1 Ug unya niadtong mga adlawa, sa nag-anam nag kadaghan ang mga tinun-an, dihay pagbagotbot sa mga Judiyong Gresyanhon batok sa mga Judiyong-lumad tungod kay ang ilang mga babayeng balo pagahisayloan lamang sa inadlaw-adlawng pagpangapod-apod sa mga kabuhian.
2Tungod niini ang Napulog-Duha nagpatigum sa katilingban sa mga tinun-an ug miingon kanila, "Dili angay nga biyaan namo ang pagwali sa pulong sa Dios aron kami maoy mangunay sa pagpangapod-apod sa mga pagkaon. 3Busa, mga igsoon, pagpili kamog pito ka tawo diha kaninyo nga inyong hingmatud-an nga maayo, nga puno sa Espiritu ug sa kinaadman, nga atong ipahimutang niining bulohatona.
4Ug kami magapadayon sa pag-atiman sa pag-ampo ug sa pag-alagad labut sa pulong." 5Ug kining sultiha nakapahimuot sa tibuok katilingban, ug ilang gipili sila si Esteban, usa ka tawo nga puno sa pagtoo ug sa Espiritu Santo, ug si Felipe, si Procor, si Nicanor, si Timon, si Parmenas, ug si Nicolas nga usa ka kinabig nga ta-Antioquia. 6Ug sila gipaatubang sa mga apostoles, ug human makaampo kini, gipandungan sila nila sa ilang mga kamot. 7Ug mikaylap ang pulong sa Dios; ug ang gidaghanon samga tinun-an sa Jerusalem mitubo sa hilabihan gayud, ug daghan kaayo sa mga sacerdote ang nanagpasakop sa tinuohan.
PAGPAAMBIT SA MENSAHE:
Ang mensahe bahin sa Pito Ka Katabang nagpasabot sa pagsentro sa gimbuhaton diha sa espiritual nga kahimuan ug ipala-in gayud ang tawhanon nga kinahanglanon, ug ipahiluna ang pagpadayag sa tinago nga kamatuoran. Dili maayo nga panag-ingnan ang paghupot sa susamang higayun sa espiritual nga misyon ug sa materyal nga kinahanglanon.
Ang mga apostoles niadtong panahuna nakabantay sa pagkabahin unya sa ilang atensyun diha sa ilang pagsangyaw, ilang gipasabot sa mga Judio ug mga Greyego ang kawalay unod o grasya sa ilang gimbuhaton kun dili nila ipahiluna ang tanan. Kinahanglan ang tinud-anay nga pagsuporta sa matag-usa pinaagi sa pagbahin sa gimbuhaton, lain ang magsangyaw ug lahi usab ang mag-andam sa materyal nga gimbuhaton, dinuyogan sa hugpong ug hugot nga pag-ampo ug pangaliya sa kahitas-an.
Ang pagsangyaw sa tinago nga kamatuoran ug kaluwasan nagpasabot ug sakripisyo diha sa kaugalingon, diin limtan ang tawhanong gimbuhaton, ug masinati ang dili tiaw mga pagpaubos sa garbo sa tawo, nagpasabot ang Dios ( 1 Corintho, 1:18.) nga iyang gipili ang mga tinamay ug sinalikway o mga katawhan nga anaa diha sa ubos nga hut-ong sa katilingban nga maoy modala sa mensahe sa Dios aron walay makinaadmanon nga makapasigarbo diha sa iyang atubangan, ug kon duna man gani angay ipasigarbo ngadto sa Dios, kato lamang mga milagro nga iyang nahimo diha sa atong kinabuhi .
No comments:
Post a Comment