1 Busa, sanglit namatarung man kita pinaagi sa pagtoo, kita may pakigdinaitay na sa Dios pinaagi sa atong Ginoong Jesu-Cristo. 2Pinaagi kaniya nakabaton kitag agianan paingon niining maong grasya nga atong gibarugan, ug kita nagakalipay sa atong paglaum sa pakig-ambit sa himaya sa Dios.
3Labaw pa niini, nagakalipay kita bisan sa atong mga kasakit, sanglit nasayud man kita nga ang kasakit mohimog pagkamainantuson, 4ug ang pagkamainantuson mohimog kalig-on, ug ang kalig-on mohimog paglaum; 5ug ang paglaum dili mopahigawad kanato kay ang gugma sa Dios gikahuwad man nganhi sa atong mga kasingkasing pinaagi sa Espiritu Santo nga gikahatag kanato.
6 Samtang mga maluya pa kita, sa gitagal nga panahon si Cristo nagpakamatay alang sa mga dili Diosnon. 7Talagsa ra nga adunay magpakamatay alang sa uban, bisan pa alang sa usa ka tawong matarung, hinoon aduna gayud kahay mangako sa pagpakamatay alang sa usa ka maayong tawo. 8Apan ang Dios nagapadayag sa iyang gugma alang kanato pinaagi niini, nga bisan sa mga makasasala pa kita si Cristo nagpakamatay alang kanato. 9Ug kay namatarung na man kita karon pinaagi sa iyang dugo, labi pang luwason kita pinaagi kaniya gikan sa kapungot sa Dios.
10Kay kon sa diha nga mga kaaway pa kita sa Dios, kita gipasig-uli ngadto sa Dios pinaagi sa kamatayon sa iyang Anak, nan, karon nga napasig-uli na kita, labi pang luwason kita pinaagi sa iyang kinabuhi. 11Ug dili lamang kay kini ra, kondili nga nagakalipay usab kita diha sa Dios pinaagi sa atong Ginoong Jesu-Cristo, pinaagi kang kinsa nakadawat kita karon sa pagkapinasig-uli.
PAGPAAMBIT SA MENSAHE:
3Labaw pa niini, nagakalipay kita bisan sa atong mga kasakit, sanglit nasayud man kita nga ang kasakit mohimog pagkamainantuson, 4ug ang pagkamainantuson mohimog kalig-on, ug ang kalig-on mohimog paglaum; 5ug ang paglaum dili mopahigawad kanato kay ang gugma sa Dios gikahuwad man nganhi sa atong mga kasingkasing pinaagi sa Espiritu Santo nga gikahatag kanato.
6 Samtang mga maluya pa kita, sa gitagal nga panahon si Cristo nagpakamatay alang sa mga dili Diosnon. 7Talagsa ra nga adunay magpakamatay alang sa uban, bisan pa alang sa usa ka tawong matarung, hinoon aduna gayud kahay mangako sa pagpakamatay alang sa usa ka maayong tawo. 8Apan ang Dios nagapadayag sa iyang gugma alang kanato pinaagi niini, nga bisan sa mga makasasala pa kita si Cristo nagpakamatay alang kanato. 9Ug kay namatarung na man kita karon pinaagi sa iyang dugo, labi pang luwason kita pinaagi kaniya gikan sa kapungot sa Dios.
10Kay kon sa diha nga mga kaaway pa kita sa Dios, kita gipasig-uli ngadto sa Dios pinaagi sa kamatayon sa iyang Anak, nan, karon nga napasig-uli na kita, labi pang luwason kita pinaagi sa iyang kinabuhi. 11Ug dili lamang kay kini ra, kondili nga nagakalipay usab kita diha sa Dios pinaagi sa atong Ginoong Jesu-Cristo, pinaagi kang kinsa nakadawat kita karon sa pagkapinasig-uli.
PAGPAAMBIT SA MENSAHE:
Ang tawo maoy pinakaulahi nga binuhat sa Dios, sa ato pa namugna na nya ang tanang butang ayha niya buhata ang tawo gikan sa abog. Gihimo nya ang tawo nga susama sa replika sa Dios diin adunay husto ang kaalam ug kabuot, ug mao ang pinakaintelihente nga gibuhat sa Dios.
Ang pagpakamatay ni Jesus-Cristo sa Krus maoy usa ka sakripisyo sa iyang kaugalingon tungod ug alang sa kaluwasan sa kanatong mga katawhan nga makasasala, Ang Dios Amahan mao mismo ang nagsugo sa iyang anak sa pagkinabuhi sama sa ordinaryong tawo ug magsakripisyo aron maluwas kita diha sa atong mga sala.
Mahal ang bayad o lukat kanato sa Dios sa atong mga kasal-anan, ug sa pagkamatay ni Jesu-Cristo naluwas kita sa atong mga sala ug sa ingon dili na kita ang tag-iya sa atong lawas ang Dios makagagahum na.
Ang hingpit nga kaluwasan sa atong kalag mao ang pagsunod kang Jesu-Cristo ug pagtuman sa kabubut-on sa Dios nga sa ato pa isul-ob nato ang kinabuhi nga Kristohanon nga tugob sa pag-paubos, pag-ampo, pagpasiyansa ug paglikay sa pagpakasala. Ginaingon nga walay moadto sa Dios Amahan kun dili moagi sa Dios nga Anak ug ang nagatoo kang Jesu Cristo isip Dios nga anak ngatoo usab sa Dios Amahan ug sa Dios nga Espirito Santo.
No comments:
Post a Comment