Si Jesu Cristo Ang Gahum Ug Kaalam Sa Dios

1 CORINTO 1 : 18 ~31

18Kay sa mga nagakalaglag, ang kaasoyan sa krus maoy usa ka binoang; apan alang kanato nga ginaluwas, kini mao ang gahum sa Dios. 19Kay nahisulat kini: Akong pagalaglagon ang kaalam sa mga manggialamon, ug akong pagapakyason ang kahait sa panabut sa mga mahait ug salabutan." 20Hain na man ang tawong manggialamon? Hain na man ang escriba? Hain na man ang maglalantugi niining kapanahonan karon? Wala ba sa Dios pakabinoanga ang kaalam nga iya sa kalibutan? 21Kay sanglit ang kalibutan pinaagi sa kaalam niini wala man moila sa Dios diha sa iyang kaalam, gikahimut-an sa Dios pinaagi sa kaboang sa atong ginawali ang pagluwas kanila nga nagatoo. 22Kay samtang ang mga milagro maoy ginapangayo sa mga Judio ug ang kaalam maoy ginapangita sa mga Gresyanhon,

23si Cristo, ang gilansang sa krus, mao ang atong ginawali, si Cristo nga alang sa mga Judio usa ka kapangdolan, ug alang sa mga Gentil usa ka binoang, 24apan alang kanila nga mga gipanagtawag, mga Judio ug mga Gresyanhon, si Cristo mao ang gahum sa Dios ug ang kaalam sa Dios. 25Kay ang binoang sa Dios labi pang maalam kay sa mga tawo, ug ang kahuyang sa Dios labi pang kusgan kay sa mga tawo. 26Kay palandunga ra ang pagtawag kaninyo, mga igsoon; sa pagtawag kaninyo dili daghan kaninyo ang mga manggialamon sumala sa mga sukdanan nga kinalibutanon, dili daghan ang mga makagagahum, dili daghan ang mga hamili sa pagkatawo;

27apan gipili sa Dios ang ginapakaboang sa kalibutan aron sa pagpakaulaw sa mga manggialamon, gipili sa Dios ang ginapakahuyang sa kalibutan aron sa pagpakaulaw sa mga kusgan, 28gipili sa Dios ang timawa ug tinamay sa kalibutan, bisan ang mga butang nga wala magalungtad aron sa pagwagtang sa mga butang nga nagalungtad, 29aron nga sa ingon niana walay tawo nga makapasigarbo diha sa atubangan sa Dios. 30Kay gumikan kaniya kamo anaa kang Cristo Jesus nga iyang gihimo nga atong kaalam, atong pagkamatarung ug pagkabinalaan ug pagkatinubos; 31busa, ingon sa nahisulat, "Siya nga magapasigarbo, ipasigarbo unta niya ang Ginoo."

PAGPAAMBIT SA MENSAHE:

Ang maong ebanghelyo nagpasabot sa pagkaDios ug sa pagpakatawo ni Jesus diin diha sa unang mga sinulat sa Libro ni Moises ginaingon nga si Jesu Cristo mao kadtong bato nga nahimong giya ni Moises sa ilang pagkagiw didto sa Ehipto paingon sa yuta sa mga saad nga gisaad ni Abraham kanila. Sa unang balaang kasulatan si Jesus nahaimo nang giya sa mga katawhan ni Moises diin siya nanghuka\lam as pigura nga bato.

Dinhi karon sa maong ebanghelyo gihisgutan si Jesus nga isip replika o pareho ug hulagway ug kaalam sa Dios Amahan, diin nagaingon ang balaang kasulatan Ang nakakita kanako, nakakita sa Amahan ug Ang Amahn ug ako usa ra.

Apan diha pagtulun-an diha sa iyang gibarugan nagpaj\kasama siya sa usa ka ordinaryong bato diin gisalibay kini as mga panday tungod kay walay gamit, apan ang bato nga ordinaryo mga igsoon mao man diay ang importanting bato dinhi sa pagtulon-an nga atong gibarugan, mao man diay ang panaka kusog nga pundasyon diha atong pagtulon=an nga gibarugan.

Dili matukib sa tawo ang pamaagi nga gipahiluna sa Dios, diin siya nagpakaubos sa iyang kaugalingon diha sa iyang iglisea nga gibarugan, ug nagpaulipon diha sa mga katawhan pinaagi sa pagtudlo sa kabubut-on sa Dios ug sa pagwali sa maayong pagtulon-an.

Diin nagpasabot ang ebanghelyo nga ang pinakaubos dinhi sa yuta maoy pinakataas didto sa langit, apan ang nagpataas dinhi sa yuta ipaubos ug dili ilhon didto sa langit. Nga sa ato pa mga igssonn nagpasdaan ang Dios nga kun gusto nato nga mamahimong pinasidunggan didto sa langit nan puy-i ang pinakaubos ug tinamay dinhi sa yuta pas-ana ang imong krus sa kinabuhi ug sunod kang Jesu Cristo.

Diin bulahan ka igsoon nga makaambit sa mga kasakit ni Jesu Cristo dinhi sa yuta j=kay makaambit usab sa iyang hinaya sa pagkabanhaw didto sa langit.