Sunday, February 3, 2008

Pagtulon-an Mahitungod Sa Panaad

Mateo 5:33~37

5•33 Nakadungog pod mo nga giingnan kaniadto ang katawhan: Ayawg pakyasa ang panumpa. Ang panumpa nga gihimo kang Yahweh kinahanglang tumanon. 34 Apan sultihan tamo: Ayawg panumpai ang bisag unsang saad. Ayawg panumpa sa kalangitan, kay lingkoranan ni sa Diyos.

35 Ni sa yuta, kay iya ning tumbanan. Ni sa Jerusalem, kay syudad ni sa gam-hanang hari. 36 Ayawg panumpa bisan gani sa imong ulo, kay dili mo maka-paputi o makapaitom sa bisag usa ka lugas sa buhok ini.

37 Ingna hinuon: “Oo” kon ang inyong gipasabot ‘Oo’; ug “dili“ kon ang inyong gipasabot ‘dili’. Ang inyong isulti gawas o sobra niini ini gikan na sa yawa.


PAGPAAMBIT SA MENSAHE:

Ang mensahe nagpadayag a kabubut-on sa Dios diin ang iyang mga sumusunod ug tinawag nga katawhan magbalaan diha sa pagtulon-an nga ilang gibarogan. Atong ihalad ug pangayoon sa Dios ang unsa man nga gustong mahitabo diha sa atong kinabuhi, kay ginaingon nga kitang tawo ang magplano apan ang Dios ang magpahiluna.

Nga sa ato pa mga igsoon ang gibatbat nga panaad diha sa maong mensahe maoy usa ka sumbanan sa atong pagsunod sa iyang kabubut-on, kay matod pa tanan nga materyal nga butang dinhi sa kalibutan adunay panalangin sa Dios ug sa ingon nag-agi sa iyang kabubut-on, ug nga bisan ang gamay nga giras o karas sa imong lawas ug bisan gani ang isa ka book buhok nga matagak nag-agi sa iyang kabubut-on.

Dili diay angay nga manaad kita diha sa atubangan sa Dios apan mag-agad lang kita sa iyang kabubut-on ug kasugo-an. Ang balaang kasulatan nag-ingon , "Lihok tawo kay tabangan ko ikaw" , Panuktok kay ikaw paga-ablihan, Pangayo kay ikaw paga-hatagan.

Apan nag-ingon usab ang pulong sa Dios diha sa balaang kasulatan nga kun iyang makita nga mahilayo ka kaniya kun ihatag niya ang imong gipangayo nan dili gayud ka mahatagan , apan kun kaayohan nganong dili man niya ihatag. Nga sa ato pa mga igsoon dili kita mosaad apan molihok lang kita sumala as iyang kabubut-on uban sa pag-ampo nga kita iyang kaluy-an.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo Niño