Thursday, February 14, 2008

Katapusang Pahimangno

CORINTHO 16: 13~24

13 Pagtukaw kamo, pagbarug kamo nga malig-on sa inyong pagtoo, magpakalalaki kamo,
magmakusganon kamo. 14Buhata ninyo ang tanan ninyong pagabuhaton uban sa gugma. 15Mga igsoon, kamo nasayud nga ang banay ni Estefanas mao ang unang mga kinabig didto sa Acaya, ug sila nanagtugyan sa ilang kaugalingon alang sa pag-alagad sa mga balaan;

16agdahon ko kamo sa pagpailalum nga masinugtanon sa mga tawong ingon kanila ug sa tanang mga kauban sa pagpangabudlay ug pagbuhat. 17Gikalipay ko ang paghi-abut diri ni Estefanas ug ni Fortunato ug ni Acaico, kay sila naghulip sa inyong pagkawala diri; 18kay sila nakahatag ug kahayahay sa akong espiritu ug sa inyo man usab. Ilha ninyo ang mga tawo nga ingon kanila.

19 Ang mga iglesia sa Asia nangomusta kaninyo. Si Aquila ug si Prisca, uban sa iglesia diha sa ilang balay, sa kinasingkasing nangomusta kaninyo diha sa Ginoo. 20Ang tanang mga igsoon nangomusta kaninyo. Magpangomustahay kamo ang usa sa usa pinaagi sa balaan nga halok. 21Ako si Pablo, pinaagi sa akong kaugalingong kamot, mao ang nagasulat niining bahina nga akong pangomusta kaninyo. 22Matinunglo siya nga wala mahigugma sa Ginoo. Maranatha! 23Ang grasya sa Ginoong Jesus maanaa kaninyo.


PAGPAAMBIT SA MENSAHE:

Ang maong mensahe nagapasabot sa tanang mga magtotoo ni Jesu Cristo sa paglig-on kanunay diha sa iglesia sa kamatuoran nga ilang gibarugan. Paglig-on kanunay diha sa mga pag-ampo nga gitudlo sa Dios espiritu santo . Adlaw ug gabii nga pangaliya ug pagpakig-istorya sa Dios ug sa kanunay nga pagbalaan pinaagi sa pagsul-ob sa hiyas nga kristuhanon nga mao ang pagaubos, pag-ampo ug pagpasensya.

Ginaingon diha sa mensahe sa balaang kasulatan nga ang mga pinili sa Dios pagapili-an pa ug bulahan kadtong gipatikan na sa espiritu santo kay halu-ag na ang hawan sa ilang luna diha sa ganghaan sa gingharian sa Dios Amahan. Apan bulahan kadtong nagasunod sa kabubut-on sa Dios ug nagatuman sa kanunay sa iyang mga sugo bisan ug nakasinati sa mga paglutos kay nakaambit sa kasinati-an ni Jesu Cristo.

Apan mas bulahan ang mga tawo nga nahisalaag sa dalan sa kamatuoran kay aduna pay naghulat nga pasaylo ang Dios kanila apan kadtong mga tawo nga nakakita ug nagasunod niining kamatuoran apan motalikod niini sa kaulahi-an wala na gayuy pasaylo ang Dios nga mahatag kanila.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo