Ang Wali Didto Sa Bungtod

Mateo 5:1~12

5 • 1 Sa pagkakita ni Jesus sa kataw- han, mitungas siya sa bungtod. Milingkod siya ug gialirongan sa iyang mga tinun-an. 2 Unya, misulti siya ug misugod pagtudlo nila:

3 Bulahan ang mga kabos tungod sa Espiritu, kay ila ang gingharian sa langit. 4 Bulahan ang nagsubo, kay lipayon sila. 5 Bulahan ang mapaubsanon, makapanag-iya sila sa yuta.

6 Bulahan ang gigutom ug giuhaw sa kaangayan, kay busgon sila ug tagbawon. 7 Bulahan ang maluluy-on, kay kaluy-an sila. 8 Bulahan ang putlig kasingkasing, kay makakita sila sa Diyos.

9 Bulahan ang nagbudlay alang sa kalinaw, tawgon silag mga anak sa Diyos. 10 Bulahan ang gilutos tungod sa kaangayan, kay ila ang gingharian sa Langit.

11 Bulahan mo, kon bugalbugalan ug lutoson sa katawhan; ug magsulti sila sa tanang matang sa daotan batok ninyo, kay mga tinun-an tamo. 12 Paglipay ug pagmaya, kay dako ang ganti nga gitagana kaninyo sa Diyos. Giingon sab ini pagpasipala ang mga propeta nga nauna ninyo.

PAG-PAAMBIT SA MENSAHE:

Ang maong mensahe nagbutyag sa mga hiyas sa espirito santo sa Dios nga maoy gisul-ob ni Jesu Cristo. Diin mao usab kini nga mga hiyas nga gusto niyang batonan sa iyang mga sumosunod. Ug bulahan ang iyang mga katawhan nga nakasinati sa mga paglutos kay nakaambit sila sa mga kasakitan sa Dios.

Matod pa a balaang kasultan diha sa Mateo 6, ang dalan paingong sa gingharian sa Dios hagip-ot ug tunokon diin gamay ra ang moagi niini, apan ang dalan paingon sa kalaglagan sa atong kalag, haluag ug masadya, diin daghan ang nagaagi niini.

Kanang mga dalana mao na kini ang dalan sa atong kinabuhi dinhi sa walog sa mga buhi, diin kun sumosunod ka ni Kristo kanunay kang nagaagi sa maong mga dalan nga mao ang paglutos diha sa iglisea nga imong gibarugan, apan bulahan ka igsoon kay maimo ang kinabuhi nga walay kamatayon inig-abot na sa hustong takna.