Thursday, June 5, 2008

Mga Milagro

BUHAT 5: 12 ~ 16


12 Ug pinaagi sa kamot sa mga apostoles, daghan ang mga ilhanan ug mga kahibulongan nga nangahimo sa atubangan sa katawhan. Ug silang tanan didto magtiguman sa Portico ni Salomon. 13Ug walay bisan usa sa mga taga-gawas nga nangahas sa pag-ipon kanila, hinoon gitahud sila pag-ayo sa katawhan. 14Ug misamot kadaghan ang mga magtotoo nga nahidugang sa Ginoo, mga panon sa mga lalaki ug sa mga babaye,

15nga tungod niana ila na gayud ganing gipangdala ang mga masakiton ngadto sa kadalanan, ug gibutang sa mga lantay ug mga higdaanan, basin na lang aduna kanilay mahilandungan sa anino ni Pedro inig-agi niya. 16Ug gikan sa kalungsuran nga kasikbit sa Jerusalem nanugok usab ang mga panon sa mga tawo nga nanagdala sa mga masakiton ug mga gisakit sa mga mahugaw nga espiritu, ug silang tanan nangaayo.

PAGPAAMBIT SA MENSAHE:

Ang maong ebanghelyo nagpadayag sa kabubut-on sa Dios diin bisan diha sa ilang pagpadayun sa ilang pagsangyaw nga wala na kanila ang Ginoong Dios Jesu Cristo apan si Jesu Cristo kanunay nagauban kanila. Diin diha sa ilang pagpanambal gipakita ngadto sa mga katawhan ang mga milagro sa tanang masakiton nga naayo.

Ginaingon nga lisod ang pagsangyaw sa usa ka butang nga wala nimo Makita ug mahikap, malisod pagsangyaw a espiritu santo sa Dios, apan mao kini ang labing balaan ug molahutay kay matod pa nga ang butang nga dili nimo Makita ni mahikap mao kini ang mga biytang nga walay katapusan, apan ang mga butabg nga imong Makita sa mga mata ug mahikap nan mao kini mga butang nga tawhanon diin aduna kini katapusan.

Ag gahum sa Dios ginaingon nga walay sinugdanan ug walay katapusan diin dili sama kanatong tawo nga adunay pagkahubas, diin gipadayag ang katuyu-an sa Dios nga anak ang iyang katuty-an dinhi sa kalibutan nga mao ang pagluwas kanatong tanan diha sa kasal-anan, ug diin bulahan kadtong sa kanunay nagpatalinghug as mga pulong ug kasugo-an sa Dios kay matagaan sa kanunay nga panalangin ug grasya sa kinabuhi.



No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo