Saturday, February 16, 2008

Pagtulon-an Bahin Sa Buhat Sa Kalu-oy

MATEO 6 : 1~14

1 "Kinahanglan magmatngon kamo nga ang inyong maayong buhat dili ninyo himoon sa atubangan sa mga tawo aron lamang sa pagpasundayag niini ngadto kanila, kay sa ingon niana wala kamoy balus gikan sa inyong Amahan nga anaa sa langit.
2"Busa, sa magahatag kag limos, ayaw pagpatingog ug trumpeta sa atubangan mo, ingon sa ginahimo sa mga maut sa sulod sa mga sinagoga ug diha sa kadalanan, aron sila pagdayegon sa mga tawo. Sa pagkatinuod, magaingon ako kaninyo, nga sila nakadawat na sa ilang balus. 3Apan ikaw, sa magahatag kag limos, ayaw pahibaloa ang kamot mong wala sa gibuhat sa kamot mong too, 4aron matago ang imong limos; ug ang imong Amahan nga nagatan-aw sa tago magabalus kanimo.


PAGPAAMBIT SA MENSAHE:

Ang maong mensahe nagpadayag sa mga hiyas nga batunan sa mga sumosunod ni Jesu Cristo, diin kanunay gayud magpaubos sa tanang higayun susama sa pagkinabuhi sa anak sa Dios dinhi sa yuta diin puno sa pagpaubos bisan sa mga paglutos nga iyang nasinati ug wala gayud niya gamita ang iyang pagka anak sa Dios aron pagbatok sa mga nagpasipala kaniya.

Ginaingon diha sa balaang kasulatan nga mas maayo nga magabuhat ang imong too nga kamot ug dili masayud ang imong wala nga kamot nga sa ato pa buhaton nimo ang sa unsa man nga buhat sa kalooy o pagtabang sa laing tawo diin ikaw lamang ug ang Dios Amahan ang nakahibalo aron sa ingon ang Dios magapanalangin kanimo.

Usa kini ka pagtulon-an diin nagpasabot nga ang nagbuhat sa maayong binuhatan nga gikan gayud sa ilang kasingkasing sa walay pagpaabot sa ganti o pasidungog gikan sa ilang isigkatawo o pagpasigarbo sa ilang kaugalingon alang sa unsa man nga mga intereses nga pulitika sa kaugalingon makadawat sa grasya ug panalanginan gikan sa Langitnong Amahan.




No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo