Monday, June 9, 2008

Ang Pag-alagad Sa Dios

ROMA 12: 1~ 21

1 Busa hangyoon ko kamo, mga igsoon, tungod sa mga kalooy sa Dios, sa pagtugyan sa inyong mga lawas ingon nga halad nga buhi, balaan ug hinangponon sa Dios, ang halad nga mao ang inyong espirituhanong pagsimba. 2Ayaw kamo pagpahiuyon niining panahona sa kalibutan, kondili usba hinoon ninyo ang inyong kaugalingon pinaagi sa pagbag-o sa inyong salabutan, aron inyong masuta kon unsa ang maayo ug hinangponon ug hingpit nga kabobut-on sa Dios.

3Kay pinaagi sa grasya nga gihatag kanako agdahon ko ang matag-usa kaninyo sa dili paghunahuna ug labaw kay sa angay niyang hunahunaon mahitungod sa iyang kaugalingon, kondili nga maghunahuna hinoon siya uban sa kaligdong, ang matag-usa sibo sa gidak-on sa pagtoo nga gibahin sa Dios kaniya. 4Kay maingon nga diha sa usa ka lawas aduna kitay daghang mga bahin, ug ang tanang mga bahin dili managsamag bulohaton, 5mao man usab kita, bisan daghan, usa ra kita ka lawas diha kang Cristo, ug ang matag-usa kanato isigkabahin, ang usa sa usa.

6Ug sanglit nabatonan ta man ang espirituhanong mga hiyas nga nagkalainlain sibo sa grasya nga gihatag kanato, kinahanglan gamiton ta kini: kon sa profesiya, kinahanglan gamiton ta kini sibo sa gidak-on sa atong pagtoo; 7kon sa pag-alagad, sa atong pagpang-alagad; ang nagatudlo, sa iyang pagpanudlo; 8ang nagamaymay, sa iyang pagpangmaymay; ang nagaamot, sa pagkamanggihatagon; ang nagahatag ug panabang, sa pagkamasibuton; ang nagahimog mga buhat sa kalooy, sa kasaya. 9Kinahanglan walay pagminaut ang gugma. Dumti ninyo ang dautan, gumakos kamo sa maayo. 10Paghigugmaay kamo ang usa sa usa sa gugma nga inigsoon; pagpalabwanay kamo sa pagtahud ang usa sa usa.

11Ayaw kamo pagpakulang sa kasibut, hinonoa magmainiton kamo diha sa Espiritu. Alagara ninyo ang Ginoo. 12Pagkalipay kamo diha sa inyong paglaum, pagpailub kamo sa panahon sa kagul-anan, lumahutay kamo sa pag-ampo. 13Umamot kamo alang sa mga kinahanglanon sa mga balaan, batasana ninyo ang pagkamaabi-abihon. 14Panghinauti ninyo ang mga nagalutos kaninyo; panghinauti ug ayaw ninyo sila pagpanghimarauta. 15Pagkalipay kamo duyog sa mga nagakalipay, panghilak kamo duyog sa mga nagapanghilak.

16Panagkaangay kamo sa inyong panghunahuna, ang usa ngadto sa usa; ayaw kamo pagpahitaas, hinonoa pakigharong kamo sa mga timawa; ayaw ninyo palabihi ang inyong pag-isip sa inyong kaugalingong pagkamakinaadmanon. 17Kinahanglan walay balusan ninyog dautan tungod sa dautan, hinonoa tinguhaa ninyo ang pagkamaligdong diha sa atubangan sa tanang tawo. 18Kon mahimo, sumala sa inyong takus maarangan, kinahanglan makigdinaitay kamo uban sa tanang tawo.

19Mga hinigugma, ayaw ninyo himoa ang panimalus, hinonoa hatagi ninyog higayon ang kapungot sa Dios; kay nahisulat man kini nga nagaingon, "Akoa ang panimalus, ako mao ang magabayad, nagaingon ang Ginoo." 20Hinonoa, "kon gutomon ang imong kaaway, pakan-a siya; kon uhawon, paimna siya; kay sa imong pagbuhat niini magapundok ikaw ug mga baga diha sa ibabaw sa iyang ulo." 21Ayaw pagpadaug sa dautan, hinonoa dag-a ang dautan pinaagi sa maayo.

PAGPAAMBIT SA MENSAHE:

Ang maong ebanghelyo naghisgot sa pamaagi sa pagalagad sa Dios diin kita magaalagad sa Diossa pina ubos nga pamaagi diin ipaagi kini sa kalinaw ug panagdait, diin puno sa pagpaubosug puno sa kalipay nga sa ato pa buhaton nato nga malipayon ang pag-alagad sa Dios.

Moabot sa atong huna-huna mga igsoon unsaon mn ang pag-alagad sa Dios, igo na ba ang pagsimba sa matag-adlaw nga Domingo, igo na ba ang paghatag ug dakong amot sa simbahan, igo na ba ang kanunay pag-apil diha sa mga kalihukan nga sibiko ug relihiyuso?

1 Corintho 3: 16 nagaingon: Ang lawas sa tawo maoy templo sa Dios espiritu santo, ug ang magalaglag sa templosa dios nga mao ang atong lawas iya usab nga paglaglagon, nga sa ato pa mag igsoon dili diay kay ang Dios nga atong gialagaran anaa lamang diha sa dagkong templo, kundili ang matag tawo dinhi niining kalibutan maoy imahen sa buhing Dios kay ang espiritu santo anaa man sa matag tawo niining kalibutan,

Nagpasabot mga igsoon nga angayan gayud diay nga atong tahuron, respetuhan ang atong isigkatawo bisan unsa siya ka ubos kay anaa sa iyang lawas ang espiritu santo. Sa ato pa bisan sige ug luhod diha, sige ka ug hatag ug dagkong hinabang diha sa mga nagkinahanglang apan naglutos ka sa imon silingan, sa imong na igsoon, ug sa imong pamilya nan walay bili ang tanan nimong gibuhat kay sama ra man usab nga gilutos mo ang Dios.

Sa ato pa diay mga igsoon kung hing pit kang nag-alagad sa Dios nan sama ra sa langyaw ka na niining kalibutana diin ipahari mo ang pagpaubos, pagpasakit, ug pagkamainampoon, Diin matod pa sa balaang kasulatan, kung gusto nato nga pasidunggan ug himayaon didto sa langit nan atong puy-an ang kinabuhi nga pinakaubos ug puno sa papasakit ug pagkamainampoon dinhi sa yuta diin imong pas-anon ang imong krus sa kinabuhi ug sunda si Jesu Cristo.

Ug bulahan ang mga katawhan nga nakaambit sa kasakit ni Jesus sa krus kay makaambit usab sila sa himaya ni Jesu Cristo didto sa langit.

No comments:

Holy Spirit of Blessed Mother of Mercy

Easter Greetings Of Holy Spirit of Sr. Santo NiƱo