Tuesday, February 5, 2008

Gipanalanginan Ni Jesus Ang Mga Gagmayng Bata

LUCAS 18:15~17

15 Ug kaniya ilang gipanagdala usab ang ilang mga gagmayng bata aron unta iyang hikapon; ug sa pagkakita niini sa mga tinun-an, ilang gibadlong sila. 16Apan gitawag sila ni Jesus ngadto kaniya ug miingon siya kanila, "Paduola kanako ang mga bata ug ayaw ninyo sila pagpugngi, kay ang gingharian sa Dios ila sa mga sama kanila. 17Sa pagkatinuod, magaingon ako kaninyo, nga bisan kinsa nga dili modawat sa gingharian sa Dios maingon sa dinawatan sa gamayng bata, siya dili makasulod niini."

PAGPAAMBIT SA MENSAHE:

Ang maong ebanghelyo naghisgot sa himaya sa Dios diin atong kining dawaton sulod sa atong kasingkasing nga adunay pag-amoma ug pag-abi-abi diha sa atong kaugalingon nga sa ato pa ato kining kanunay nga atimanon ug palamboon ug atong matutuon sama sa gagmay nga bata.

Sa samang pagtulon-an mga igsoon ang mga bata maoy anghel sa matagpamilya ug gikahimut-an sa Dios, ug ato silang tratohon o atimanon sama as pagdayeg nato sa Ginoo, nga sa ato pa ang mga bata angayan gayud nga tagaan nato sa respeto nga gikinahanglan, ug padak-on sila nga inubanan sa mga pag-ampo ug pangaliya aron magtubo sila nga adunay pagdayeg sa Dios ug matutuon sa maayong mga hiyas aron mao kini ang ilang mahimong giya sa ilang pagkinabuhi puhon.

Bisan sa mga tawhanon nga pamalaod karon panahuna, naghatag na kini ug dugang mga balaod sa pagproteher sa mga bata, diha sa DSWD, Bantay Bata, ug uban pang mga "non-governmental organization". Bisan sa mga seminar diha sa family planning o uban pang mga civic organization , gitagaan gayud ug dugang respeto ang mga bata, diin angayan gayud nga tagaan sila ug insaktong pagtahod , tagaan usab sila ug lugar o espasyo diha sa ilang pagkabata aron magtubo usab sila nga adunay pagpanginlabot diha sa ilang pamilya, ug diha sa ilang katilingban ug mahimong alagad sa espiritu santo.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo