1 Kamong mga anak, kinahanglan managsugot kamo sa inyong mga ginikanan diha sa Ginoo, kay buhat kini nga matarung. 2"Tumahod ka sa imong amahan ug inahan" (kini mao ang nahaunang sugo nga may saad), 3"aron magamauswagon ikaw ug mataas ang imong kinabuhi dinhi sa yuta."4Ug kamong mga amahan, ayaw ninyo pagsuk-a ang inyong mga anak, kondili matutoon hinoon ninyo sila uban sa pagbansay ug pagpahamatngon gikan sa Ginoo.
PAGPAAMBIT SA MENSAHE:
Kini nga , mensahe naghisgot sa pagtulon-an diin tun-an ang mga anak aron adunay pagtahud sa mga ginikanan ug adunay kahadlok sa Dios, magdako sila nga nagasunod sa kristohanong pagtulon-an.
Daghan usab ang pagsuway sa mga ginikanan diin mahisalaag usab sila sa dalan sa pag-agak sa mga anak, aduna say mga anak nga nahimong giya aron mobalik sa Dios o mobalik sa pagkabut-an ang ilang ginikanan.
Parehas niadtong usa ka pagtulon-an sa us usa ka bag-ong magti-ayon diin bag-o nanganak ang asawa apan walay swerte kay namatay man asawa human sa pagpanganak , buhi ug himsog ang maong bata nga gianak ug lalake kini.
Ang amahan dili makadawat sa kamatayon sa iyang asawa diin iyang gipakasala ang bag-ong anak nga maoy hinungdan sa pagkamatay sa inahan. Naglakaw ang mga tuig diin nagtubo ang anak nga kanunay makatilaw ug kasaba ug kulata sa amahan nga nahimong palahubog ug iresponsable tungod sa pagka disperado.
Ang anak nagtubo nga dunay talagsaong hiyas, masinaboton sa iyang amahan ug matinahuron ug mahadlokon sa Dios, sa iyang pag eskwela sa elementarya naningkamot siya sa pag-edukar sa iyang kaugalingon, nagtrabaho siya matag Sabado ug Domingo pinaagi sa pagbaligya ug newspaper ug paglimpya butas o "shine shoes" , ug gitigom niya ang iyang kuwarta, gisulod nya sa alkansiya o lugi-an.
Hangtod usa kaadlaw gikastigo na sad sa Amahan ang iyang anak, gipahapa sa bangko ug gibakos, ug naputol gayud ang bakos sa amahan sa sige ug bunal sa anak. Pagkasunod adlaw birthday sa amahan, ang anak kay may bo-ot na man , diyes (10) anyos na, gibuak sa anak ang iyang alkansya aron pagpalit ug regalo sa iyang amahan nga palahubog.
Sa dihang gihatag na sa anak ang regalo ug giablihan sa amahan kay lagi maayo man ang bo-ot sa amahan niadtong tungora wa man kainom, nakurat ug nasiga ang mata sa amahan kay ang giregalo sa iyang anak mao man ang bakos nga pareha gyud ug disenyo sa bakos sa amahan nga naputol sa pagkastigo sa anak. Ug matud pa sa anak nga iyang giilisan ang bakos sa iyang amahan kay siya daw nakaingon nga naputol ang daan nga bakos ,
Nakahilak ang amahan sa kaluoy sa anak ug siya nahigmata nga luyo sa iyang pagdagmal ug paglutos sa iyang anak, wala diay kini magdumot kaniya ug nagpabilin ang pagtahod sa iyang anak ngadto kaniya isip amahan.
Ang amahan mismo niadtong higayona migakos sa anak ug nangayo ug pasaylo sa iyang mga kasaypanan, ug gikan niadtong higayuna mibalik na ang amahan sa pagka responsible ug iya nang gitagaan ug pagtagad ug pagmahal ang iyang bugtong anak diin nakaamgo siya sa iyang dautan nga binuhatan. Usa kini ka pagtulon-an nga ang mga ginikanan angay gayud magtuto sa ilang anak isip gabay sa maayong pagtulon-an.
No comments:
Post a Comment