MATEO 6: 24 ~ 27• 24 Walay makaalagad og duha ka agalon. Malagmit kasilagan niya ang usa ug ang usa higugmaon; o mag-maunongon siya sa primero ug magtamay sa ikaduha. Dili mo makadungan pag-alagad sa Diyos ug salapi.
25 Busa, sultihan tamo: ayawg kabalaka sa inyong lawas. Dili ba, ang kinabuhi labaw man ka bililhon kay sa pagkaon; ug ang lawas sa sinina? 26 Tan-awa ang mga langgam sa kahitas-an. Wala sila magpugas, wala mag-ani ni magtigom og pagkaon sa kamalig. Apan ang langitnong Amahan nag-atiman nila. Dili ba, labaw man mo ka bililhon sa langgam?
27 Kinsa ninyoy makadugang og usa ka adlaw sa kinabuhi tungod sa kabalaka? 28 Nganong naguol mo sa inyong bisti? Tan-awa ang kabulakan sa mga uma. Walay naghago ni nag-hablon.
PAGPAAMBIT SA MENSAHE:
Ang maong ebanghelyo naghisgot sa pagpangaplag sa tawo diin diha as naghinubra niya nga bahandi mahimong hikalimtan na niya ang Dios ug nga mahimo na man unya nga ang bahandi maoy iyang Dios diin ang tanan nga mga tawhanon nga mga butang iyang mapalit sa tumang kasayon.
Diin matod pa diha sa lain nga bahin sa kasulatan, unsa may maarang sa tawo nga sa iyang paghiabot dinhi sa kalibutan wala man siya dala g maingong sa iyang pagtaliwan niini nga kalibutan wala man gayud siyay madala usab.
Diin kun ang imong bahandi ania ra kalibutan nan dinhi kara usab kutob diin ang maong mag bahandi kut-kuton man sa anay ug daghan ang magainteres niini. Ma maayo nga magtigom ka ug bahandi nga iya sa langit diin walay anay nga magakutkot ug kawatan nga magasaka, diin bulahan inig atubang nimo puhon sa Dios Amahan anaa kay bahandi nga langitnon nga imong ikapakita kaniya.
No comments:
Post a Comment