Thursday, June 5, 2008

Ang Bakol Gi-ayo

BUHAT 5: 1~10

1 Ug unya si Pedro ug si Juan nagkuyog sa pagsaka sa templo sa takna sa pag-ampo, nga mao ang ikatulong takna sa hapon. 2Ug didtoy gidala nga usa ka lalaki nga bakul sukad pa sa iyang pagkahimugso, nga sa adlaw-adlaw didto igabutang sa pultahan sa templo, nga ginganlag Pultahang Matahum, aron sa pagpalimos kanila nga nanagpanulod sa templo. 3Sa pagkakita niya kang Pedro ug kang Juan nga nagpaingon na sa sulod sa templo, siya nangayo kanilag limos. 4Ug si Pedro, kinuyogan ni Juan, mitutok ug miingon kaniya, "Tan-aw kanamo."

5Ug siya naminaw kanila, nagpaabut nga adunay iyang madawat gikan kanila. 6Apan si Pedro miingon kaniya, "Ako walay salapi o bulawan, apan sa ania kanako hatagan ko ikaw. Sa ngalan ni Jesu-Cristo nga Nazaretnon, paglakaw." 7Ug iyang gikuptan siya sa toong kamot ug gialsa; ug dihadiha nabaskog ang iyang mga tiil ug mga buolbuol. 8Ug sa pag-ugpo pa niya, siya nakatindog ug nakalakaw; ug kuyog kanila siya misulod sa templo nga naglakaw ug nagluksolukso ug nagdayeg sa Dios. 9Ug ang tanang tawo nakakita kaniya nga naglakaw na ug nagdayeg sa Dios. 10Ug ilang hing-ilhan siya nga mao ang tawo nga maglingkoran sa Pultahang Matahum sa templo aron sa pagpalimos; ug sila giabut ug kahibulong ug kahitingala sa nahitabo kaniya.

PAGPAAMBIT AS MENSAHE:

Ang maong ebanghelyo nagpasabot sa kabubut-on sa Dios diin iyang gipakita ang iyang gahum pinaagi sa iyang mga apostoles, diin sa ubang mga sinulat nagaingon si Jesu Cristo nga kabubut-on sa amahan ang tanan aron ikapakita sa mga magtoto-o ang mga milagro. Ang mga milagro nga gipakia sa mag apostoles usa ka giya sa amahang Dios diin kini sa kanunay nagpamatuod nga siya ang amahan ug ang tag-iya sa kalibutan.

Nagaingon ang mensahe sa Dios Amahan, tawgon ko ang akong mga pinili nga katawhan pinaagi sa balati-an aron sila makadumdom ug maobalik sa pagsimba kanako, sa ato pa mga igsoon kabubut-on sa amahan ang maong mga kasakitan ug mga paglutos sa atong kinabuhi diin bisan diay ang mga tawo nga adunay diperensya sa lawas iyang kabubut-on aron ipakita ang iyang katuyo-an.

Diin bulahan ka igsoon nga nagsunod sa Dios ug nagatugyan sa imong kaugalingong kinabuhi sa hingpit ngadto kaniya, kay mahatagan ka ug hataas nga kinabuhi, apan ang katawhan nga nagdumili sa pagtugyan sa iyang kinabuhi basin ug kawad-an niini.

Diin mas gipanalanginan sa Dios ang mga tawo nga nagaantos diri sa yuta diin nagpakaubos sa ilang kaugalingon diha as mga paglutos ug pagbiay-biay, kay sila ipataas didto sa langit, ug diin mao kini ang giya ug pagtulon-an nga gibilin ni Jesus as iyang pagpakatawo dinhi sa kalibutan, diin siya nakasinati sa mga paglutaos ug pagdagmal ug ingon man ang kamatayon niya diha sa krus.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo