21Nan, ang kasugoan kasupak ba diay sa mga saad sa Dios? Dili gayud; kay kon may gikahatag pang kasugoan nga arang makapabuhi, nan, ang pagkamatarung mapinaagi gayud unta sa kasugoan. 22Apan sa ilalum sa sala gipabilanggo sa kasulatan ang tanang butang, aron ang gisaad nga pinasikad sa pagtoo kang Jesu-Cristo ikahatag ngadto kanila nga nanagpanoo.
23Karon sa wala pa moabut ang pagtoo, kita gibilanggo ilalum sa kasugoan, pinugngan hangtud nga ang pagtoo igapadayag. 24Busa ang kasugoan nahimong atong magtatagad sa pag-agak ngadto kang Cristo, aron kita pagamatarungon pinasikad sa pagtoo. 25Apan karon nga ang pagtoo miabut na, wala na kita mailalum sa magtatagad; 26kay diha kang Cristo Jesus kamong tanan nahimo na mang mga anak sa Dios pinaagi sa pagtoo. 27Kay ang tanan kaninyo nga gibautismohan ngadto kang Cristo gikasul-uban ug Cristo.
28Walay Judio ni Gresyanhon, walay ulipon ni gawas, walay lalaki ni babaye; kay kamong tanan usa ra diha kang Cristo Jesus. 29Ug kon kamo mga iya ni Cristo, nan, kamo kaliwat ni Abraham, mga manununod sumala sa saad.
PAGPAAMBIT SA MENSAHE:
Ang Balaod sa Dios gimugna aron kitang mga sumosunod sa kamatuoran makamata sa atong mga kalapasan. Nilain ang balaod sa Dios kay kini nagasubay man sa iyang kabubut-on ug pamaagi. Sa panahon ni Adan ug sa panahon ni Moises may mga kasugoan nga nahimomg panag-ingnan sa balaod sa mga katawhan nga nag sunod sa kabubut-on ni Yahweeh.
Apan daghan usab ang mga pariseo o kaparian niadtong panahuna nga nagbutang ug mga kasugoan isip dugang sa naandan nga kasugoan o balaod nga walay panalangin sa Dios Amahan, diin giusa nila diha sa mga balaod ang kasugoan sa ilang gobyerno ug ang iyaha sa Dios, diin daghan ang gidili diha sa mga kalan-on ug mga pamatasan apil na nini ang lahi-lahi nga pamaagi sa paghalad. Ang mga mapagarbohon nga tawo ilang gihimo ang pagtuman sa kabubut-on sa Dios isip usa ka tulumanon nga nagpaabot ug ganti o pasidungog sa Dios.
Sa paghiabot ni Jesu-Cristo iyang gipaklaro o gihubad ang mga balaod ug pagtulun-an sa Amahang Dios. Giluwas kita niya sa sala nga panalundon pinaagi sa pagpalansang diha sa Krus ug sa ingon si Jesu Cristo na ang tag-iya sa atong lawas. Ang kasugoan nag-ingon nga kun motoo kita kang Jesu Cristo ug atong ihalad ang atong kaugalingon diha kaniya pinaagi sa hugot nga pag-ampo ug pagtoo maga-uban siya kanunay kanato ug aduna unya kita luna didito sa Ganghaan sa langit.
No comments:
Post a Comment