Thursday, February 7, 2008

Didto Sa Berea

BUHAT 17: 10~15

10 Ug dihadiha sa takna sa kagabhion si Pablo ug si Silas gipagikan sa mga kaigsoonan paingon sa Berea; ug sa ilang paghiabut didto, sila misulod sa sinagoga sa mga Judio. 11Ug kining mga Judioa mabuot pa kay sa mga Judio didto sa Tesalonica, kay kini sila midawat man sa pulong uban sa bug-os nga pagkamasibuton, nga sa adlaw-adlaw nanagtoon sa kasulatan, sa pagsusi kon tinuod ba gayud ang mga butang nga gisulti kanila.

12Busa daghan kanila ang mitoo, uban sa dili diriyot nga mga hamiling babaye nga Gresyanhon, ug mga lalaki usab. 13Apan sa pagkahibalo sa mga Judio sa Tesalonica nga sa Berea usab gimantala ni Pablo ang pulong sa Dios, sila nangadto usab didto, nga nanagsiba ug nagpagubot sa mga panon sa katawhan. 14Tungod niini, si Pablo dihadiha gipagikan sa mga kaigsoonan sa paglakaw padulong sa dagat, apan si Silas ug si Timoteo nanagpabilin pa didto.

15Ug ang mga tawo nga naghatud kang Pablo mikuyog kaniya hangtud sa Atenas; ug unya namauli sila nga nagdala ug tugon alang kang Silas ug kang Timoteo sa pag-apas kaniya sa labing madali.


PAGPAAMBIT SA MENSAHE:

Ang maong pagtulon-an nagpasabot sa mga kahimo-an o tahas sa mga apostoles samtang sila gilutos gihapon sa mga Judio ug sa mga tag-as nga pariseo. Tungod sa panabang sa espirito santo ug sa hugot nilang pagtoo sa ilang gisunod nga pagtulon-an, kanunay gayud nga adunay panalangin ug kalamposan ang ilang mga lakaw o misyon.

Atong makita diha sa ilang pagkinabuhi nga kristohanon diin ang mga apostoles hubo sa materyal nga panginahanglanon, ug dili sila makapundo sa isa ka lugar, diin ilang gipasinati sa ilang kaugalingon ang pagkaistranyo, bisan diha sa kaugalingon nila nga lugar.

Mao kini ang usa ka kamatuoran nga gibarogan sa mga magtutuo ni Jesu Cristo, nga kita, estranyo lang dinhi sa kalibutan ug ang atong pinuy-anan mao gayud ang gingharian sa Dios nga sa ato pa angay gayud kita mga magbalaan diha sa atong kaugalingon aron pag-abot sa panahun makapauli kita sa atong pinuy-anan nga mao ang kinabuhi nga walay kamatayon didto sa langit.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo