27 "Apan sultihan ko kamong mga nanagpaminaw, Higugmaa ninyo ang inyong mga kaaway, buhati ninyog maayo ang mga managdumot kaninyo. 28Panalangini ninyo ang mga magapanghimaraut kaninyo, ug pag-ampo kamo alang sa mga magapasipala kaninyo. 29Kaniya nga mosagpa kanimo sa aping, itahan mo usab ang pikas, ug kaniya nga moagaw sa imong kupo ayaw usab pag-ihikaw ang imong kamisola.
30Hatagi ang tanang mangayo kanimo, ug siya nga magakuha sa imong mga butang ayaw pagbawii niini. 31Ug buhati ang mga tawo sa buot ninyo nga ilang pagabuhaton kaninyo. 32"Ug kon mao ray inyong higugmaon ang mga nahigugma kaninyo, unsa may dungog ninyo? Kay bisan gani ang mga makasasala nagahigugma man sa mga nagahigugma kanila. 33Ug kon mao ray inyong buhatan ug maayo ang mga nagabuhat ug maayo kaninyo, unsa may dungog ninyo? Kay bisan gani ang mga makasasala nagabuhat man sa ingon.
34Ug kon ang inyong pahulamon mao ra ang mga tawo nga adunay inyong mapaabut nga madawat gikan kanila, unsa may dungog ninyo? Bisan gani ang mga makasasala magapahulam man ngadto sa mga makasasalam nga magapaabut nga makadawat a usab ug sama sa gipahulam.
35Apan higugmaa ninyo ang inyong mga kaaway, ug buhati silag maayo, ug pahulama sila sa walay pagpaabut ug bisan unsa gikan kanila; ug daku unya ang inyong balus, ug kamo mahimong mga anak sa Labing Halangdon; kay siya mapuanguron man bisan sa mga tawong walay igabalus ug sa mga dautan. 36Magmaloloy-on kamo, maingon nga maloloy-on man ang inyong Amahan.
PAGPAAMBIT SA MENSAHE:
Ang mensahe nagpamatuod sa pagtulon-an nga gisangyaw ni Jesukristo ngadto sa iyang mga sumosunod nga mao ang pahigugma gayod sa atong isigkatawo sama sa paghigugma nato sa atong kaugalingon, nga sa ato pa walay pagpihig o pagpabor sa bisan kinsa nga tawo o binuhat dinhi sa ibabaw sa kalibutan.
Ang Balaang Kasulatan nagmatuod nini pinaagi sa diha sa 1 Corintho 3:16, nga nagaingon: Ang lawas sa tawo maoy templo sa Dios Espirito Santo, ug ang magalaglag sa Templo sa Dios Espirito Santo nga mao ang atong lawas pagalaglagon usab sa Dios.
Nga sa ato pa kun unsay gibuhat nimo sa imong isigkatawo , kun imo siyang gilutos, gibiaybiay o gipasakitan, dili lang ang maong tawo mismo ang imong gibiay-biay kun dili ang Espirito Santo mismo nga anaa sa matag tawo, ug ang Espirito Santo ug ang Dios usa ra man nan nagpasabot nga kun maglutos ka sa imong isig katawo gilutos usab nimo ang Dios nga makagagahum ug manubag ka sa Dios sa imong mga paglutos kaniya.
No comments:
Post a Comment