Gipanag-ambitan Nila Ang Tanang Butang

BUHAT 4 : 32 ~ 37

32 Ug sa katilingban sa mga nanagpanoo usa ra ang kasingkasing ug usa ra ang balatian, ug wala kanilay nag-ingon nga iya rang kaugalingon ang mga butang nga iyang gihuptan, hinonoa ilang gipanag-usahan sa pag-ambit ang tanang butang ingon nga katigayonan sa tanan. 33Ug uban sa dakung gahum, ang mga apostoles nanagpamatuod sa pagkabanhaw sa Ginoong Jesus, ug daku ang grasya nga diha kanilang tanan.

34Ug wala kanilay nakabsan, kay ang tanan kanila nga may kayutaan o mga balay namaligya man niini, ug ang halin ilang gihatud 35ug gibutang sa tiilan sa mga apostoles; ug ang pagpangapod-apod niini gihimo ngadto sa matag-usa sumala sa kinahanglanon ni bisan kinsa. 36Sa ingon niini si Jose, nga gianggaan sa mga apostoles ug Bernabe (nga ang kahulogan, Anak sa Pangdasig), nga usa ka Levita nga taga-Cipro, 37mibaligya sa usa niya ka luna nga yuta ug ang salapi nga halin niini iyang gihatud ug gibutang sa tiilan sa mga apostoles.

PAGPAAMBIT SA MENSAHE:

Ang maong ebanghelyo maoy pagpasinati sa Dios sa iyang mga katawhan sa panagdait ug pagminahalay diha sa atubangan sa Dios, diin maoy ilang gipatigbaabw ang espirituhanon nga pamaagi diin walay lain nilang gihunahuna kundili ang kaluwasan sa ilang mga sala. Diin diha sa maong ebanghelyo ilang gitugyan ang ilang mga material ug bahandi ngadto sa apostoles, ug diin usab ang ilang kalag ilang gihhalad ngadto sa Dios nga makagagahum.

Nagpasabot lamang mga igsoon nga kun magkinabuhi kita ubos sa giya saespiritu santo diin maoy atong ipahari ang kabubut-on sa Dios nan magkinabuhi kita nga sam sa langyaw na niining kalibutan ka yang atong kinabuhi susama naman sa atoa na kita sa gingharian sa Dios diin maoy ipahari ang kalinaw u gang panagdayeg sa Dios.

Diin bulahan ka igsoon sa imong pagpakabuhi niining kalibutan nag nagtagana sa mga bahandi nga langitnon ug diin sa kanunay gikalimtan mo na ang kalibutan nga imong gipuy-an diin ikaw nagapasidungo sa Dios sa tumang pagpaubos ug sa tumang kalinaw, diin walay tawhanon nga bahandi nga makaambas niini, ug diin bullahan ka igsoon sa higayun nga molalin ka na sa laing kalibutan halu-ag na ang luna sa imong hawan didto sa gingharian sa Dios Amahan.