1Kasaligan kini nga pulong: Kon adunay magatinguha sa katungdanan sa pagka pangulo sa iglesia, ang iyang ginatinguha maoy usa ka bulohaton nga hamili. 2Ug ang pangulo kinahanglan dili badlonganon, ug siya usa ray asawa, mapugnganon sa kaugalingon, mabuot, maugdang, maabiabihon, maayo sa pagpanudlo, 3dili palahubog, dili tigpanukmag, hinonoa malomo, dili palaaway, ug dili mahigugmaon ug salapi.4Kinahanglan magamaayo ang iyang pagdumala sa iyang kaugalingong panimalay, nga magadumala sa iyang mga anak aron sila magamasinugtanon ug magamatinahuron sa tanang paagi; 5kay kon ang usa ka tawo dili makamao nga magdumala sa iyang kaugalingong panimalay, unsaon man niya sa pagpakatagad sa iglesia sa Dios?
6Kinahanglan nga siya dili bag-o pa lang nakabig, kay tingali unyag moburot siya sa pagpagarbo ` ngadto sa pagkasinilotan ingon sa yawa; 7labut pa niini, kinahanglan matinamud siya sa mga taga-gawas ingon nga maayog dungog, kay tingali unyag mahulog siya ngadto sa pagkabaladlongon ug sa bitik sa yawa.
PAGPAAMBIT SA MENSAHE:
Ang mensahe nagpasabot sa mga gimbuhaton sa usa ka leader o pangulo sa Iglesia, diin batunan kanunay ang pagpaubos, sa pinakaubos ug sa kanunay magbalaan ug isul-ob ang hiyas nga Cristohanon, nga sa ato pa sya ang mangulo sa maong iglesia sa kamatuoran diin sya magpaulipon diha sa maong pagtulon-an pinaagi sa pagsilbi sa iyang mga sumosunod.
Himoon nga panag-ingnan o sumbanan ang pamaagi ni Ginoong Jesus Cristo nga sa kanunay magpaubos bisan luyo sa pagbiay-biay o paglutos sa iyang mga isigkatawo. Kay ginaingon sa balaang kasulatan nga diha sa pagpaubos luyo sa pagpang lutos magagikan ang dugang grasya o gasa gikan sa kahitas-an.
Diin ginaingon usab sa balaang kasulatan nga bulahan ang mga binuhat nga nakaambit o nakasinati sa mga kasakitan ni Jesu Cristo dinhi sa yuta kay aduna siyay grasya nga espirituhanon .
No comments:
Post a Comment