ang paghigugma kaniya sa tibuok nga kasingkasing, ug sa tibuok nga salabutan, ug sa tibuok nga kusog, ug ang paghigugma sa silingan sama sa kaugalingon, kini labaw pa kaayo kay sa tanang tibuok nga mga halad-sinunog ug mga halad-inihaw. 34Ug si Jesus, sa pagkakita niya kaniya nga mitubag nga maalamon, miingon kaniya, "Ikaw dili halayo sa gingharian sa Dios." Ug sukad niadto wala nay nangahas pa sa paghimog mga pagpangutana kaniya.
PAGPAAMBIT SA MENSAHE:
Ang maong mensahe nagpasabot sa mga napulo ka kasugo-an sa Dios diin gihatag kini ni Moises niadtong unang panahun pinaagi sa duha ka tinabliyang bato ug ang maong kasugo-an mamahimo lamang duha, una mao ang paghigugma sa Dios labaw sa tanan ug ikaduha mao ang paghigugma sa atong isigkatawo sama sa paghigugma sa atong kaugalingon, Apan kun nasupak nimo ang usa sa duha ka kasuo-an nan sama ra sa nasupak nimo ang tanan nga kaugo-an sa Dios.
Ang maong mga kasugo-an sa Dios nagpasabot kini sa usa lamang ka butang, nga mao ang gugma. Kini mao ang ipatigbabaw sa tanan nga katawha sa Dios aron adunay pagdinaitay ug aron mas madali ang pag-angkon sa himaya sa Dios. Mao usab kini ang hiyas sa espiritu santo sa Dios diin nagpasabut kini sa pagsul-ob sa hiyas nga iya ni Jesu Cristo.
No comments:
Post a Comment