14Ug sa gitawag niya ang tanang katawhan ngadto kaniya, siya miingon kanila: Magpatalinghug kamong tanan kanako, ug sumabut. 15Walay bisan unsa sa gawas sa tawo, nga, kong makasulod kaniya ang makahugaw kaniya, apan kadtong mga butang nagagula kaniya mao ang magapahugaw sa tawo.
16Ang may igdudungog sa pagpatalinghug, magpatalinghug. 17Ug sa nakasulod sa balay gikan sa panon sa katawhan, nanagpangutana kaniya ang iyang mga tinon-an nahatungod sa sambingay. 18Ug siya miingon kanila: Ingon ba usab kamo niana nga walay mga salabutan? Wala ba kamo makasabut nga bisan unsa gikan sa gawas nga makasulod sa tawo dili makahugaw kaniya; 19Kay wala makasulod sa iyang kasingkasing, kondili sa tiyan ug nagagula sa dapit nga hilit?
Kini giingon niya, nga nagahimong malinis sa tanang makaon. 20Ug siya miingon: Ang nagagula sa tawo, kana makahugaw sa tawo. 21Kay gikan sa sulod sa kasingkasing sa mga tawo manggula ang mga mangil-ad nga mga hunahuna: ang mga pagpakighilawas, ang mga pagpangawat, ang mga pagbuno, ang mga pagpanapaw, 22Ang mga kahikaw, ang mga pagkadautan, ang paglimbong, ang kaulag, ang dautang tinan-awan, ang pagpasipala, ang pagpalabilabi, ang binuang; 23Nga tanan kining dautan nga mga butang sa sulod nagagikan, ug makahugaw sa tawo.
PAGPAAMBIT SA MENSAHE
16Ang may igdudungog sa pagpatalinghug, magpatalinghug. 17Ug sa nakasulod sa balay gikan sa panon sa katawhan, nanagpangutana kaniya ang iyang mga tinon-an nahatungod sa sambingay. 18Ug siya miingon kanila: Ingon ba usab kamo niana nga walay mga salabutan? Wala ba kamo makasabut nga bisan unsa gikan sa gawas nga makasulod sa tawo dili makahugaw kaniya; 19Kay wala makasulod sa iyang kasingkasing, kondili sa tiyan ug nagagula sa dapit nga hilit?
Kini giingon niya, nga nagahimong malinis sa tanang makaon. 20Ug siya miingon: Ang nagagula sa tawo, kana makahugaw sa tawo. 21Kay gikan sa sulod sa kasingkasing sa mga tawo manggula ang mga mangil-ad nga mga hunahuna: ang mga pagpakighilawas, ang mga pagpangawat, ang mga pagbuno, ang mga pagpanapaw, 22Ang mga kahikaw, ang mga pagkadautan, ang paglimbong, ang kaulag, ang dautang tinan-awan, ang pagpasipala, ang pagpalabilabi, ang binuang; 23Nga tanan kining dautan nga mga butang sa sulod nagagikan, ug makahugaw sa tawo.
PAGPAAMBIT SA MENSAHE
Kini nga mensahe nagpahinumdum sa tinawhanon nga sinultihan nga nakanayun, “Ang tawo nga sige ug panghunaw sa iyang kamot dili ang kamot maoy hugaw kun dili ang iyang huna-huna”.
Ang espirituhanon nga pagtulun-an nagpasabot nga ang makahugaw sa tawo diha sa mata sa Dios nga Makagagahum dili ang unsa man nga materyal o pagkaon nga misulod sa iyang tiyan o lawas, kay ang tanan nga pagkaon dinhi sa kalibutan adunay panalangin sa Dios sumala sa iyang kabubut-on.
Ang makahugaw sa tawo mao ang iyang daotan nga binuhatan nga nagagikan mismo sa iyang kasingkasing ug mogawas sa iyang huna-huna ug sa iyang baba. Ang balaang kasulatan nagpadayag nga sa pag-abot ni Jesu-Cristo dinhi sa kalibutan iyang gipagdayag nga ang tawo makahimo ug sala pinaagi sa tulo ka aspeto, sa hunahuna, sa pulong ug sa buhat.
Kun maghari sa atong hunahuna ang mga tawhanon ug daotan nga hiyas sama sa pagkagarboso, hilabtonon, palaaway, mangingilad, palahubog ug uban pang salawayon ug dautan nga binuhatan , hugaw kita diha sa mata sa Dios kay itom man ang atong kasingkasing ug daotan ang atong binuhatan,
Apan kun ipahari nato ang Espirito Santo diha sa atong kaugalingon, diin puno sa pasensya, pailob, ug pagtahud sa Dios, limpyo ug putli ang atong kasingkasing diha atubangan sa Dios kay gipahari man nato si Jesu-Cristo diha sa atong kaugalingon
No comments:
Post a Comment