Balaod O Pagtoo (Galacia 3:1~14)

1 O mga Galacianhon nga kulang sa pagsabut! Kinsa bay naglamat kaninyo? Sa atubangan sa inyong mga mata si Jesu-Cristo, sa matin-aw gikapadayag nga linansang sa krus. 2Kini lamang ang buot ko nga ipangutana kaninyo: Gidawat ba ninyo ang Espiritu tungod sa mga buhat sa pagbantay sa kasugoan, o pinaagi ba sa pagpatalinghug nga inubanan sa pagtoo? 3Nangahimo na ba gayud diay kamo nga ingon ka kulang sa pagsabut?

Nakasugod na man unta kamo sa Espiritu, magpakatapus ba diay kamo karon sa lawas? 4Gisinati ba ninyo ang daghang mga butang sa wala lamay kapuslanan? --kon tinuod man ugaling nga kini walay kapuslanan. 5Siya nga nagahatag kaninyo sa Espiritu ug nagahimo sa mga milagro diha kaninyo, nagahimo ba siya niini tungod sa mga buhat sa pagbantay sa kasugoan, o tungod ba sa pagpatalinghug nga inubanan sa pagtoo?

6 Maingon man usab si Abraham "mitoo sa Dios, ug kini giisip ngadto kaniya ingon nga pagkamatarung." 7Busa inyong makita nga ang mga tawo nga adunay pagtoo mao ang mga anak ni Abraham. 8Ug ang kasulatan, sa pagkakitang daan nga ang Dios magamatarung sa mga Gentil pinaagi sa pagtoo, miwali nga daan sa Maayong Balita ngadto kang Abraham, nga nag-ingon, "Pinaagi kanimo mabulahan ang tanang kanasuran." 9Sa ingon niana, ang mga tawo nga adunay pagtoo mabulahan uban kang Abraham nga may pagtoo.

10Kay ang tanan nga nagasalig sa mga buhat sa pagbantay sa kasugoan nailalum sa tunglo; kay nahisulat kini nga nagaingon, "Matinunglo ang tanan nga wala magbantay sa tanang kalagdaan nga nahisulat sa basahon sa kasugoan, aron sa pagtuman niini." 11Karon tataw nga walay tawo nga pagamatarungon sa atubangan sa Dios pinaagi sa kasugoan; kay "Mabuhi ang namatarung pinaagi sa pagtoo. 12apan ang kasugoan wala magsukad sa pagtoo, kay "Siya nga nagabuhat niining mga butanga mabuhi tungod niini."

13Gilukat kita ni Cristo gikan sa tunglo sa kasugoan sa diha nga nahimo siyang tunglo alang kanato--kay nahisulat kini nga nagaingon, "Matinunglo ang matag-usa nga pagabitayon diha sa kahoy."-- 14aron nga pinaagi kang Cristo Jesus ang panalangin kang Abraham mahiadto sa mga Gentil, aron nga pinaagi sa pagtoo kita makadawat sa gisaad nga Espiritu.

PAGPAAMBIT SA MENSAHE:

Ginaingon nga namugna ang sala pagkamugna sa balaod, ug kon walay balaod wala kita kalapasan nga mahimo. Sa panahun ni Adan gipalayas sila ni Eba sa Paraiso tungod sa ilang pagsupak sa kasugoan sa Dios ug ang silot sa sala mao ang kamatayon, nga sa ato pa sa abog kita gikan sa abog usab kita pauli.

Sa panahun ni Moises gipadayag sa Dios Amahan ang napulo kasugo nga gipatik diha sa tinabliyang bato, diin mao kini ang sumbanan sa tawhanon ug sa langitnon nga balaod niadtong panahuna ug hangtod karon.

Sa paghiabot ni Jesu Cristo isip anak sa Dios nga nagpakatawo, iyang gipahayag ug gipasabot ang mga kasugoan ug balaod sa Dios, diin iyang gipadayag nga ang napulo ka kasugo-an ni Moises mahimo lang duha, una Higugmaon mo ang Dios labaw sa tanan ug dili ka magbaton ug lain Dios gawas Kaniya. Ug ang ikaduha Higugmaa ang imong isigkatawo sama sa paghigugma nimo sa imong kaugalingon, apan kun masupak nimo ang bisan asa niining bala-ora nasupak mo na ang tanang kasugoan sa Dios. Isip dugang sa mga kasugoan sa Dios si Jesu- Cristo mipadayag nga ang tawo makasala usab pinaagi sa iyang mga daotan nga huna-huna, daotang nga pulong ug daotang nga buhat.

Ang balaod sa Dios nagadala ug espirituhanon nga pagtoo diha sa kabalaan niini, nga kun imo kining supakon nga tinuyo nan manubag ka sa Dios Espirito Santo ug aduna kini tugbang nga silot, apan kon inosente ka pa sa kamatuoran bulahan ka kay mahatagan ka pa sa pasaylo.

Sukwahi ang balaod dinhi sa yuta o balaod sa mga hukmanan diin walay kapasayloan sa salaod nga atong mahimo, ang tanan adunay tugbang nga silot, ginaingon sa inengles nga sinultihan ,“Ignorance of Law Excuses No One”, apan subo lamang nga palandungon nga ang hustisya nga tawhanon nakapabor niadtong mga adunahan, ug nabintahaan ang mga kabos, apan kining tanan kabubut-on gihapon sa Dios.

Ginaingonn sa balaang kasulatan, Ang dalan sa gingharian sa langit tunokon , hagip-ot ug bakilid diin mao na kanang mga dalana ang gisubay kadaghana sa mga kabos natong kaigsoonan dinhi sa kalibutan ug kinsa kadtong nagpakaubos dinhi sa yuta ipataas didto sa gingharian as Dios, apan ang nagpahitaas sa iyang kaugalingon dinhi sa kalibutan walay luna ug ipaubos didto sa langit.

Sa panahun diin hukman na kita sa Dios sa iyang pagbalik , parehas na kitang tanan sa iyang atubangan, wala nay mabintahaan diha sa iyang mga silot, diin bulahan ka igsoon nga nakapaambit sa kasakit ni JesuCristo diha krus, ug nagatuman sa iyang kabubut-on ug nagatoo sa hugot sa Iglesia sa Kamatuoran kay may luna ka sa ganghaan sa gingharian sa Dios.