Si Jesus Ang Kamatuoran Ug Kaluwasan

Ginaingon sa balaang kasulatan (biblia) nga walay makaadto sa Amahan nga dili moagi kang Jesu-Cristo, kay siya mao man ang sinugdanan ug ang kataposan, ug ang nagatoo ni Jesu-Cristo nagatoo sa Amahang Dios ug mitoo usab sa Dios Espirito Santo.

Si Jesu-Cristo mao ang ikaduhang Adan nga nahiabot dinhi sa kalibutan, diin wala sya magagikan sa abog kundili gikan sa lalang sa Espiritu Santo nga gitisok diha sa sabakan ni Birhen Maria, ug nga libre siya sa sala nga panalundon.

Daghan ang mga propeta nga nagpahibalo ug nagpadayag , bahin kang Jesus mga pila pa kasiglo sa wala pa siya matawo, ang uban mga maalamon nasayop sa paghubad sa mensahe sa mga propeta, diin giingon matawo ang messiah gikan sa Jerusalem nga kaliwat ni Abraham, ug sya mahimong hari sa mga hari. Pipila kanila nagtoo nga ang maong hari ordinaryo lang nga tawo nga maghari susama kang Haring David.

Bisan ang mga dagkong kapari-an sa panahon ni Jesu-Cristo wala magtoo nga ang gipahibalo sa mga propeta mao ba diay ang ang anak sa Dios nga nagpakatawo. Ang Dios Amahan o Yawehh niadtong panahona ug sa panahon ni Moises ug hangtod karon wala pay nakakita sa iyang nawong, gawas lamang sa iyang tingog mismo . Ang mga tag-as nga pari nangakurat sa pagpaila ni Jesus-Cristo nga anak sa Dios diin nahiuban sya sa mga ubos nga mga hut-ong sa katilingban ug walay dayan dayan sa lawas o sinina gawas sa mga amorsiko nga namilit sa sidsid sa iyang sinina kay lagi nagikan man siya sa halayong lugar agi sa kabukiran.