Sunday, February 3, 2008

Wala Ako Makaila Kaninyo

MATEO 7: 21~23

• 21 Dili ang tanang nag-ingon: Ginoo! Ginoo!, makasulod sa gingharian sa Langit kondili, ang nagtuman sa kabubut-on sa akong Amahan sa Langit. 22 May daghan unya nga moi-ngon anang adlawa: “Ginoo, Ginoo, dili ba, nagsulti man mi sa imong ngalan? Dili ba, naghingilin man mig mga yawa ug naghimog daghang milagro sa imong ngalan?” 23 Unya, sultihan ko sila sa dayag: Wala ko makaila ninyo, pahilayo nako, kamong mga daotan!


PAGPAAMBIT SA MENSAHE:

Ang maong mensahe nagpadayag sa mga mini ug mga tigpakaaron-ingnon nga mga mag magsasangyaw sa pulong sa Dios niining atong panahon karon. Daghan nanggawas nga mga pagtulon-an diin sila nagatawag sa ngalan ni Jesus ug sa ngalan sa Dios Amahan isip maoy ilang gisimba ug gialagaran.

Ilang gisangyaw ang mga pagtulon-an sa Dios ginamit ang mga tawhanon nga mga kaalam ug kinaadman. Ilang gitu-is ang mga kasugoan ug mga tugon diha sa balaang kasulatan. Ilang gitu-is ang pulong sa Dios diha sa maong kasulatan ug ang kadaghanan kanila nagpasibantog nga sila ra o ang ila rang pagtulon-an ang mahabilin o maluwas pagbalik sa anak sa Dios.

Gihimo nilang negosyo o raket ang ilang mga pagtulon-an nga gibarogan, aron makakuha ug dakong pondo para sa tagsa-tagsa nila nga intereses. Gihimo nilang taming ang Ginoo aron makakuha ug dagko nga "Foreign Funding" para sa ilang kaugalingong bulsa. Ilang gihimaya ang ilang mga tawhanong gasa ug kaalam, ingon man ang ilang mga kalibutanong bahandi, ug sa ingon gipalabi nila ang pagtahod sa ilang mga bahandi ug wala mahadlok sa kabubut-on sa Dios.

Apan kawang lang ang maong bahandi kay mahabilin ug kutkuton lang kini dinhi sa yuta, ug inig-abot unya sa maong adlaw sa panudya, adlaw sa dakong paghukom sa Dios, alaot lang sila kay mahabilin lang unya sila dinhi sa yuta kay wala man sila hiilhi sa Dios.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo Niño