Ang Mensahe Mahitungod ni Jesu-Cristo Didto Sa Krus (1 Corintho :2)

Mga igsoon, sa akong Pag-anha aron pagwali sa tinagong kamatuoran gikan sa Dios wala ako maggamit ug lawom nga mga pulong ug dakong kinaadman. 2 Kay sa diha pa ako uban kaninyo gikalimtan ko ang tanang butang uban kang Jesu-Cristo , labi na gayud ang iyang kamatayon sa krus.3 Busa pag-anha ko kaninyo, huyang ako ug nagkurog sa kahadlok 4 ug ang akong pagpanudlo ug pagwali walo ko himoa sa hinashasang mga pulong sa tawhanong kaalam, kon dili sa dili malalis na gahom sa Espiritu sa Dios. 5 Busa ang inyong pagtoo wala magbarog diha sa gahom sa tawo, kondili sa gahom sa Dios.

PAGPAAMBIT SA MENSAHE:

Si Jesu-Cristo mao ang ikaduhang Adan nga nahiabot dinhi sa kalibutan diin nagagikan sa lalang sa Espiritu Santo nga gitisok diha sa sabakan ni Birhen Maria. Kon atong itandi ang tawo ngadto sa Dios layo ra gyud kaayo, nga sa ato pa dili gyud angay ang Dios Jesu Cristo magpakatawo apan tungod sa pagmahal sa Dios Amahan kanatong iyang katawhan , iyang gisugo ang iyang bugtong anak sa pagpakatawo ug magpakamatay aron pagluwas sa atong mga kasal-anan.

Si Jesu-Cristo bisan siya Dios apan wala niya ipamugos ngadto sa katawhan ang iyang pagka Dios, Nagkinabuhi siya nga yano ug sa iyang kaugalingon kabubut-on gibiyaan niya iyang mga katungod ug nahimong usa ka ulipon sa iglesia sa kamatuoran.. Nagpaubos siya ug nagmasinugtanon sa kabubut-on sa iyang Amahan hangtod sa iyang kamatayon diha sa krus. (Filipos 2:5~8)

Gipasidunggan sa Dios Amahan si Jesu Cristo sa mao niyang kadaugan sa maong tahas , diin gibayaw ang iyang tawhanong nga lawas didto sa kalangitan, ug nabanhaw siya nga naglingkod sa too sa trono Dios nga Amahan. Busa mangluhod ang tanan binuhat nga atua sa langit, dinhi sa yuta ug sa ilawom sa yuta nga magsimba sa ngalan ni Jesus Cristo. (Filipos 2 :10~11)

Gisangyaw kini nga mga pagtulun-an ginamit ang Espirituhanon nga kaalam kay ang pagtoo ug ang pagsunod sa kabubut-on ug kasugo-an sa Dios dili tawhanon kon dili iya gayod sa Dios.