Tuesday, June 10, 2008

Nagadan-ag Ingon Nga Mga Suga Sa Kalibutan

FILIPOS 2: 12 ~ 18

12 Busa, mga hinigugma ko, maingon nga kamo sa kanunay nagamasinugtanon man dili lamang sa panahon ra nga ako anaa kaninyo, kondili, labaw pa gani, sa panahon usab nga ako wala diha kaninyo, panlimbasugi ninyo ang inyong kaugalingong kaluwasan uban ang kahadlok ug pagkurog; 13kay diha sa sulod ninyo ang Dios mao ang nagapalihok sa inyong pagtinguha ug pagpaningkamot alang sa iyang kaugalingong kahimuot.

14 Buhata ninyo ang tanang mga butang sa walay pagbagolbol ni pagsukitsukit, 15aron mahimo kamong putli ug dili masalawayon, mga anak sa Dios nga mga walay buling, taliwala sa usa ka kaliwatan nga hiwi ug masupilon, nga sa taliwala nila kamo nagasidlak ingon nga mga kahayag dinhi sa kalibutan, 16nga nagatanyag sa pulong alang sa kinabuhi, aron nga sa adlaw unya ni Cristo ako magamapasigarbohon nga ako wala diay magpaningkamot ni maghago sa wala lamay kapuslanan. 17Apan bisan pa kon ingon nga halad igaula ako diha sa ibabaw sa inyong halad-inihaw nga pang-alagad sa inyong pagtoo, igakalipay ko kini ug ako magakalipay uban kaninyong tanan. 18Sa ingon niini kinahanglan kamo usab magakalipay, ug magakalipay uban kanako.

PAGPAAMBIT SA MENSAHE:

Ang maong ebanghelyo nagpasabot sa pagpakita sa maayong sumbanan sa imong pagkatawo ug sa imong gawi diha sa pagpuyo mo sa kinabuhi nga kristuhanon diin mamahimo kang ehemplo diha mismo sa imong pamilya, diha sa imong komunidad ug bisan diha sa mga tawo nga nanagdumot ug nanaglutos kanimo.

Ang ebanghelyo nagpasabot nga isip kahayag o pagdan-ag diha sa tagsa-tagsa nila ka kasingkasing diin ingon nga si Jesus nagapuyo diha sa imong kinabuhi diin nagaagi sa iyang kabubut-on ang anaa sa imong kasing-kasing, hunahuna, ug mga pulong.

Diin bulahan nga sa imong pagsangyaw sa kamatuoran ikaw mamahimong magadan-ag kanila diha sa ilang adlaw-adlaw nga kinabuhi diin nagaingon ang balaang kasulatan nga unsay pulos sa imong suga kun imo lang kining tagu-an sa ilawom sa katre diin ang kahayag niini dili makadan-ag sa palibot.

Sa ato pa igsoon katungod gayud sa matag tumutoo ang pagpadayag sa mga pulong sa Dios ug anaa na sa mga naminaw kun kini ila bang paga-ambitan o lutoson ba nila ang Dios. Ang Dios nagsimbolo man ug kalinaw sa ato pa igsoon angayan nga kita nga nagsunod sa pagtulon-an sa Dios dili gayud makiglalis o makiglantugi sa pulong sa Dios, sa kanunay ipahari ang kanunay diin dili tawo ang atong gisunod nan ihangad nato sa langit nga unta lamdagan sila sa ilang mga hunahuna.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo