Sunday, June 1, 2008

Ayaw Padaldal sa Dili Motuo Sa Dios


2 CORINTO 6: 14 ~ 18



14Ayaw kamo pagpahiangay sa inyong kaugalingong kauban sa mga dili magtotoo diha sa mao rang usa ka yugo. Kay unsa may kigkomboyahan sa pagkamatarung ug sa pagkadautan? O unsa may pakig-ambitan sa kahayag ug sa kangitngit? 15Unsa may pakig-uyonan ni Cristo kang Bilyal? O unsa may iya sa magtotoo nga kapakigsalohan sa dili magtotoo?

16Unsa may pakig-uyonan sa templo sa Dios ug sa mga diosdios? Kay kita mao ang templo sa Dios nga buhi; sumala sa giingon sa Dios: Ako mopuyo sa sulod nila ug magalihok diha kanila, ug ako mahimong ilang Dios, ug sila mahimong akong katawhan. 17Busa panggula kamo gikan kanila, ug magpalain kamo gikan kanila, nagaingon ang Ginoo, ug ayaw na kamo paghikap ug mahugaw; unya pagahinangpon ko kamo, 18ug ako mahimong inyong amahan, ug kamo mahimong akong mga anak nga lalaki ug mga anak nga babaye, nagaingon ang Ginoo nga Makagagahum sa Tanan."

PAGPAAMBIT SA MENSAHE:

Ang maong mensahe, nagpasabot sa mgapagtulon-an nga naggawas niining panahuna diin ginaingon nga daghan nga patulon-an nga nanggawas sa tibuok ka;libutan diin moabot na kini ug 40,000 mil ka tinuohan apan usa lang ang Dios diin ang kadaghanan sa mga pagtulon-an nagatuis sa kamatuoran ug diin ang uban nagayubit sa ubang nga pagtulon-an nga kuno nagatoo sa mga dios dios,

Apan ang pagtulon-an nga iya sa Dios makasinati gayud sa mga pagsuway ug pagyubit , sa ato pa nga igsoon kun ang imong pagtulun-an nakasinati sa mga pagsuway ug pagyubit nan bulahan ka igsoon kay iya kana sa Dios, ug diin ang pagpili mo ug tinuohan kinahanglan nga ludhan ug ampo-an mo kini sa makaduha kun dili makatulo aron sa ingon ang espirito santo nagagiya kanimo.

Diin ginaingon ang balaang kasulatan, nga lisod ang pagsulod sa gingharian sa Dios diin ang dalan nga pagasubayon madanlog, hagip-ot ug tunokon diin pipila lamang ang nakakita niini ug maihap lamang usab ang molahutay sa pagbaklay ug paglatas niini, ug diin kini nga mga dalana ani ra dinhi sa walog sa mga buhi ug nag mao na ining mga dalana na atong gibarugan, kining pagtulon-an na atog gipasilongan diin anaa ang pagyubit, pagtamay ug mga kasakitan.

Diin bulahan ka igsoon diha sa mga kasakitan nga nasinati kay mao kini ang kabubut-on sa Dios . miingon ang balaang kasulatan nga kun gusto nimong hataas ga katungdana didto sa langit nan puy-i ang kinabuhi nga puno sa pagyubit ,pagtamay ug pagka mangindawaton, nan pas-ana ang imong krus sa kinabuhi ug sunod kang Jesus diin ang nagpaubos dinhi sa yuta ipataas didto sa langit. Bulahan ka igsoon nga nakambit sa mga kasakitan ni Jesus diha sa krus kay makaambit usab sa iyang himaya sa pagkabanhaw didto sa langit.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo