Mihilak Si Jesus

JUAN 11: 28~37

28Ug sa nakasulti na siya niini, siya miadto ug iyang gitawag si Maria nga iyang igsoon ug sa tago gisultihan niya nga nag-ingon. "Nia ang Magtutudlo, ug gipatawag ikaw niya." 29Sa pagkadungog niya niini, siya midali pagtindog ug miadto kaniya. 30Ug si Jesus wala pa mahiabut sa balangay, kondili didto pa siya sa dapit diin gikasugat niya si Marta.

31Unya ang mga Judio nga didto sa balay uban kang Maria sa paglipay kaniya, sa ilang pagkakita kaniya nga midali pagtindog ug migula, misunod kaniya nga nanagdahum nga moadto siya sa lubong aron sa paghilak didto. 32Ug sa iyang paghiabut sa dapit diin didto si Jesus, ug iyang nakita siya, si Maria mihapa sa iyang tiilan ug miingon kaniya, "Ginoo, kon dinhi pa ikaw dili unta mamatay ang akong igsoon."

33 Sa pagkakita ni Jesus kaniya nga naghilak, ug sa mga Judio nga nangabut uban kaniya nga nanaghilak usab, siya miluom diha sa iyang espiritu ug naguol. 34Ug siya nangutana kanila, "Hain ba ninyo siya ibutang?" Ug sila miingon kaniya, "Ginoo, aria ug tan-awa." 35Ug si Jesus mihilak. 36Busa ang mga Judio nanag-ingon, "Tan-awa, pagkadaku gayud sa iyang paghigugma kaniya!" 37Apan diha kanilay nanag-ingon, "Dili ba kini siya nga maoy nakapabuka sa mga mata sa buta, makahimo usab unta aron dili mamatay si Lazaro?"

;

PAGPAAMBIT SA MENSAHE:

;

Ang maong mensahe nagpasabot sa kahimuan sa Diosnong pagtoo diin gipasinati sa Dios Amahan sa nga sumusunod ni Jesu Cristo ang milgro ug Diosnong gahum sa iang bugtong anak. Diin kanunay ang mga katawhan nga nagpakakita nagduhaduha ug sa dapit sa mga pariseo usab sila nagagot kay lagi may komptensya naman unya sila mga magtotoo.

;

Gusto lamang ipamatuod sa Amahang Dios ang pagtulon-an nga gibarugan ni Jesu Cristo nga pinaagi sa hingpit nga pagtoo ug tim-os nga kasingkasing kanunay gayud ang Dios maga-uban. Matud pa sa balaang kasulatan kun adunay pagtoo sama kadako sa liso sa mustasa nan mahimo nga makapisbog sa dako nga bukid. Bulahan ang mga katawhan nga nagatoo sa hingpit bisan wala makakita samga milagro sa Dios.

;

Ang pinili nga katawhan sa Dios maoy pinatikan sa Dios espiritu santo diin kanunay gayud kining makasinati sa pagsulay diha sa ilang komunidad, o sa pagtolun-an nga gibarugan. Kanunay silang makasinati sa kalayo sa mga pagsulay, susama sa bulawan nga magasinaw ug mokilab sa kanunay nga pagganggang sa init.