13 Ug ngadto sa mga Fariseo ilang gidala ang tawo nga kaniadto buta. 14Ug adlaw kadto nga igpapahulay sa pagmasa ni Jesus sa lapok ug sa pagpabuka sa iyang mga mata. 15Ang mga Fariseo nangutana kaniya pag-usab giunsa niya pagpakakita. Ug siya miingon kanila, "Gihidhiran lagi niyag lapok ang akong mga mata, ug ako nanghilam-os, ug unya makakita na ako."
16Ang pipila sa mga Fariseo miingon, "Kadtong tawhana dili gikan sa Dios kay wala siya magbantay sa adlaw nga igpapahulay." Apan ang uban nanag-ingon, "Unsaon ba sa usa ka tawong makasasala ang pagpakahimog mga milagro nga sama niini?" Ug diha kanilay pagkasumpaki. 17Tungod niini ang tawong buta ila na usab nga gipangutana nga nanag-ingon, "Unsa may imong ikasulti mahitungod kaniya, kay gipabuka man kaha niya ang imong mga mata?"
Siya miingon, "Siya profeta." 18Ang mga Judio wala motoo nga siya miagi pagkabuta ug nga unya makakita na, hangtud nga natawag nila ang mga ginikanan sa tawo nga makakita na, 19ug nangutana sila kanila, "Inyo bang anak kining giingon ninyong nahimugso nga buta? Nan, naunsa ba nga makakita na man siya karon?" 20Ang iyang mga ginikanan mitubag nga nanag-ingon,
"Kami nahibalo nga kini siya mao ang among anak, ug nga siya nahimugso nga buta. 21Apan naunsa nga makakita na man siya karon, kami wala mahibalo; ug wala usab kami mahibalo kinsa ang nagpabuka sa iyang mga mata. Pangutan-a lang siya, kay daku na man siya. Mosulti siya alang sa iyang kaugalingon." 22Giingon niini pagsulti sa iyang mga ginikanan tungod kay sila nahadlok sa mga Judio, kay ang mga Judio ugod nagkasabut na man nga kon adunay moingon nga si Jesus mao ang Cristo siya palagputon gikan sa sinagoga23Tungod niini ang iyang mga ginikanan nanag-ingon, "Siya daku na; pangutan-a lang siya ninyo."
24Ug sa ikadula gitawag nila ang tawo nga kaniadto buta ug kaniya miingon sila, "Ang Dios maoy dalayega; kami nahibalo nga kadtong tawhana maoy usa ka makasasala." 25Siya mitubag nga nag-ingon, "Ako wala mahibalo kon siya makasasala ba. Usa ka butang nga akong nahibaloan mao kini, nga kaniadto buta ako apan karon makakita na ako." 26Ug sila miingon kaniya, "Unsa may iyang gibuhat kanimo? Giunsa man niya pagpabuka ang imong mga mata?"
27Ug kanila mitubag siya nga nag-ingon, "Gitug-anan ko na kamo, ug wala kamo manimati. Nganong buot man kamong magpatalinghug pag-usab? Buot ba usab kamong mahimong iyang mga tinun-an?" 28Ug siya ilang gipasipalahan ug sulti, nga nanag-ingon, "Ikaw tinun-an niya, apan kami mga tinun-an ni Moises 29Kami nasayud nga ang Dios nakigsulti kang Moises, apan bahin niining tawhana, ambut tagadiin kini siya."
30Ug ang tawo mitubag nga nag-ingon, "Kahibulongan gayud kini kaayo! Wala kamo masayud kon tagadiin siya, apan gipabuka niya ang akong mga mata. 31Nahibalo kita nga ang Dios dili manimati sa mga makasasala, apan kon ang usa ka tawo masimbahon sa Dios ug nagatuman sa iyang kabubut-on, ang Dios magapamati kaniya.
