Saturday, February 9, 2008

Kaalam Nga Gikan Sa Langit

SANTIAGO 3: 13~18

13 Kinsa ba kaninyoy maalam ug masinabuton? Pinaagi sa iyang maayong paggawi kinahanglan magpakita siya sa iyang binuhatan diha sa kaaghop sa kaalam. 14Apan kon ugaling sa inyong mga kasingkasing aduna man kamoy kapait sa kasina ug dinalo nga tinguha sa pagpauswag, ayaw na lang ninyo kini ipanghambog aron dili na kamo makapanghimakak sa kamatuoran.

15Ang maong kaalam dili ingon sa kaalam nga nagagikan sa kahitas-an, kondili yutan-on, tawhanon, yawan-on. 16Kay diin gani anaa ang kapait sa kasina ug ang dinalo nga tinguha sa pagpauswag sa kaugalingon, maanaa usab ang kagubot ug ang tanang mangil-ad nga buhat.

17Apan ang kaalam nga gikan sa kahitas-an putli una sa tanan, unya makigdaiton, malomo, mamatig katarungan, puno sa kalooy ug sa mga maayong binuhatan, walay pagduhaduha o pagminaut. 18Ug diha sa pagdinaitay ang inani nga pagkamatarung igapugas sa mga tawo nga nagabuhat sa pakigdait.


PAGPAAMBIT SA MENSAHE:

Ang maong mensahe nagpasabot sa duha ka klase sa kaalam, Una ang kaalam nga tawhanon diin aduna kini kaugalingon nga tuyo ug tumong nga mao lamang ang pagpalambo sa kaugalingon sa walay pagsapayan kun duna bay maligsan o mabintaha-an sa ato pa ang kaugalingon lang nga bulsa ang gipuno diin nagpaulipon siya sa mga materyal nga butang ug sa mga kadungganan nga moy iyang gipaka Dios.

Ang ikaduha nga kaalam mao ang kaalam nga langitnon diin maoy gisentro sa iyang hunahuna ang pangaliya ug kalooy sa Dios diin nagasunod siya sa unsa man ang ihatag sa iya sa Dios nga grasya ug sa matag-adlaw nga tanan iuban ang Dios diha sa iyang panalangin nga ang Dios magahatag kaniya sa unsa man nga maarang diha sa iyang kaugalingon. Ang maong kaalam mao ang giya nga gihatag sa Dios espiritu santo ngadto sa mga tawo nga kanunay nagasangpit sa Dios.

Kay matud pa sa balaang kasulatan unsa pa may maanaa sa tawo nga sa iyang pag-abot dinhi sa kalibutan hubo man siya sa tawhanon nga materyal ug sa iyang pagbiya dinhi sa walog sa mga buhi biyaan man usab niya ang tanan nga mga materyal nga butang nan sa ato pa kun ang imong kaalam ug bahandi ania ra sa yuta nan dinhi ra kutob ang tanan.

Miingon usab ang balaang kasulatan sa 1 Corintho1:28, Gipili sa Dios ang mga sinalikway ug mga tinamay o kadtong mga tawo nga anaa sa ubos nga hut-ong sa katilingban nga maoy magdala sa Iyang mga maalam nga pulong, aron nga ang mga may tawhanon nga kaalam ug kinaadman dili makapasigarbo diha sa Iyang atubangan , kay walay gamit ang mga tawhanon nga kaalam didto sa langit, ug kon aduna man ugaling ipasigarbo diha sa atubangan sa Dios kadto lamang mga milagro nga iyang gihimo diha sa atong tagsa-tagsa ka kinabuhi.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo