1 Ug sa nahaunang adlaw sa semana, si Maria Magdalena miadto sa lubnganan sayo sa kaadlawon samtang mangitngit pa, ug iyang nakita nga ang bato nakuha na gikan sa lubnganan. 2Busa midalagan siya ug miadto kang Simon Pedro ug sa usang tinun-an nga hinigugma ni Jesus, ug miingon kanila, "Ang Ginoo ilang gikuha gikan sa lubnganan, ug wala kami masayud kon diin siya nila ibutang." 3Busa si Pedro migula uban sa usang tinun-an ug nangadto sila sa lubnganan.
4Ang duha nanagdalagan, apan si Pedro hing-unhan sa usang tinun-an, ug kini siya unang nahiabut sa lubnganan. 5Ug sa pagtikubo niya aron sa paglili, iyang nakita ang mga panaptong lino nga nahimutang didto, apan wala hinoon siya mosulod. 6Unya miabut si Simon Pedro nga nagsunod kaniya, ug siya misulod sa lubnganan. Ug iyang nakita ang mga panaptong lino nga nahimutang didto, 7ug ang panyo nga giputos sa iyang ulo wala mahiuban sa mga panaptong lino, hinonoa naglain kini nga linukot sa usa ka dapit.
8Ug ang usang tinun-an, ang nahaunang abut sa lubnganan, misulod usab ug nakakita ug mitoo; 9kay sila ugod wala pa man gihapon makasabut sa kasulatan, nga kinahanglan mabanhaw siya gikan sa mga patay. 10Unya ang mga tinun-an namauli sa ilang mga puloy-anan.
4Ang duha nanagdalagan, apan si Pedro hing-unhan sa usang tinun-an, ug kini siya unang nahiabut sa lubnganan. 5Ug sa pagtikubo niya aron sa paglili, iyang nakita ang mga panaptong lino nga nahimutang didto, apan wala hinoon siya mosulod. 6Unya miabut si Simon Pedro nga nagsunod kaniya, ug siya misulod sa lubnganan. Ug iyang nakita ang mga panaptong lino nga nahimutang didto, 7ug ang panyo nga giputos sa iyang ulo wala mahiuban sa mga panaptong lino, hinonoa naglain kini nga linukot sa usa ka dapit.
8Ug ang usang tinun-an, ang nahaunang abut sa lubnganan, misulod usab ug nakakita ug mitoo; 9kay sila ugod wala pa man gihapon makasabut sa kasulatan, nga kinahanglan mabanhaw siya gikan sa mga patay. 10Unya ang mga tinun-an namauli sa ilang mga puloy-anan.
PAGPAAMBIT SA MENSAHE:
Ang pagtulon-an naghubit sa kamatayon sa Dios Jesu-Cristo diin daan nang nagpasidaan mahitungad sa pagkabanhaw sa tawhanon niyang lawas sulod sa tulo ka adlaw, apan nagkagubot ang mga tinun-an ni Jesus Cristo sa pagkawala sa tawhanon niyang lawas diha sa iyang lubnganan sa pagtoo nga kini gikawat.
Mao kini ang kadaugan ni Jesu-Cristo sa iyang tahas nga gisangon sa Dios Amahan kaniya, ug mao usab kini ang kaluwasan sa tanan tawo sa kalibutan ngadto sa kinabuhing dayun. Dako nga pasidungog sa Dios Amahan ngadto sa iyang bugtong anak nga si Jesu-Cristo diin siya gituboy ngadto sa kinatas-ang puwesto sa langit ug gihatagan ug dungganan nga ngalan ug ang tanang binuhat didto sa langit, dinhi sa yuta ug didto sa ilawom sa yuta magasimba ug magaluhod nga magasangpit sa ngalan nga Jesu-Cristo (Philipos 2: 8~11).
Ang mga tinun-an ni Jesu –Cristo kadaghanan wala makasabot sa mensahe diin kinahanglan mamatay amg messiah ug mabanjaw pag-usab aron nga kita mahiusa diha kaniya, apan sa gihapon nagpikita si Jesu-Cristo sa iyang mga katawhan mga nag duha-duha, Nagpakita siya sa napulo (10) ka tinun-an ug kinyentos (500) ka tawo.
No comments:
Post a Comment