32Sukad sa sinugdan sa kalibutan, wala pa gayud igdungog nga dihay nakapabuka sa mga mata sa usa ka tawong nahimugso nga buta. 33Kon kadtong tawhana dili pa gikan sa Dios, wala unta siyay arang mahimo." 34Kaniya mitubag sila nga nanag-ingon, "Sa tumang kasal-anan natawo ikaw, ug unya mangahas ikaw sa pagpanudlo kanamo?" Ug siya ilang gipalagpot sa gawas.
PAGAAMBIT SA MENSAHE:
Ang mensahe nagpadayag sa kabubut-on sa Dios diin giayo ni Jesu Cristo ang buta nga tawo diin buta na kining daan sukad pa sa pagkabata. Gipakita sa Dios ang milagro aron makahigmata ang mga tawo nga nagduhaduha niini nga pagtulon-an. Gipakita sa Dios ang iyang kabubut-on diin bulahan ang nagatoo ug nagasunod kanunay kaniya kay iya kining luwason bisan diha sa baba sa kamatayon.
Ang mga kaparian niadtong panahuna dili motoo sa maong mga milagro kay para kanila dili iya sa Dios ang gipakita ni Jesu-Cristo tungod kay gawas nga wala sila makaila kang Jesus, nahadlok sad sila nga mawad-an ug sumosunod kay atua naman unya kang Jesu- Cristo nagasunod ang kadaghanan sa katawhan.
Lahi ang pamaagi nga gipakita ni Jesu Cristo bisan sa iyang pagka gamhanan ug pagka Dios, tua siya makigsandurot o makig-uban sa mga tawo nga kabus ug timawa, kay matod pa sa pulong sa Dios Amahan: Ang nagpaubos dinhi sa yuta, ipataas didto sa langit, apan ang nagpahitaas dinhi sa yuta akong ipaubos ug walay luna didto sa langit.
Si Jesu Cristo nagpakita sa mga sumbanan sa pagka sulondon nga kristiyano ug nga iyang gipakita ang pagkinabuhi nga ubos sa espirito santo nga tugob sa kabalaan ug pagpaubos, diin nagpaulipon sya sa iyang mga sumosunod pinaagi sa pagsilbi ug pagwali kanila sa tinago nga kamatuoran
16Ang pipila sa mga Fariseo miingon, "Kadtong tawhana dili gikan sa Dios kay wala siya magbantay sa adlaw nga igpapahulay." Apan ang uban nanag-ingon, "Unsaon ba sa usa ka tawong makasasala ang pagpakahimog mga milagro nga sama niini?" Ug diha kanilay pagkasumpaki. 17Tungod niini ang tawong buta ila na usab nga gipangutana nga nanag-ingon, "Unsa may imong ikasulti mahitungod kaniya, kay gipabuka man kaha niya ang imong mga mata?"
Siya miingon, "Siya profeta." 18Ang mga Judio wala motoo nga siya miagi pagkabuta ug nga unya makakita na, hangtud nga natawag nila ang mga ginikanan sa tawo nga makakita na, 19ug nangutana sila kanila, "Inyo bang anak kining giingon ninyong nahimugso nga buta? Nan, naunsa ba nga makakita na man siya karon?" 20Ang iyang mga ginikanan mitubag nga nanag-ingon,
"Kami nahibalo nga kini siya mao ang among anak, ug nga siya nahimugso nga buta. 21Apan naunsa nga makakita na man siya karon, kami wala mahibalo; ug wala usab kami mahibalo kinsa ang nagpabuka sa iyang mga mata. Pangutan-a lang siya, kay daku na man siya. Mosulti siya alang sa iyang kaugalingon." 22Giingon niini pagsulti sa iyang mga ginikanan tungod kay sila nahadlok sa mga Judio, kay ang mga Judio ugod nagkasabut na man nga kon adunay moingon nga si Jesus mao ang Cristo siya palagputon gikan sa sinagoga23Tungod niini ang iyang mga ginikanan nanag-ingon, "Siya daku na; pangutan-a lang siya ninyo."
24Ug sa ikadula gitawag nila ang tawo nga kaniadto buta ug kaniya miingon sila, "Ang Dios maoy dalayega; kami nahibalo nga kadtong tawhana maoy usa ka makasasala." 25Siya mitubag nga nag-ingon, "Ako wala mahibalo kon siya makasasala ba. Usa ka butang nga akong nahibaloan mao kini, nga kaniadto buta ako apan karon makakita na ako." 26Ug sila miingon kaniya, "Unsa may iyang gibuhat kanimo? Giunsa man niya pagpabuka ang imong mga mata?"
27Ug kanila mitubag siya nga nag-ingon, "Gitug-anan ko na kamo, ug wala kamo manimati. Nganong buot man kamong magpatalinghug pag-usab? Buot ba usab kamong mahimong iyang mga tinun-an?" 28Ug siya ilang gipasipalahan ug sulti, nga nanag-ingon, "Ikaw tinun-an niya, apan kami mga tinun-an ni Moises 29Kami nasayud nga ang Dios nakigsulti kang Moises, apan bahin niining tawhana, ambut tagadiin kini siya."
30Ug ang tawo mitubag nga nag-ingon, "Kahibulongan gayud kini kaayo! Wala kamo masayud kon tagadiin siya, apan gipabuka niya ang akong mga mata. 31Nahibalo kita nga ang Dios dili manimati sa mga makasasala, apan kon ang usa ka tawo masimbahon sa Dios ug nagatuman sa iyang kabubut-on, ang Dios magapamati kaniya.
32Sukad sa sinugdan sa kalibutan, wala pa gayud igdungog nga dihay nakapabuka sa mga mata sa usa ka tawong nahimugso nga buta. 33Kon kadtong tawhana dili pa gikan sa Dios, wala unta siyay arang mahimo." 34Kaniya mitubag sila nga nanag-ingon, "Sa tumang kasal-anan natawo ikaw, ug unya mangahas ikaw sa pagpanudlo kanamo?" Ug siya ilang gipalagpot sa gawas.
PAGAAMBIT SA MENSAHE:
Ang mensahe nagpadayag sa kabubut-on sa Dios diin giayo ni Jesu Cristo ang buta nga tawo diin buta na kining daan sukad pa sa pagkabata. Gipakita sa Dios ang milagro aron makahigmata ang mga tawo nga nagduhaduha niini nga pagtulon-an. Gipakita sa Dios ang iyang kabubut-on diin bulahan ang nagatoo ug nagasunod kanunay kaniya kay iya kining luwason bisan diha sa baba sa kamatayon.
Ang mga kaparian niadtong panahuna dili motoo sa maong mga milagro kay para kanila dili iya sa Dios ang gipakita ni Jesu-Cristo tungod kay gawas nga wala sila makaila kang Jesus, nahadlok sad sila nga mawad-an ug sumosunod kay atua naman unya kang Jesu- Cristo nagasunod ang kadaghanan sa katawhan.
Lahi ang pamaagi nga gipakita ni Jesu Cristo bisan sa iyang pagka gamhanan ug pagka Dios, tua siya makigsandurot o makig-uban sa mga tawo nga kabus ug timawa, kay matod pa sa pulong sa Dios Amahan: Ang nagpaubos dinhi sa yuta, ipataas didto sa langit, apan ang nagpahitaas dinhi sa yuta akong ipaubos ug walay luna didto sa langit.
Si Jesu Cristo nagpakita sa mga sumbanan sa pagka sulondon nga kristiyano ug nga iyang gipakita ang pagkinabuhi nga ubos sa espirito santo nga tugob sa kabalaan ug pagpaubos, diin nagpaulipon sya sa iyang mga sumosunod pinaagi sa pagsilbi ug pagwali kanila sa tinago nga kamatuoran
No comments:
Post a Comment